Fréttablaðið - 22.07.2013, Blaðsíða 14

22. júlí 2013 MÁNUDAGUR| TÍMAMÓT | 14TÍMAMÓT
Elskuleg móðir okkar,
tengdamóðir og amma,
ROSE SWEW
hjúkrunarkona,
lést í Kenía 11. júlí.
Jarðarförin verður í Kenía 27. júlí kl. 14.00.
Lydia Amimo Henrysdóttir Úlfur Björnsson
Philip Onyango Connie Onyango
Dorothy Otato Willis Otato
barnabörn og barnabarnabörn.
VirðingReynsla & Þjónusta
Allan sólarhringinn
571 8222 · 82o 3939 svafar · 82o 3938 hermann
www.kvedja.is
Elskuleg eiginkona mín, móðir okkar,
tengdamóðir, amma og langamma,
LÍNA LILJA HANNESDÓTTIR
lést 18. júlí á hjúkrunarheimilinu Eir.
Útför hennar fer fram frá Garðakirkju
mánudaginn 29. júlí kl. 15.00.
Hilmar Pálsson
Hannes Hilmarsson Dóra Berglind Torfadóttir
Páll Hilmarsson Kolbrún Jónsdóttir
Björn Hilmarsson Guðrún Björk Gunnarsdóttir
barnabörn og barnabarnabarn.
Deng Xiaoping var settur aftur í starf sitt
á þessum degi en hann féll í ónáð í menn-
ingarbyltingunni í Kína á árunum 1966 til
1976. Deng Xiaoping fæddist árið 1904
og lærði meðal annars í Frakklandi og
Sovétríkjunum á sínum yngri árum. Þegar
hann kom heim til Kína varð hann virkur
innan kommúnistaflokksins og völd hans
fóru stigvaxandi.
Árið 1952 varð hann varaforsætisráðherra
og síðar aðalritari flokksins. Deng Xiaoping
barðist fyrir efnahagslegum úrbótum í land-
inu og vildi efla hagvöxt en hugmyndir hans
stönguðust á við hugmyndir Maós Zedong,
formanns flokksins. Þó að kommúnista-
flokkurinn væri kominn til valda (1949) taldi
Maó að byltingunni
væri ekki lokið og hratt
af stað menningar-
byltingunni árið 1966.
Menningarbyltingin
einkenndist af róttækni
og óróleika en Maó
fékk ungt fólk innan
stúdentahreyfingarinnar
til þess að taka þátt og
voru stúdentarnir kallaðir rauðu varðliðarnir.
Deng Xiaoping, ásamt fleirum, var gagn-
rýndur harðlega fyrir störf sín og einhvern
tíma á árunum 1967-1969 missti hann
allar stöður sínar innan flokksins og hvarf
sjónum almennings.
Maó missti að nokkru leyti stjórn á menn-
ingarbyltingunni en ofbeldi og stjórnleysi
fylgdi rauðu varðliðunum og voru liðs-
sveitirnar að mestu leystar upp, og lauk svo
menningarbyltingunni í raun árið 1969.
Árið 1973 fékk Deng Xiaoping aftur
stöðu sína innan flokksins, missti hana
þremur árum síðar og fékk hana aftur árið
1977 en Maó lést árið 1976. Eftir að Deng
komst aftur til valda kom hann á ýmsum
efnahagslegum umbótum, hann dró úr mið-
stýringu, gaf fyrirtækjum aukið frelsi, bætti
viðskiptasambönd við Vesturlönd og opnaði
fyrir erlenda fjárfestingu til kínverskra fyrir-
tækja. Undir stjórn hans jókst hagvöxtur og
stöðugleiki í Kína og lífskjör bötnuðu.
ÞETTA GERÐIST 22. JÚLÍ 1977
Deng Xiaoping kemst aft ur til valda
DENG XIAOPING
Bókin ber undirtitilinn skáldsaga í hæfilegri
lengd og fjallar um ungan mann í tilvistar-
kreppu. Fjallar ekki allt sem ungir menn
skrifa um unga menn í tilvistarkreppu,“
svarar Sverrir Norland beðinn um að lýsa
þessari fyrstu skáldsögu sinni í örfáum
orðum. „Þetta eru ævintýri skáldgarms á
tækniöld,“ bætir hann síðan við til frekari
útskýringar.
Hann gerir sér grein fyrir því að auðvelt
er að draga þá ályktun af þessari lýsingu að
sagan sé sjálfsævisöguleg. Er hún það? „Ja,
sumt, ekki allt. Það breytist alltaf allt þegar
maður byrjar að skrifa um það. Þá fer sann-
leikurinn fljótt út um þúfur.“
Þetta er annar útgáfudagur Tunglbókanna
en eins og áður hefur komið fram er mein-
ingin að gefa út tvær bækur á hverju fullu
tungli næstu mánuðina. Bækurnar eru
gefnar út í 69 eintökum og aðeins fáanlegar
þetta eina kvöld. Þeim eintökum sem verða
óseld eftir kvöldið verður fargað - eða sú er
allavega stefnan. Sverrir er ekki í slorlegum
félagsskap því Pétur Gunnarsson á hina bók-
ina sem kemur út í kvöld. Hvernig tilfinning
er það að vera á sama báti og einn ástsælasti
rithöfundur þjóðarinnar? „Það er mjög fynd-
ið. Ég hef einmitt verið að lesa Þórbergs-
bækurnar hans undanfarið svo þetta er mjög
gaman og flott.“
Það er dálítið merkilegt að gefa bækur út
í 69 eintökum, viljið þið ekki lesendur? „Ég
held þetta séu viðbrögð við yfirgangi met-
sölubókanna. Með þessu móti er mjög lík-
legt að upplag bókanna seljist upp, sem er
draumur hvers höfundar. Ef eftirspurnin
er meiri er það frábært, en ef hún er minni
þá þarf maður kannski að hugsa sinn gang.
