Fréttablaðið - 16.08.2013, Blaðsíða 35

ORANGER IS THE NEW BLACK
Kl. 21.10 þriðjudag
BREAKING BAD
Kl. 22.10 fi mmtudagar
Leikkonan Taylor Schilling fæddist í júlí árið 1984 og er því 29 ára
gömul. Hún lauk BA-prófi í leiklist árið 2006 og byrjaði í kjölfarið í
framhaldsnámi í New York, en ákvað að hætta til að freista gæfunn-
ar. Á meðan sá hún sér farborða með barnfóstrustörfum.
Fyrsta hlutverkið hennar var í bíómyndinni Dark Matter árið 2007.
Árið 2009 lék hún aðalhlutverk í þáttunum Mercy, sem sýndir voru
á Stöð 2 fyrir þremur árum. Sá fjallaði um líf og starf þriggja kvenna
sem unnu saman sem hjúkrunarfræðingar á Mercy-spítalanum í
New Jersey. Þáttunum hefur verið líkt við Bráðavaktina, svo líklega
má segja að þarna hafi æskudraumurinn ræst að einhverju leyti, því
þeir þættir kveiktu einmitt leiklistaráhuga hennar þegar hún var lítil.
Hún horfði með miklum áhuga á þættina og ákvað í kjölfarið að fara
að læra leiklist.
Schilling hefur hlotið mikið lof fyrir leik sinn í þáttaröðinni Orange
Is the New Black, sem nú er sýnd á Stöð 2. Þar leikur hún Piper
Chapman, unga konu í blóma lífsins sem skyndilega er hneppt í
fangelsi fyrir glæp sem hún framdi mörgum árum áður. Þættirnir
fjalla um samfélagið í fangelsinu og njóta mikilla vinsælda.
Lokaþáttaröðin af Breaking
Bad er á dagskrá Stöðvar 2 á
fi mmtudagskvöldum en þætt-
irnir eru sýndir aðeins fjórum
dögum á eftir frumsýningu í
bandarísku sjónvarpi.
Aðdáendur Breaking Bad
um víða veröld hafa beðið
með eftir væntingu eftir síðustu
þáttaröðinni þar sem afdrif
aðalpersónunnar, Walter White,
ráðast.
Þátturinn var frumsýndur
á AMC-sjónvarpsstöðinni á
sunnudagskvöld og mældist
með metáhorf, meira en 5,9
milljónir áhorfenda. Viðbrögðin
létu heldur ekki á sér standa á
samfélagsmiðlum því meðan á
útsendingunni stóð voru meira
en 760 þúsund tíst um þátt-
inn og 12 þúsund tíst á mínútu
þegar mest var.
Núna eru aðeins sjö þættir
eftir í þessari mögnuðu þátta-
röð sem fjallar um efnafræði-
kennarann og fjölskyldumann-
inn Walter White sem sneri sér
að eiturlyfjaframleiðslu eftir að
hann greindist með krabba-
mein. Hann er orðinn stór karl
í undirheimum en jafnvel hans
nánustu hafa ekki vitað af
leyndarmáli hans.
Núna er mágur hans, lögreglu-
maðurinn Hank Schrader, búinn
að komast að því hver Walter er
í raun og veru og það stefnir í
rosalegt uppgjör á milli þeirra.
UPPGJÖR Í VÆNDUM
BRÁÐAVAKTIN
OLLI BAKTERÍUNNI
Einn vinsælasti grínisti landsins
undanfarin ár verður í aðalhlutverki á
morgun, föstudag, í gamanþættinum
Bara grín á Stöð 2. Um er að ræða
Steinþór Hróar Steinþórsson, betur
þekktan sem Steinda Jr. Í þessum
sprenghlægilegu og skemmtilegu
þáttum rifjar Björn Bragi Arnarsson
upp brot úr bestu gamanþáttum
Stöðvar 2 með myndbrotum og
viðtölum. Fyrsti þáttur Steinda Jr.
var sýndur vorið 2010 og sló strax í
gegn. Sjálfur segir hann að vinsældir
þáttanna hafi komið þeim á óvart.
„Við vissum í raun ekkert hvernig
þessum þáttum yrði tekið. Vinsældir þeirra komu okkur því þægi-
lega á óvart. Í þáttunum vorum við að búa til grín sem Íslendingar
höfðu ekki áður séð í innlendum grínþáttum.“ Eftir velgengni fyrstu
seríunnar voru tvær aðrar búnar til og sýndar á Stöð 2 árin 2011 og
2012.
Hann segir að gaman hafi verið að rifja upp þessa tíma með
Birni, sérstaklega frá fyrstu seríunni. „Það sem stendur upp úr
varðandi fyrstu seríuna er hversu rosalega ódýr hún var í fram-
leiðslu. Ég get fullyrt að aldrei áður hefur verið framleidd jafn
ódýr grínþáttaröð á Íslandi. Hún var líka mjög hrá og við nýttum
skemmtilegar og óvenjulegar aðferðir svo þetta gengi allt upp hjá
okkur.“
Að eigin sögn er hann mikill aðdáandi eldri íslenskra grínþátta og
hefur horft á þá fl esta. „Ég er algjört nörd þegar kemur að íslensk-
um grínþáttum, sérstaklega eldri þáttum eins og Radíus, Limbó,
Örninn er sestur og Fastir liðir eins og venjulega. Þeir þættir sem
höfðu þó mest áhrif á mig voru Tvíhöfði og Fóstbræður. Það var
alltaf gaman að mæta í skólann daginn eftir Fóstbræður og ræða
þáttinn við vinina, enda stúderuðum við þessa þætti mjög mikið.“
Bara grín verður sýndur á Stöð 2, föstudaginn 16. ágúst klukkan
20.15.
STEINDINN
MÆTIR Í HÚS
365 MIÐLAR | Ábyrgðarmaður: Jón Laufdal | Hönnun: Jónas Unnarsson