Fréttablaðið - 22.07.2013, Qupperneq 34

22. júlí 2013 MÁNUDAGUR| SPORT | 22
Mörkin: 1-0 Marie Hammarström (3.), 2-0
Josefine Öqvist (14.), 3-0 Lotta Schelin (19.), 4-0
Lotta Schelin (59.)
ÍSLAND (4-4-2):
Guðbjörg Gunnarsdóttir 4
Dóra María Lárusdóttir 4
Sif Atladóttir 4
Katrín Jónsdóttir 4
(80., Glódís Perla Viggósdóttir -)
Hallbera Guðný Gísladóttir 4
Fanndís Friðriksdóttir 4
(65., Harpa Þorsteinsdóttir 4)
Sara Björk Gunnarsdóttir 4
Dagný Brynjarsdóttir 5
Ólína Guðbjörg Viðarsdóttir 5
Margrét Lára Viðarsdóttir 4
(79., Elín Metta Jensen -)
Rakel Hönnudóttir 4
Skot (á mark): 12-04 (7-1) Horn: 4-3
Aukaspyrnur fengnar: 4-4 Rangstöður: 2-1
Varin skot: Hammarström 1 - Guðbjörg 3
ÚRSLIT
ÍTALÍA - ÞÝSKALAND 0-1
0-1 Simone Laudehr (26.)
LEIKIR DAGSINS
8-LIÐA ÚRSLIT:
NOREGUR - SPÁNN KL. 16.00
FRAKKLAND - DANMÖRK KL. 18.45
EM
KVENNA
2013
4-0 Kirsi Heikkinen,(Finnlandi)
Óskar Ófeigur Jónsson
ooj@frettabladid.is
Skrifar frá Svíþjóð
EM KVENNA
2013
visir.is
Allt um leiki
gærkvöldsins
Mörkin: 0-1 Guðmann Þórisson (15.), 0-2 Björn
Daníel Sverrisson (49.), 0-3 Atli Viðar Björnsson
(62.), 0-4 Atli Viðar Björnsson (72.).
KEFLAVÍK (5-3-2): Bergsteinn Magnússon
4- Grétar Atli Grétarsson 4 (20. Benis Krasniqi
5), Haraldur Freyr Guðmundsson 5, Ásgrímur
Rúnarsson 4, Magnús Þór Magnússon 5, Frans
Elvarsson 5, - Jóhann Birnir Guðmundsson 5 (77.
Daníel Gylfason -), Bojan Stefán Ljubicic 5, Arnór
Ingvi Traustason 5, - Elías Már Ómarsson 5 (84.
Theódór Guðni Halldórsson -), Hörður Sveinsson
4.
FH (4-3-3): Róbert Örn Óskarsson 5, - Jón
Ragnar Jónsson 6, Guðmann Þórisson 7, Brynjar
Ásgeirsson 6, Sam Tillen 6, - Emil Pálsson 6, Björn
Daníel Sverrisson 7(75. Böðvar Böðvarsson-)
, Kristján Gauti Emilsson 6 (74. Einar Karl
Ingvason-) , - Ingimundur Níels Óskarsson 6, Atli
Guðnason 5, Atli Viðar Björnsson 8*.
Skot (á mark): 6-17 (0-11) Horn: 6-11
Aukaspyrnur fengnar: 9-12 Rangstöður: 1-3
Varin skot: Bergsteinn 6 - Róbert 0
0-4
Nettóvöllurinn
Áhorf.: 670
Garðar Örn
Hinriksson (7)
FÓTBOLTI EM-ævintýri stelpnanna
okkar endaði í gær með skelli á
móti sterku liði Svía. Svíar unnu
öruggan 4-0 sigur og tryggðu sér
sæti í undanúrslitum á EM. Þetta
var frábær keppni hjá íslensku
stelpunum þótt endirinn hafi
verið snubbóttur.
Vissulega voru stelpurnar
súrar og svekktar í leikslok að
hafa ekki veitt þeim sænsku
meiri keppni en byrjun leiksins
varð algjör örlagavaldur í þess-
um stærsta leik í sögu íslensks
fótbolta. Allt sem mátti ekki
gerast í upphafi leiks gerðist
og eftirleikurinn var auðveldur
fyrir sænska liðið sem skoraði
fyrsta markið á 3. mínútu og var
komið 3-0 yfir eftir tuttugu mín-
útur.
