Fréttablaðið - 22.07.2013, Blaðsíða 6

22. júlí 2013 MÁNUDAGUR| FRÉTTIR | 6
MENNING „Það er liðið um það bil
ár síðan ég rölti hérna um kirkjuna
með organista og formanni sóknar-
nefndar til að sjá hvernig við
vildum hafa þetta,“ segir Björgvin
Tómasson orgelsmiður, sem nú er
að setja upp nýjustu afurð sína í
Vídalínskirkju í Garðabæ.
Slíkt verk er ekki hrist fram úr
erminni en því fylgja 1.200 pípur
og eru sumar þeirra í um sjö
metra hæð. Þegar þær eru komnar
á sinn stað á svo eftir að stilla og
inntóna orgelið, sem er tímafrekt,
svo það verður ekki fyrr en í októ-
ber sem hljóðfærið verður komið
í gagnið.
„Það er mikill munur fyrir
kirkjurnar að fá innlendan mann
til að gera þetta. Ég get til dæmis
smíðað orgelið inn í kirkjuna
en því er ekki að heilsa þegar
menn kaupa þetta að utan,“ segir
Björgvin.
Það er reyndar ekki um marga
innlenda að ræða því hann er eini
orgelsmiðurinn á landinu og því
segir hann í gríni að það ríki alltaf
mikil sátt þegar stéttarfélagið
kemur saman.
Hann er engin nýgræðingur í
greininni en aldarfjórðungur er
liðinn frá því hann hannaði sitt
fyrsta orgel. „Já, það var Björgvin
Tómasson opus 1 en þessi hérna er
Björgvin Tómasson opus 34.“
Honum þykir það þó óneitanlega
undarleg tilhugsun að verið sé að
leika á Björgvin víða um land.
Hann segist þó ekki gera upp á
milli þessara nafna sinna. „Maður
gerir ekki upp á milli barnanna
sinna,“ segir hann.
„Hins vegar er það alveg sárs-
aukalaust að segja frá því hvar
þeir hljóma best en eins og við
vitum getur hljómburður verið
æði misjafn í kirkjum lands-
ins. Ég er til dæmis sérstak-
lega ánægður með hvernig hann
hljómar í Laugarneskirkju, þar er
reyndar stærsta orgelið sem ég
hef smíðað.“ Hann segist einnig
ánægður með hvernig Björgvin-
arnir hljóma í Hjallakirkju og
Digraneskirkju í Kópavogi.
Þótt Björgvin sé einn í stéttar-
félagi orgelsmiða á Íslandi er
hann ekki einn að verki. „Ég er
svo heppinn að hafa starfað með
Jóhanni Halli Jónssyni smiði í ein
tuttugu ár og svo Guðmundi Gesti
Þórissyni um alllangt skeið. Svo
hefur sonur minn verið mér mikil
hjálparhella. Þó held ég að það sé
borin von að hann vilji halda taka
við kyndlinum og halda þessari
listiðju í fjölskyldunni.“
jse@frettabladid.is
Leikið á Björgvin
í kirkjum landsins
Eini orgelsmiður landsins er nú að setja upp hönnun sína í Vídalínskirkju í Garða-
bæ. Orgelið er um sjö metrar á hæð og með eitt þúsund og tvö hundruð pípur.
Orgelin heita eftir orgelsmiðnum svo þetta er þrítugasti og fjórði Björgvininn.
SMIÐIRNIR EITTHVAÐ AÐ PÍPA Hér er Björgvin með eina af rúmlega þúsund pípum en fyrir aftan hann er Egill sonur hans að
baksa við aðra. FRÉTTABLAÐIÐ/GVA
VEISTU SVARIÐ?
Seiðandi sumarbragð
www.skyr.is
H
V
ÍT
A
H
Ú
SI
Ð
/
S
ÍA
H
V
ÍT
A
H
Ú
SI
Ð
/
S
ÍA
KOLVETNA-
SKERTUR
NÝTT
MANGÓ &
ÁSTARALDIN
Það er mikill munur
fyrir kirkjurnar að fá
innlendan mann til að
gera þetta. Ég get til
dæmis smíðað orgelið inn
í kirkjuna en því er ekki
að heilsa þegar menn
kaupa þetta að utan
Björgvin Tómasson
orgelsmiður
1200
pípur eru í nýjasta orgeli
Björgvins í Vídalínskirkju í
Garðabæ.
