Fréttablaðið - 02.09.2013, Blaðsíða 6

2. september 2013 MÁNUDAGUR| FRÉTTIR | 6
SAMKEPPNISMÁL „Við höfum á til-
finningunni að stóru keðjurn-
ar hafi skipt landinu á milli sín
og láta hverjar aðrar í friði á
þeim svæðum þar sem þær telja
minnsta ágóðavon,“ segir Ísólfur
Gylfi Pálmason, sveitarstjóri
Rangárþings eystra.
Sveitarstjórn-
armenn í Rang-
árþingi hafa
um nokkra hríð
reynt að laða
lágvöruverðs-
verslun á Hvols-
völl. Þar er nú
eina matvöru-
búðin úr Kjar-
valskeðjunni
sem K aupás
rekur víða á Suðurlandi. Heima-
menn hafa lýst óánægju með
vöruverð sem þeir segja vera of
hátt í Kjarval.
Ísólfur Gylfi segir sveitar-
stjórnina hafa gert það sem hún
geti í þessum efnum. „Við höfum
talað við alla þá stærstu í versl-
unarrekstrinum: Bónus, Nettó
og Krónuna en Kaupás rekur hér
Kjarvalsverslun,“ segir Ísólfur
sem eins og fyrr kemur fram
kveðst telja stóru matvörukeðj-
urnar ekki keppa á innbyrðis á
tilteknum svæðum.
„Hins vegar keppa þær á svæð-
um þar sem fleiri íbúar búa,“
segir Ísólfur og bendir á í þessu
samhengi að gríðarlegur ferða-
mannastraumur sé í Rangár-
þingi auk þess sem þar séu stór
frístundasvæði.
„Algengt er að hér sé fólk sem
hefur tvöfalda búsetu og mikil
aukning hefur orðið hér á umferð
eftir að Landeyjahöfn var tekin
í notkun. Hvolsvöllur er á köfl-
um eins og lítill ferjubær í Dan-
mörku. Við höfum ekki gefið upp
vonina því lágvöruverðverslun
skiptir íbúana miklu máli,“ segir
Ísólfur Gylfi.
„Þessi ummæli eru vægast
sagt sérkennileg,“ segir Bjarni
Jóhannesson, rekstrarstjóri Kjar-
valsverslananna. „Það er alger-
lega auðsætt hversu virk sam-
keppnin er á íslenskum markaði.
Að halda því fram að það séu ein-
hvers konar samráð um skiptingu
landsvæða er fráleitt. Það er akk-
úrat ekkert slíkt í gangi.“
Kaupás rekur sex Kjarvals-
verslanir á Suðurlandi. Bjarni
segir þær vera hluta af gömlu
verslunum Kaupfélags Árnes-
inga. Hins vegar sé horft á land-
ið allt sem markaðssvæði. „Þó að
við séum ekki með rekstur um
allt land í dag er ekki útilokað að
við sækjum inn á ný svæði,“ segir
rekstrarstjóri Kjarvals.
gar@frettabladid.is
Telur matvörukeðjur
skipta landinu niður
Ísólfur Gylfi Pálmason, sveitarstjóri Rangárþings eystra, telur að matvörukeðjur
hafi skipt landinu á milli sín og eigi ekki í samkeppni nema þar sem ágóðavonin
sé mest. Fráleit og sérkennileg ummæli svarar rekstrarstjóri Kjarvalsverslananna.
FRÉTTABLAÐIÐ
30. MAÍ 2013
Minnihlutinn í
sveitarstjórninni
lagði til í vor að
byggt yrði nýtt versl-
unarhús á Hvolsvelli
til að laða að lág-
vöruverðsverslun.
Meirihlutinn vill
frekar verslun í
núverandi húsnæði
sem sveitarfélagið á.
Kjarval á forleigurétt
að því.
Að halda
því fram að
það séu
einhvers
konar samráð
um skiptingu
landsvæða er
fráleitt.