Það var hins vegar annars
konar dramatík sem tók við eftir
leikinn þegar öllum varð ljóst
að landsliðsfyrirliðinn væri að
kveðja stelpurnar. Mögnuðum
ferli lauk nefnilega á Örjans Vall
í Halmstad í gær. 19 ára lands-
liðsferli Katrínar Jónsdóttur lauk
þegar hún fékk heiðurs skiptingu
tíu mínútum fyrir leikslok. Í stað
hennar kom Glódís Perla Viggós-
dóttir inn á, sem margir sjá sem
eftirmann hennar í liðinu.
Táknræn stund
„Það var táknræn stund þegar
Glódís kom inn á fyrir Kötu. Kata
hefur átt stórkostlegan landsliðs-
feril. Hún átti frábært mót og á
mikinn heiður skilinn að hafa
leitt liðið svona langt í þessari
keppni,“ sagði landsliðsþjálfar-
inn Sigurður Ragnar Eyjólfsson.
„Það er leiðinlegt að við gátum
ekki gefið henni betri leik. Hún
er búin að eiga stórkostlegan
landsliðsferil og ég vona að hún
geti bara hugsað um Hollands-
leikinn eða eitthvað,“ sagði Guð-
björg Gunnarsdóttir, markvörður
íslenska liðsins, eftir leikinn.
„Ég vildi enda þetta á betri leik
og var að reyna það eftir leik að
sækja einhverjar minningar
frá Hollandsleiknum til þess að
líða aðeins betur. Ég hugsa að
það þurfi að líða smá tími og
þá áttum við okkur á því hvaða
árangri við höfum náð. Þetta er
frábær árangur og nú vona ég að
Ísland komi aftur á stórmót og
nái að bæta þetta,“ sagði Katrín
Jónsdóttir en hún gat ekki haldið
aftur af tárunum í leikslok.
Grét eins og smábarn
„Ég var hálftóm í hausnum þegar
ég var tekin út af og eftir leikinn
voru meiri tilfinningar í gangi.
Ég grét eins og smábarn en svona
er þetta bara. Þetta er skrýtið, ég
er búin að vera svo lengi í þessu
og fótbolti er alltaf búinn að vera
númer eitt. Ég elska að spila fót-
bolta og fórna öllu fyrir hann.
Ég flutti 650 kílómetra til þess
að geta verið í sem bestu standi
til að spila fyrir landsliðið. Það er
svolítið skrýtið að þetta sé búið.
Það tekur víst eitthvað annað
við en það segja þær mér þessar
stelpur sem hafa hætt,“ segir
Katrín brosandi.
„Ég er sátt með mína frammi-
stöðu og með frammistöðu liðs-
ins. Það voru allir að leggja sig
hundrað prósent fram og við
náðum okkar markmiðum. Við
ætluðum ekki að vera saddar og
ætluðum að komast lengra. Við
lentum á mjög góðum degi hjá
Svíþjóð. Við getum byggt ofan á
þetta. Það eru að koma upp ungar
og efnilegar stelpur sem eru
orðnar góðar. Ég held að fram-
tíðin sé björt,“ sagði Katrín.
Fyrirmynd fyrir okkur allar
Það voru fleiri en Katrín sem
táruðust í leikslok. „Það er að
sjálfsögðu erfitt að horfa á eftir
henni. Katrín er frábær mann-
eskja og frábær knattspyrnu-
kona. Hún er mikil fyrirmynd
fyrir okkur hinar með því að vera
svona lengi í þessu og standa sig
svona vel. Hennar verður sárt
saknað,“ sagði Margrét Láta, sem
reyndi að setja sig í spor Kötu.
„Ég fór að hágráta þegar hún
kom út af því ég á eftir að sakna
hennar og ég veit líka hvað þetta
er erfitt fyrir hana. Hún getur
verið virkilega stolt af sinni
frammistöðu og öllu sem hún
hefur gert fyrir íslenska kvenna-
knattspyrnu,“ sagði Margrét
Lára.
Það verður vissulega skrýtið
að sjá enga Katrínu Jónsdóttur
þegar íslenska kvennalandsliðið
mætir til leiks í undankeppni
HM. Það spilar enginn endalaust
og það vissu allir að það kæmi
að þessari stundu. Við kvöddum
Ólaf Stefánsson í júní og
kveðjum Katrínu Jónsdóttur í
júlí. Mikilvægi þessara tveggja
miklu leiðtoga verður aldrei
metið til fulls og það er full
ástæða til að segja: „Takk Kata“.
