Fréttablaðið - 05.07.2013, Blaðsíða 14

5. júlí 2013 FÖSTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRAR: Andri Ólafsson andri@frettabladid.is, Sigríður Björg Tómasdóttir, sigridur@frettabladid.is HELGAREFNI: Kjartan Guðmundsson kjartan@frettabladid.is MENNING: Bergsteinn Sigurðsson bergsteinn@frettabladid.is
VÍSIR: Kristján Hjálmarsson, kristjan@visir.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Ú
r herbergjum unglinganna á Íslandi heyrast oft
háværar samræður á ensku ef unglingurinn er að
spila tölvuleik. Þetta er ný menning og mörgum
þykir hún óhugnanleg. Í því samhengi er rætt um
tölvuleikjafíkn og foreldrar oft áhyggjufullir. Það
er erfitt að ala upp ungling í nútímasamfélagi hvað þá ef hann
dvelur tímunum saman í gerviveröld tölvuleikjanna. En nýir
siðir ungs fólks hafa alltaf valdið áhyggjum hinna sem eldri eru.
Þannig var það með tónlistina,
vídeógláp og aðrar nýjungar.
Við erum oft alltof svartsýn á
framtíð unga fólksins okkar
og einblínum um of á hið
neikvæða.
Í Fréttablaðinu í gær sögðum
við frá íslenskum atvinnumanni
í tölvuleikjaspilun. Það er búið
að kaupa hann til Sviss og þótt þessi frétt sé nýlunda í íslenskum
fjölmiðlum eru tíðindin ekkert ósvipuð því en þegar sagðar eru
fréttir af unglingum sem keyptir eru til að spila fótbolta eða
handbolta í Svíþjóð. Sjálfur segir ungi atvinnumaðurinn, Jökull
Jóhannsson, að þetta sé eins og hver önnur vinna en hann æfir
þessa íþrótt, að spila tölvuleik, í átta tíma á dag. Bestu atvinnu-
mennirnir í deild Jökuls, sem kennir sig við leikinn Starcraft,
þéna eina til tvær milljónir á mánuði. Það er því til nokkurs að
vinna.
Tölvuleikir tilheyra afþreyingariðnaði og síðustu ár hefur
velta iðnaðarins orðið tvöfalt meiri en velta tónlistariðnaðarins.
Fyrsti söludagur nýs leiks slær oft út miðasölu á stærstu bíó-
myndir hvers árs á opnunarhelgi. Tölvuleikir velta líka meiru
en tímaritaútgáfa í heiminum og slaga vel yfir helming veltu
kvikmyndaiðnaðarins.
Eitt af framsæknari fyrirtækjunum hér á landi er tölvu-
leikjaframleiðandinn CCP sem gefur út Eve Online og fleiri
leiki. Fjöldi manns starfar hjá fyrirtækinu sem er með skrif-
stofur víða um heim. Hrunið hafði lítil áhrif á tölvuleikjaiðnað-
inn nema þá til batnaðar því það losnaði um hæfileikafólk sem
kastaði sér út í ævintýri á nýjum slóðum. Við sögðum frá nokkr-
um ungum mönnum í síðustu viku sem hafa skapað nýjan leik
sem kemur út á næstunni og heitir Aaru‘s Awakening. Samtals
hafa þessir ungu menn eytt níu milljónum í beinhörðum pen-
ingum til að koma leiknum á koppinn en raunverðið hleypur á
yfir hundrað milljónum ef vinnuframlag þeirra er tekið með í
reikninginn. Þetta er frumkvöðlastarf og mikil áhætta en miðað
við umfjöllun í erlendum tölvuleikjamiðlum bendir allt til þess
að veðmálið gæti gengið upp.
Íslenskur tölvuleikjaiðnaður veltir yfir tíu milljörðum króna á
ári og þó eigum við nóg inni. Ekkert bendir til þess að eftirspurn
eftir afþreyingu í formi tölvuleikja eigi eftir að minnka. Þvert
á móti fjölgar þeim sem spila leiki og þetta fólk eldist og vill
fjölbreyttari afþreyingarleiki. Við eigum að taka öllum svona
breytingum fagnandi og passa okkur að gera ekki lítið úr furðu-
legu samræðunum sem við heyrum úr herbergjum unglinganna.
Tölvuleikir velta meiru en tónlistariðnaðurinn:
Atvinnumenn
í tölvuleikjum
Mikael
Torfason
mikael@frettabladid.is
Ekkert svar
Enginn þeirra, sem fóru með völd
yfir Íbúðalánasjóði á því tímabili
þegar hann var settur á hliðina,
hefur fengist til að tjá sig að nokkru
ráði um efni rannsóknarskýrslunnar
um málefni sjóðsins. Framkvæmda-
stjórinn fyrrverandi, Guðmundur
Bjarnason, segist enn ekki hafa
kynnt sér hana nógu vel, þremur
dögum eftir útgáfu hennar, stjórnar-
formaðurinn fyrrverandi segist
ekki einu sinni hafa séð hana,
aðrir stjórnarmenn vilja
ekkert segja og fyrrverandi
ráðherrar Framsóknar-
flokksins láta ýmist ekki
ná í sig eða þykjast
ekkert hafa um málið
að segja. Þetta er
merkileg staða.
