Fréttablaðið - 22.07.2013, Side 16

FÓLK|
FÓLK ER KYNNINGARBLAÐ sem býður aug-
lýsendum að kynna vörur og þjónustu í formi
viðtala og umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Bryndís Hauksdóttir, bryndis@365.is, s. 512 5434
Sverrir Birgir Sverrisson, sverrirbs@365.is, s. 512 5432 Kolbeinn
Kolbeinsson, kolli@365.is, s. 512-5447 | Hönnun: Silja Ástþórsdóttir
Bergrún Mist hefur mikinn áhuga á innanhúshönnun og öllu sem henni tilheyrir. Hún er dugleg
að breyta til í herberginu sínu en hún
telur sig vera haldna einhvers konar
innréttingar áráttu.
„Ég er ekki með neinn sérstakan stíl
en fyrir tilviljun eru öll húsgögnin mín
svört og úr Ikea. Ég veit ekki hvernig
það gerðist en til þess að lífga upp á þá
finnst mér gaman að skreyta öll þessi
svörtu húsgögn með fylgihlutum í öllum
regnbogans litum,“ segir Bergrún. Það
skemmtilegasta sem hún veit er að fara
í Ikea með vinkonunum og skoða og fá
hugmyndir. „Við skoðum innréttuðu
herbergin en þaðan er hægt að fá
margar góðar hugmyndir. Ég skoða líka
mikið Tumblr og tískublogg til þess að
fá innblástur. Svo kaupi ég auðvitað líka
þá hluti sem mér finnst flottir og kem
þeim fyrir á fallegum stað,“ útskýrir
Bergrún.
„Ég breyti herberginu mínu meira en
heilbrigt gæti talist. Þessar breytingar
felast í reglulegri endurröðun á hús-
gögnum og á hlutunum í hillunum eða
jafnvel í því að kaupa eitthvað nýtt í
þær. Ég hef ekki verið mikið að búa til
hluti sjálf en ég gerði eina mynd sem
hefur fengið að hanga uppi hjá mér í
nokkur ár og er mjög ánægð með hana,“
segir Bergrún.
Spurð að því hverju hana dreymir um
að bæta við í herbergið sitt segist hún
fá valkvíða en dettur þó í hug Kartell
Ghost-stóllinn eftir hönnuðinn Philippe
Stark. „Sá stóll er klassísk hönnun og
þrátt fyrir að vera ekkert það áberandi
og glær þá gerir hann mjög mikið fyrir
hvaða umhverfi sem er,“ segir Bergrún.
„Draumaheimilið verð ég að segja
að sé staðsett í New York þar sem
veggir nir eru úr múrsteinum og allar
innréttingarnar mjög nýtískulegar en
samt hlýlegar,“ segir Bergrún.
Bergrún er nýútskrifuð úr Verzlunar-
skóla Íslands. „Í sumar er ég í þremur
vinnum. Á daginn er ég í skólagörð-
unum í Kópavogi og með því tek ég
kvöldvaktir til skiptis í Sambíóunum og
Lifandi markaði. Það er nóg að gera en
þrátt fyrir allt þetta er ég enn þá bara
að bíða eftir sólinni.“ Í haust er planið
að vinna fram í nóvember og fara svo til
Kaliforníu í Bandaríkjunum að njóta lífs-
ins með vinkonu.
■ gunnhildur@365.is
GETUR EKKI HÆTT
AÐ BREYTA TIL
ALLTAF AÐ ENDURRAÐA Bergrún Mist er ung stúlka sem hefur lagt mikla
vinnu í herbergið sitt. Innblásturinn fær hún frá Tumblr, tískubloggum og Ikea.
NOTAR LITINA
Bergrún skreytir svörtu
húsgögnin með litríkum
fylgihlutum.
MYND/ARNÞÓR
KAUPIR MEST Í IKEA Þegar Bergrún gerir sér glaðan dag fer hún að skoða Ikea með vinkonu. MYND/ARNÞÓR
Goodwin Festival of Speed er árleg hátíð sem
haldin er í Vestur-Sussex-héraði á Englandi og snýst
um hraðskreiða bíla. Allt frá árinu 1997 hefur Gerry
Judah hannað nýjan skúlptúr fyrir hverja hátíð. Í ár
var komið að Porsche 911-bifreiðinni en svo vill til
að tegundin heldur upp á fimmtíu ára afmæli í ár.
Skúlptúrinn í ár minnir helst á þrjár þotur sem
þjóta til himins með reykský á eftir sér. Í verkið
notaði Judah þrjár 35 metra langar stálplötur en
á enda hverrar þeirra festi hann bíl af gerðinni
Porsche 911. Bílarnir þrír eru frá ólíkum tímabilum
og hylla þannig sögu Porsche. Allt verkið í heild
vegur 22 tonn en þess má geta að hver stálstöng
mjókkar eftir því sem neðar dregur og neðsti
hlutinn er það mjór að venjulegur maður nær utan
um súluna með höndunum.
SKÚLPTÚR ÚR PORSCHE 911
Hönnuðurinn Gerry Judah hannar á hverju ári skúlptúr til heiðurs einni bíla-
tegund á hátíðinni The Goodwood Festival of Speed.
UPP Í LOFT Bílarnir þrír virðast þjóta af krafti beint upp í loft.
50% afsláttur
af gegnheilum harðviðarhúsgögnum frá Míru
ÚTSALA
Kíktu við í Heimilisprýði í Hallarmúla eða á www.mira.is
Opið: Mánudagar-föstudagar frá kl. 10 til 18 Laugardagar: frá kl. 11 til 16
Sunnudagar: lokað  Sími 553 8177
Save the Children á Íslandi