Bækurnar eru allar mjög fallegar, hannaðar
af Ragnari Helga og mjög eigulegir gripir,
burtséð frá innihaldinu.“
Sverrir hefur áður sent frá sér tvær ljóða-
bækur auk þess sem hann er tónlistarmaður
og sendi frá sér plötuna Sverrir Norland árið
2008. Platan fékk fína dóma en hann segir
tónlistarsköpunina þó sitja á hakanum eins
og er þar sem hann hafi ákveðið að einbeita
sér að skriftunum. „Gítarinn er þó alltaf
innan seilingar og ég á einhver hundrað lög
á lager, en ég varð að velja á milli tónlistar-
innar og skriftanna og fór í ritlistarnám
til London. Síðan hef ég búið í París en er
heima í sumar og hamast við að skrifa skáld-
sögu, sem vonandi kemur út innan of langs
tíma.“ fridrikab@frettabladid.is
Sannleikurinn fer fl jótt
út um þúfur í skáldskap
Tunglið forlag fagnar útkomu Tunglbóka númer 3 og 4 með sérstöku Tunglkvöldi á Loft -
inu í kvöld. Bækurnar eru veraldarsaga (mín) – aldarfarsbók eft ir Pétur Gunnarsson og
Kvíðasnillingurinn– skáldsaga í hæfi legri lengd eft ir Sverri Norland.
FYRSTA SKÁLDSAGAN Sverrir hefur áður sent frá sér tvær ljóðabækur og eina plötu
og situr nú við að skrifa aðra skáldsögu sína. FRÉTTABLAÐIÐ/ARNÞÓR
MERKISATBURÐIR
1245 Kolbeinn ungi Arnórsson, höfðingi af ætt Ásbirninga, and-
ast um 37 ára að aldri.
1513 Kristján 2. verður konungur Danmerkur og Noregs.
1581 Hundrað ára stríðið hefst: Norðurhéruð Niðurlanda sverja
afneitunareiðinn og segja sig úr lögum við Filippus II Spánar-
konung.
1684 Gísli Þorláksson biskup á Hólum deyr 53 ára. Hann hafði
verið þríkvæntur.
1910 Zeppelin-loftfarið flýgur í fyrsta skipti.
1929 Landakotskirkja í Reykjavík er vígð.
1939 Tveir þýskir kafbátar koma til Reykjavíkur. Þetta eru fyrstu
kafbátarnir sem koma til Íslands.
2003 Uday og Qusay Hussein, synir Saddams Hussein, felldir
eftir umsátur í Írak.
2011 Mannskæð hryðjuverk eru framin í Noregi, fyrst með
sprengjuárás á stjórnarbyggingar í Ósló og skömmu síðar með
skotárás á samkomu ungmennahreyfingar í Útey. Að minnsta
kosti 76 láta lífið. Öfgamaðurinn Anders Behring Breivik er
handtekinn fyrir að standa á bak við árásirnar.
2011 Eden í Hveragerði brennur til kaldra kola í stórbruna.
EDEN
BRENNUR
Eden í
Hveragerði
brann til
kaldra kola
á þessum
degi fyrir
tveimur
árum.
Amiina og Sin Fang leiða saman hesta
sína og halda tónleika í Fríkirkjunni
í Reykjavík á miðvikudagskvöldið
klukkan 20.30. Hljómsveitirnar hafa
báðar verið iðnar við kolann undanfarin
misseri við útgáfu og tónleikahald. Sin
Fang sendi frá sér sína þriðju breið-
skífu fyrr á árinu og fylgdi plötunni
Flowers eftir með þriggja vikna löngu
tónleikaferðalagi um Evrópu.
Amiina sendi sömuleiðis frá sér plötu
fyrir skemmstu en The Lighthouse
Project kom út í júní síðastliðnum.
Hljómsveitin hélt nýlega viðamikla
tónleika í Óperuhúsinu í Cork á Írlandi
en síðustu tónleikar Amiinu hér á landi
voru á tónlistarhátíðinni ATP Iceland.
Breska tímaritið Wired sagði tónleika
þeirra einn af hápunktum hátíðarinnar.
Stuðningsaðilar tónleika Amiinu
og Sin Fang eru Gló og Smekkleysa.
Forsala miða er á www.midi.is og í
verslunum Brims, á Laugavegi og í
Kringlunni.
Leiða saman hesta sína
Hljómsveitirnar Amiina og Sin Fang halda sameiginlega tónleika í Fríkirkjunni.
PIKKNIKK
Hljómsveitin
Amiina
leikur lög
af nýlegri
plötu sinni í
Fríkirkjunni.
LANDAKOTSKIRKJA
Landakotskirkja var
vígð á þessum degi
árið 1929.