Tárin streymdu hjá Kötu
Ævintýri íslenska kvennalandsliðsins á EM í Svíþjóð endaði með 0-4 tapi á móti Svíum í átta liða
úrslitunum í gær. Þetta var 132. og síðasti landsleikur Katrínar Jónsdóttur. Hún endaði frábæran feril á
frábærum árangri á EM en mun væntanlega reyna að gleyma lokaleiknum sem fyrst.
HÆTT Katrín Jónsdóttir er hætt að leika með íslenska landsliðinu. Hún hefur staðið fyrir sínu fyrir land og þjóð og unnið
ómetanlegt starf fyrir íslenska kvennaknattspyrnu. FRÉTTABLAÐIÐ/DANÍEL
FÓTBOLTI Sigurður Ragnar Eyjólfs-
son gekk á milli leikmanna íslenska
kvennalandsliðsins eftir leik og
óskaði þeim til hamingju með
frábæran árangur. Úrslit gærdags-
ins voru súr en svekktir leikmenn
liðsins geta fyllst stolti yfir að hafa
tekið þátt í því skrifa nýjan kafla í
sögu íslensks fótbolta.
„Við fengum fyrsta stigið okkar í
lokakeppni á þessu móti og náðum
líka í fyrsta sigurinn. Við vorum í fyrsta
skiptið í átta liða úrslitum og höfum
náð að setja ný viðmið fyrir þetta
landslið í framtíðinni,“ sagði Sigurður
Ragnar Eyjólfsson, eftir leikinn.
„Ég sagði við stelpurnar eftir leik
að gleyma því ekki að líta á mótið
í heild sinni. Þær geta verið stoltar
af árangrinum á mótinu og þær
hafa staðið sig hrikalega vel. Þó að
þær séu súrar og svekktar með að
hafa tapað í dag [í gær] þá geta þær
farið heim með mikið stolt,“ sagði
Sigurður Ragnar.
„Það er stutt í undankeppni HM
en minn samningur er í raun búinn.
Ég og KSÍ höfum ekki sest niður og
rætt framhaldið. Ákvörðunin liggur
svolítið hjá þeim hvað þau vilja gera
en ég er allavega mjög stoltur af því
sem við höfum náð. Það var mikil
heiður og forréttindi að fá að vinna
með liðinu. Svo verðum við bara
að sjá hvað gerist,“ sagði Sigurður
Ragnar.
- óój
Síðasti leikurinn undir stjórn Sigurðar Ragnars?
FRAMTÍÐIN Það er óljóst hvort
Sigurður haldi áfram. FRÉTTABLAÐIÐ/DANÍEL
Ólína Guðbjörg Viðarsdóttir kom inn í
byrjunarliðið fyrir Hólmfríði Magnúsdóttur
í gær en Fríða tók út leikbann í tapinu á
móti Svíum.
„Það kemur rosalega mikill kraftur með Fríðu og
hún er búin að standa sig frábærlega á þessu móti.
Hún sýnir það aftur og aftur að hún er heims-
klassaleikmaður og okkar hættulegasta vopn
fram á við með Margréti Láru. Við söknuðum
Fríðu mjög mikið í dag og það er svekkjandi að
hafa hana ekki. Þetta hefði kannski farið öðruvísi
ef hún hefði verið með, maður veit aldrei,“ sagði
Ólína eftir leikinn en Ólína var besti leikmaður-
inn hjá Íslandi í leiknum.
Við söknuðum Fríðu
FÓTBOLTI Sara Björk Gunnars-
dóttir ætlar ekki að halda með
Svíum á mótinu en þær slógu
íslenska liðið út í gær.
„Ég vona ekki að þær fari
alla leið. Þær eru mjög góðar og
voru of góðar fyrir okkur í dag.
Þetta var frábær frammistaða
hjá okkur á mótinu og við getum
verið virkilega stoltar af því
hversu langt við komust. Það er
engu að síður mjög leiðinlegt að
enda mótið á 4-0 tapi,“ sagði Sara
Björk. - ooj
Held ekki með
Svíum
KVEÐJUSTUND Liðsfélagar Katrínar kveðja hana hér eftir leikinn en fyrirliðinn átti
erfitt með að fela tilfinningar sínar. FRÉTTABLAÐIÐ/DANÍEL
SPORT