LÖGREGLUMÁL Stefán Logi Sívars-
son, sem grunaður er um um að
hafa í félagi við aðra svipt mann
frelsi sínu í höfuðborginni fyrir um
tveimur vikum og pyntað, hefur
ekki verið yfirheyrður af lögreglu.
Lögmaður hans, Vilhjálmur H.
Vilhjálmsson, segir þau vinnu-
brögð lögreglu gagnvart skjólstæð-
ingi sínum í málinu ámælisverð.
Stefán hefur setið í gæslu-
varðhaldi í rúma viku. Meiri-
hluta varðhaldsins hefur hann
dvalið í einangrunarklefa á
lögreglustöðinni við Hverfisgötu
en var fluttur þaðan á Litla-Hraun
á föstudaginn.
Samkvæmt upplýsingum frá
lögreglu hefur ekki þótt tilefni til
að taka af Stefáni skýrslu enn sem
komið er.
„Ég get lítið tjáð mig um málið
að svo stöddu, nema að rannsókn
er í fullum gangi,“ segir Jón H.B.
Snorrason aðstoðaryfirlögreglu-
þjónn.
Stefán Logi var handtekinn
þann 13. júlí síðastliðinn og
úrskurðaður í tveggja vikna
gæsluvarðhald í kjölfarið. Sérsveit
lögreglu handtók Stefán í Mið-
húsaskógi í Biskups tungum eftir
umfangsmikla leit á öllu Suður-
landi.
Stefán Logi Sívarsson og fjórir
menn til viðbótar eru grunaðir um
aðild að minnst þremur alvarleg-
um líkamsárásarmálum undan-
farnar vikur. Alls hafa fimm
menn verið úrskurðaðir í gæslu-
varðhald vegna málsins.
Gæsluvarðhaldsúrskurður
yfir Stefáni Loga rennur út
næst komandi föstudag, að öllu
óbreyttu.
- mlþ
Stefán Logi Sívarsson var fluttur á Litla-Hraun á föstudag af lögreglustöðinni við Hverfisgötu:
Stefán Logi hefur ekki verið yfirheyrður
STEFÁN LOGI
SÍVARSSON
JÓN H.B.
SNORRASON
VEIÐI Samtökin IFAW og Hvala-
skoðunarsamtök Íslands stóðu
fyrir mótmælaaðgerðum í gær-
nótt, en þau telja hvalveiðar
Íslendinga tilgangslausar.
Þau sigldu út á Faxaflóa með
hvalaskoðunarbátum að flutn-
ingaskipi Samskipa sem var á
leið til hafnar með langreyðar-
kjöt sem ekki fékkst umskipað í
evrópskum höfnum. „Það er verið
að benda á tilgangsleysi hvalveið-
anna,“ sagði Sigursteinn Másson,
fulltrúi IFAW. - hva, mlþ
Mótmæli á hafi úti:
Segja veiðarnar
tilgangslausar
MÓTMÆLT Mótmælin fóru fram við
flutningaskip með langreyðarkjöt.
DÚBAÍ Hin norska Marte Dalelv,
sem dæmd var í 16 mánaða
fangelsi eftir að hafa verið
nauðgað, hefur
verið boðuð á
fund saksókn-
ara í Dúbaí í
dag.
Örlög hennar
geta því ráðist
í dag en málið
hefur vakið
gríðarlega
athygli um heim allan. Lög-
regluþjónar í Dubai trúðu Marte
ekki þegar hún leitaði til lög-
reglu eftir nauðgunina. Þeir
vörpuðu henni í fangaklefa á
þeim forsendum að hún hefði
stundað kynlíf utan hjónabands
og neytt áfengis án heimildar.
Marte er þakklát fyrir stuðn-
inginn sem hún hefur fengið á
síðustu dögum. - ka
Norska konan í Dúbaí:
Dalelv fundar
með saksóknara
MARTE DALELV
1. Hvaða borg í Bandaríkjunum lýsti
yfi r gjaldþroti í vikunni?
2. Hversu mörg ár eru liðin frá vígslu
Skálholtskirkju?
3. Hvaða hönnunarmerki prýðir
fl estar forsíður tískutímarita í ár, eða
alls 111 forsíður?
SVÖR1. Detriot-borg í Michigan 2. 50 ár 3. Gucci