Fréttablaðið - 22.07.2013, Page 2

22. júlí 2013 MÁNUDAGUR| FRÉTTIR | 2
SPURNING DAGSINS
SLYS Einn var fluttur á slysadeild
í gærmorgun, líklega ökkla-
brotinn, eftir að rússnesk þota,
sem verið hafði á æfingaflugi um
nóttina, brotlenti á Keflavíkur-
flugvelli.
Rannsóknarnefnd samgöngu-
mála hefur hafið rannsókn á
óhappinu en grunur leikur á að
lendingarbúnaður vélarinnar
hafi verið bilaður.
Skúli Jónsson, aðstoðaryfir-
lögregluþjónn hjá lögreglunni
á Suðurnesjum, segir í samtali
við Fréttablaðið að allir hafi
sloppið ómeiddir nema einn.
„Það voru fimm manns um borð
og fjórir reyndust ómeiddir.
Einn var fluttur á Heilbrigðis-
stofnun Suður nesja með áverka
á fæti, en það bendir allt til þess
að hann sé ökklabrotinn,“ segir
Skúli sem vinnur nú að rannsókn
á vettvangi.
Skúli segir að það sé algjörlega
ótímabært að fjalla um hvað olli
slysinu en ítrekar að lögreglan og
rannsóknarnefnd samgöngumála
vinni nú að því að komast að því
hvað fór úrskeiðis.
Í takt við aðgerðaráætlun voru
ýmsar starfsstöðvar og stofnanir
virkjaðar sem annast rekstur og
uppbyggingu flugvalla á Íslandi
ásamt slökkviliði, björgunar-
sveitum og Rauða krossinum.
Þotan var af gerðinni Sukhoi
Super-jet og er framleidd í Rúss-
landi. Framleiðendur flugvéla af
sömu tegund hafa áður þurft að
bregðast við bilunum í lendingar-
búnaði á vélum sínum og hafa sjö
flugvélar af þessari tegund verið
framleiddar síðan árið 2007. - khn
Einn var fluttur á slysadeild eftir að rússnesk þota brotlenti í Keflavík:
Ökklabrotnaði í brotlendingu
BILUN Í
LENDINGAR-
BÚNAÐI Rúss-
nesk flugvél
af gerðinni
Sukhoi-jet
100 brotlenti
á Keflavíkur-
flugvelli í gær.
SJÁVARÚTVEGSMÁL Grunur leikur á að stórir síldveiði-
bátar leggi á mið þar sem bláskeljaræktun fer fram
með þeim afleiðingum að ræktunin eyðileggst. Símon
Már Sturluson, eigandi fyrirtækisins Íslensk bláskel
og sjávargróður ehf. í Stykkishólmi, fullyrðir að síld-
veiðibátarnir hafi valdið tugmilljóna tjóni.
„Þeir sigla inn á svæði sem okkur hefur verið
úthlutað og kasta yfir burðarlínuna sem heldur skel-
inni fastri. Þannig rífa þeir bláskelina af línunum
og hún fellur til botns og týnist. Ég er búinn að leita
og leita að þeim. Krossfiskarnir
eru líklega búnir að éta þær. Bát-
arnir eyðilögðu 30 tonna ræktun
í fyrrahaust sem hefur valdið um
40 milljón króna tjóni fyrir okkur,“
segir Símon og bendir á að þetta
sé í þriðja skipti sem bátarnir soga
upp skelina.
„Þetta er svakalegt áfall fyrir
okkur og með ólíkindum hvernig
þessir skipstjórar haga sér,“ bætir
Símon við.
Þó svo að Símoni hafi verið
úthlutað svæði til ræktunar á
bláskel stendur hvergi í lögum að
öðrum skipum sé bannaður aðgang-
ur að svæðinu. Hins vegar gerast
skipstjórar brotlegir ef skipin valda
tjóni.
Símon segir að málið sé í rann-
sókn hjá lögreglu, en ekki sé búið
að yfirheyra skipstjóra síldarbátanna. „Þeir gefa sér
bara ekki tíma til að koma í yfirheyrslur og komast
upp með það. Ég sá þá sigla yfir miðinn og það ætti
að vera nóg,“ segir Símon og bætir við að hann sé
búinn að fá það staðfest hjá Landhelgisgæslunni.
Kristján Berg, eigandi fiskbúðarinnar Fiski-
kóngurinn, segir að hann sakni þess að geta boðið
viðskiptavinum upp á skelina. „Við erum algjör-
lega uppiskroppa með bláskel í búðinni vegna þessa
tjóns,“ segir Kristján.
Símon hefur þurft að segja upp fimm
starfsmönnum vegna tjónsins, þar sem enga skel er
að finna lengur. lovisa@frettabladid.is
Síldveiðiskip skemma
ítrekað bláskeljarækt
Eigandi bláskeljaræktunar á Stykkishólmi fullyrðir að síldveiðibátar hafi ítrekað
valdið honum tjóni sem nemur tugum milljóna. Fisksali segist vera algjörlega uppi-
skroppa með bláskel vegna þessa. Lögregla hefur verið með málið til skoðunar.
BLÁSKEL Símon segir að skeljarnar falli til botns og týnist.
Líklega éti krossfiskarnir þær.
SÍMON
STURLUSON
KRISTJÁN BERG
Ég er búinn að leita og leita að þeim.
Krossfiskarnir hafa líklega étið þær.
