Fréttablaðið - 05.07.2013, Blaðsíða 20
FÓLK|HELGIN
Hjörtur Matthías Skúlason er einn af stofnendum og skipuleggjendum
Rauðasand Festival sem haldið
er á Melnesi á Rauðasandi
um helgina. „Ástæðan fyrir
því að ég vildi hafa festivalið
á þessum stað er að ég ólst
upp hérna og við fáum að nota
landið hjá systur minni,“ segir
Hjörtur. Hátíðin verður haldin
í þriðja skiptið þetta árið.
Uppselt er á hátíðina en alls
voru 350 miðar í boði.
Fjöldi tónlistarmanna mun
mæta og troða upp í gamalli
hlöðu á svæðinu. „Þetta
byrjaði allt þannig að okkur
vinina langaði til að halda stórt
partí fyrir alla vini okkar úti
á landi en flestir vinir okkar
eru miklir listamenn. Einhvern
veginn varð hugmyndin stærri
og stærri og að lokum langaði
okkur að halda festival,“ segir
Hjörtur.
Nóg er um að vera á daginn
eins og til dæmis sandkastala-
keppni og söguganga með
Vilborgu Örnu pólfara. „Einn
daginn ætlum við að byggja
skúlptúr og í lok kvöldsins
munum við kveikja í honum,“
segir Hjörtur sem er afar
spenntur fyrir helginni og
hefur verið á Vestfjörðum alla
vikuna að gera allt tilbúið fyrir
hátíðina.
Hjörtur segir að það sé
mikilvægt að taka lopapeysuna
og lopasokka með á útihátíðir
sem þessa, enda geta íslenskar
sumarnætur orðið ansi kaldar.
Flestir Íslendingar ættu að eiga
eitt eða tvö stykki af þessari
hlýju þjóðargersemi hangandi
uppi í skáp.
Í gærkvöldi byrjaði upp-
hitun fyrir hátíðina með
nokkrum plötusnúðum sem
komu stuðinu í fólkið. Ágætis
spá er fyrir næstu daga á
Vestfjörðum en fólk er þó
beðið um að gera ráð fyrir
rigningu og roki þegar pakkað
er í ferðatöskurnar. Skipu-
lagning fyrir næstu hátíð mun
hefjast strax í næstu viku. „Þá
ætlum við að byrja á að gera
samantekt og fara yfir það
sem fór vel og hvað mætti
gera betur,“ segir Hjörtur.
Vinnan við að setja upp hátíð
sem þessa er gríðarlega
mikil en þar sem allir skipu-
leggjendurnir eru í vinnu þá
verður að byrja snemma.
Hjörtur er vöruhönnuður og
starfar hjá Lumex.
gunnhildur@365.is
TÓNLISTARHÁTIÐ Á RAUÐASANDI
ÞRIÐJA ÁRIÐ Í RÖÐ Hjörtur skipuleggur Rauðasand Festival þriðja árið í röð ásamt nokkrum vinum. Hátíðin fer fram um helgina
og nóg verður um að vera. Uppselt var á hátíðina fyrir einum og hálfum mánuði.
Þetta er þægilegur og
fljótlegur réttur sem einfalt
er að gera á ferðalagi eða
heima. Brauðið er hægt að
kaupa tilbúið og hita á grill-
inu. Sósu má gera degi áður.
Grænmetið er hægt að skera
niður áður en haldið er af
stað í sveitina. Uppskriftin
miðast við fjóra.
600 g kjúklingabringa
1 msk. olía
½ tsk. salt
¼ tsk. pipar
2 rauðar paprikur
2 gular paprikur
1 kúrbítur
2 laukar
olía
salt og pipar
4 pítabrauð
Poki með blönduðu salati
Paprika, kúrbítur og laukur er
skorið niður, penslað með olíu
og bragðbætt með salti og pipar.
Grillið í 10-15 mínútur. Kljúfið
kjúklingabringurnar í tvennt,
penslið með olíu og bragðbætið
með salti og pipar. Grillið í tvær
mínútur á hvorri hlið, lækkið
hitann og grillið áfram í 2-3
mínútur.
Hitið pítabrauðin á grillinu
og fyllið með fersku salati,
grilluðu grænmeti og
kjúklingabringunum. Fyrir þá sem
vilja létta og bragðgóða sósu
með er einfalt að laga hana úr
grískri jógúrt sem bragðbætt er
með smá sítrónusafa, hunangi,
pressuðum hvítlauk, dijon-
sinnepi, salti og pipar.
GRILLAÐUR KJÚKLINGUR
Í PÍTABRAUÐI
MEÐ GRÆNMETI
RAUÐISANDUR
„Hugmyndin var fyrst
að halda stórt partí
fyrir alla vinina,“ segir
Hjörtur.
HJÖRTUR
MATTHÍAS
Einn af skipu-
leggjendum
hátíðarinnar. Hann
ólst upp á Rauða-
sandi og hátíðin
er haldin á landi
systur hans.
MYND/JONINA DE LA
ROSA
Grensásvegur 8, sími 553 7300
mán-fim 12–18, fös 12–19, lau 12–17
ÚTSALAN HAFIN
50–70 %
afsláttur af öllum fatnaði
50 %
afsláttur af öllu skarti
30 %
afsláttur af klútum,
töskum og öðrum fylgihlutum
10% afsláttur af standard bolum og toppum
SOHO/MARKET
Á FACEBOOK