Óforskammað
Nú er það svo að allir þessir karl-
menn voru í vinnu fyrir íslenskan
almenning. Skýrsla nefndar sem
þjóðkjörið Alþingi skipaði kemst að
því að Íbúðalánasjóður, undir þeirra
stjórn, hafi verið í tómu rugli og
ruglið hafi kostað þjóðarbúið risa-
vaxnar upphæðir. Þessum mönnum
er ekki stætt á því að þiggja bara
eftirlaun í sínum hornum og þegja
þunnu hljóði. Hafi þeir ekki
lesið skýrsluna skulu þeir bara
gjöra svo vel og útvega sér
hana, lesa hana
í snarhasti, og
standa síðan
fyrir máli
sínu. Annað
er ófor-
skammað.
Frægir með athugasemdir
Skipulagsráð Reykjavíkurborgar
fjallaði á fundi sínum á miðvikudag
um breytt deiliskipulag í Kvosinni.
Það er ljóst að það eru margir
sem hafa sitthvað að athuga við
deiliskipulagið, því að á fundinum
voru kynntar ótal athugasemdir sem
hafa borist. Fjöldi þeirra var frá tón-
listarmönnum. Á meðal þeirra
sem sendu inn athugasemd
voru Úlfur Eldjárn, Tómas R.
Einarsson, Högni Egilsson,
og Samúel Jón Samúelsson
úr Jagúar. Þá er Páll Óskar
Hjálmtýsson að sjálfsögðu á
lista, og eins vinkona hans,
hörpuleikarinn Monika
Abendroth.
stigur@frettabladid.is
Innskot í Fréttablaðið skilar árangri!
MEST LESNA
DAGBLAÐ Á ÍSLANDI*
Fréttablaðið er mest lesna dagblaðið landsins
með glæsilegt forskot á keppinautana.
Meðallestur Fréttablaðsins í
aldurshópnum 25-54 ára er 73%
á höfuðborgarsvæðinu.*
Við bendum auglýsendum á að notfæra
sér forskotið þegar þeir velja dreifingarleið
fyrir fjölpóst sinn. Við dreifum sex daga
vikunnar til heimila á stærsta markaðssvæði landsins.
Kannaðu dreifileiðir og verð í síma 512 5448
eða í tölvupóstfangi fjolpostur@frettabladid.is
*P
re
nt
m
ið
la
kö
nn
un
C
ap
ac
en
t o
kt
ób
er
–d
es
em
be
r 2
01
2
–
hö
fu
ðb
or
ga
rs
væ
ði
2
5-
54
á
ra
HAFÐU FJÖLPÓSTINN ÞINN
Í FRÉTTABLAÐINU
Rannsóknarskýrsla Alþingis um Íbúða-
lánasjóð er vissulega svört, um það
þarf ekki að deila. Engin ástæða er þó
til að fyllast svartsýni um framtíð hús-
næðismálanna. Við eigum að læra af
skýrslunni og bæta vinnubrögð og
stefnumótun.
Húsnæðismálin eru eitt mikilvægasta
viðfangsefni stjórnmálanna. Öruggt
húsnæði er grunnur að velferð fólks
um leið og skipan húsnæðismála er eitt
stærsta efnahagsmálið. Eðli málsins
samkvæmt tekur tíma að gera breytingar
á húsnæðis kerfinu. Rannsóknarskýrslan
um Íbúðalánasjóð sýnir að breytingar
á fjármögnun húsnæðis geta haft
alvarlegar afleiðingar ef ekki er hugað
að víðtækum áhrifum þeirra í upphafi.
Skýrslan sýnir einnig að markviss hús-
næðisstefna er nauðsynleg til að tryggja
fólki húsnæði af réttri stærð og á réttum
stöðum. Nú á Íbúðalánasjóður um 2.200
íbúðir en innan við þriðjungur þeirra er í
útleigu. Hinar standa auðar, sumar jafn-
vel ekki fullbyggðar eða í byggðarlögum
þar sem lítil eftirspurn er eftir húsnæði.
Gagnleg umræða
Þverpólitískur samráðshópur um hús-
næðisstefnu skilaði tillögum vorið 2011
og þar skapaðist samstaða um húsnæðis-
stefnuna. Lögð var áhersla á að innleiða
húsnæðisáætlanir í sveitarfélögum, efla
upplýsingar um húsnæðismarkaðinn,
breyta húsnæðisstuðningi svo eigendum
húsnæðis sé ekki gert hærra undir höfði
en leigjendum, breyta rekstrarumhverfi
húsnæðisfélaga og síðast en ekki síst
skapa stöðuga umgjörð um fjármögnun
húsnæðis. Á síðustu mánuðum og miss-
erum hafa vinnuhópar verið að skila til-
lögum um þessa þætti stefnunnar. Nú er
mikilvægt að koma þeim í framkvæmd
enda mikil eftirspurn eftir húsnæði á við-
ráðanlegu verði.
Við í Samfylkingunni fögnum því að
Eygló Harðardóttir, nýr félags- og hús-
næðismálaráðherra, ætlar að skipa verk-
efnisstjórn um húsnæðismál og sam-
vinnuhóp með henni. Heildstæðar tillögur
liggja fyrir í velferðarráðuneytinu frá
fyrri ríkisstjórn og rannsóknar skýrslan
um Íbúðalánsjóð hefur að geyma mjög
gagnlega umræðu.
Halda þarf áfram breytingum á Íbúða-
lánasjóði, ákveða skipan húsnæðislána
og innleiða þá metnaðarfullu húsnæðis-
stefnu sem þverpólitísk sátt ríkir um.
Húsnæðismálin eru stóra málið.
Stóra málið!
➜ Eðli málsins samkvæmt tekur
tíma að gera breytingar á húsnæðis-
kerfi nu.
HÚSNÆÐISMÁL
Sigríður Ingibjörg
Ingadóttir
þingmaður
Samfylkingarinnar