Símon Sturluson
bláskeljabóndi
TEKUR VIÐ Filippus tekur við krúnunni af föður sínum Albert II sem sat á valdastóli
í tuttugu ár. MYND/AFP
BELGÍA Hinn 53 ára gamli Filippus tók við sem konungur Belgíu í gær
en faðir hans, Albert II, afsalaði sér krúnunni eftir tuttugu ár á valda-
stóli. Filippus sór eið í belgíska þinghúsinu en hann er sjöundi konung-
ur landsins. Hann sór að standa vörð um stjórnarskrána líkt og hefð
er fyrir.
Filippus konungur nam við háskólana í Oxford og Stanford en hann
er einnig herflugmaður. Um 250 manns voru viðstaddir athöfnina og
veifuðu Filippus og eiginkona hans, Matthildur drottning, til fólksins
af svölum Konungshallarinnar í Brussel í gær. - ka
Albert II afsalaði sér krúnunni eftir tuttugu ár á valdastóli:
Filippus nýr konungur Belgíu
JAPAN Shinzo Abe, forsætisráð-
herra Japans, vann stórsigur í
þingkosningum í Japan í gær.
Kosið var um helming þingsæta í
efri deild þingsins. Kjörsókn var
þó aðeins um 52,6 prósent.
Flokkur Abes, Frjálslyndi lýð-
ræðisflokkurinn, og samstarfs-
flokkur hans hafa nú meirihluta
í báðum deildum þingsins en það
þýðir að frumvörp koma til með
að eiga greiðari leið í gegnum
þingið. „Við viljum bregðast við
ósk þjóðarinnar um efnahagsleg-
an bata,“ sagði forsætisráðherr-
ann eftir niðurstöðurnar í gær. - ka
Kosið til Japansþings:
Shinzo Abe
vann stórsigur
VIÐSKIPTI Nýlega var tilkynnt
að starfsmenn Landsbankans
myndu eignast tæplega eins pró-
sents hlut í bankanum. Vigdís
Hauksdóttir, formaður fjárlaga-
nefndar, sagði í fréttum Stöðvar
2 í gær að hún teldi óeðlilegt að
hægt væri að ráðstafa eignum
ríkisins með þessum hætti.
„Ég velti fyrir mér hvort það sé
lagastoð fyrir þessari úthlutun
því þetta lítur út fyrir að vera
nokkurs konar gjafagjörningur.
Það er alveg klárt í fjárlögum að
þegar á að selja
ríkisfyrirtæki
eða hluta úr rík-
isfyrirtækjum
þarf að færa
slíka heimild í
gegnum þing-
ið,“ segir Vigdís
sem telur gjörn-
inginn siðlaus-
an.
Afhending hlutabréfanna bygg-
ist á samningi frá 15. desember
2009 en þá gerðu gamli Lands-
bankinn, nýi
Landsbankinn
o g í s le n sk a
ríkið samning
um fjárhags-
uppgjör. Með
samþykki ríkis-
ins var nýja
Landsbankanum
gert að koma á
árangurstengdu
launakerfi fyrir starfsmenn
bankans.
Steingrímur J. Sigfússon,
þáverandi fjármálaráðherra,
segir að þessi niðurstaða hafi
verið sú skásta sem fékkst í samn-
ingaviðræðunum. „Upphaflega
krafan frá erlendu kröfuhöfunum
var að koma á árangurstengdu
launakerfi fyrir einungis yfir-
menn. Við höfnuðum því alfarið.
Eftir mikið þóf varð niðurstaðan
sú að kerfið tæki til allra starfs-
manna bankans,“ segir Steingrím-
ur og bendir á að þessar eignir
hafi í raun verið eignir kröfuhafa
en ekki ríkisins. - hþ,- le
Formaður fjárlaganefndar gagnrýnir að starfsmenn Landsbankans eignist hlut í bankanum:
Telur kaupaukakerfið löglaust og ósiðlegt
STEINGRÍMUR
J. SIGFÚSSON
VIGDÍS
HAUKSDÓTTIR
SLYS Fjórir voru fluttir á slysadeild
eftir tvö slys í Norðurárdal í gær.
Fyrra slysið varð þegar bifreið
var ekið á lamb. Ökumaður rútu
fyrir aftan bifreiðina náði ekki að
hemla í tæka tíð og sveigði því frá.
Lenti hann þannig framan á jeppa
sem kom úr gagnstæðri átt.
Þrír voru fluttir á spítala eftir
áreksturinn og voru þeir allir í
jeppanum sem hafnaði utan vegar.
Þá var ökumaður vélhjóls einnig
fluttur á sjúkrahús eftir að hafa
kastast af hjólinu við Hreimsstaði
í Norðurárdal. Vélhjólamaðurinn
er sagður fótbrotinn. Að sögn lög-
reglu gekk umferð í Borgarfirði
mjög hægt vegna slysanna. - hva, mlþ
Bílslys í Norðurárdal:
Fjórir á spítala
Björn, er Funi búinn að skjóta
ykkur ref fyrir rass?
„Já hann Funi er sannkallaður
bragðarefur.“
Yrðlingurinn Funi hefur vakið athygli
viðskiptavina Þríhnúka, sem býður upp á
skipulagðar ferðir ofan í Þríhnúkagíg. Funi
hefur haldið til við búðir fyrirtækisins og
gleður þar ferðamenn á svæðinu.