Bjarni Jóhannesson
rekstrarstjóri Kjarvalsverslananna
ÍSÓLFUR GYLFI
PÁLMASON
- snjallar lausnir
Wise býður fjölbreyttar
viðskiptalausnir fyrir fólk
með mismunandi hlutverk.
Gold Enterprise Resource Planning
Silver ndependent Software Vendor ( SV)
Borgartún 26, Reykjavík » Hafnarstræti 102, Akureyri
sími: 545 3200 » wise@wise.is » www.wise.is
SAMGÖNGUR „Byggðaráð treystir
því að frekari ákvarðanir um
flugvöllinn í
Vatnsmýrinni
verði teknar
með hagsmuni
íbúa alls lands-
ins að leiðar-
ljósi,“ segir
byggðaráð Dal-
víkurbyggð-
ar sem lýsir
yfir veruleg-
um áhyggjum
vegna tillagna
sem uppi séu
um lokun flugvallar í Vatnsmýr-
inni í Reykjavík.
„Byggðaráð bendir á mikilvægi
flugvallarins fyrir sjúkraflug.
Einnig fyrir aðgengi landsmanna
að stjórnsýslu og stofnunum
ríkisins. Byggðaráð telur greiðar
samgöngur við höfuðborgina vera
mjög mikilvægar í sambúð höfuð-
borgar og landsbyggðar og að það
séu hagsmunir beggja að gagn-
vegir séu sem greiðastir.“ - gar
Reykjavíkurflugvöllur:
Hagur allra í
landinu ráði
SVANFRÍÐUR
JÓNASDÓTTIR
bæjarstjóri Dal-
víkurbyggðar
SVEITARSTJÓRNIR Bæjarráð Fljóts-
dalshéraðs segir fyrirhugaða
lokun Reykjavíkurflugvallar á
komandi árum vekja furðu.
„Bæjarráð hvetur íbúa Fljóts-
dalshéraðs til að láta skoðun sína
á málinu í ljós og bendir meðal
annars á undirskriftasöfnun þá
sem nú er í gangi vegna framtíð-
ar Reykjavíkurflugvallar,“ segir
bæjarráðið sem jafnframt hvetur
önnur sveitarfélög og hagsmuna-
aðila til að andæfa. „Gangi hug-
myndir borgaryfirvalda eftir er
eðlilegt að stjórnvöld taki til end-
urskoðunar staðsetningu stofn-
ana ríkisins sem hingað til hefur
þótt eðlilegt að væru staðsettar í
höfuðborg landsins.“ - gar
Áskorun á Fljótsdalshéraði:
Mótmæli lokun
flugvallarins
REYKJAVÍKURFLUGVÖLLUR Bæjarráð
Fljótsdalshéraðs hvetur íbúa til þess
að skrifa undir lista vegna framtíðar
Reykjavíkurflugvallar. FRÉTTABLAÐIÐ/PJETUR
IÐNAÐUR Fyrirtækið Thorsil ehf.
sem fyrirhugar að reisa og reka
kísilverksmiðju í landi Bakka við
Húsavík þarf að tryggja sér raf-
orku fyrir starfsemina til að geta
verið í samstarfi við Norðurþing,
segir bæjarráð sveitarfélagsins.
Þetta kemur fram í umsögn sem
atvinnuvega- og nýsköpunarráðu-
neytið óskaði eftir vegna umsókn-
ar Thorsil um ívilnanir vegna
nýfjárfestinga á Íslandi. Gert er
ráð fyrir ársframleiðslu allt að eitt
hundrað þúsund tonnum af kísil-
málmi. Þá gerir Norðurþing kröfu
um reynslu, skýra áætlun, faglega
nálgun og fjárhagslegan styrk auk
góðs samstarfs við heimamenn. - gar
Kísilverksmiðja á Bakka:
Tryggi kaup á
orku fyrirfram
SJÁVARÚTVEGUR Vignir hf. á
Akranesi er í svokölluðu fisk-
veiðimati hjá vottunarfyrir-
tæki með það fyrir augum að fá
gæðavottun frá Marine Stew-
ardship Council (MSC) á grá-
sleppu. Fari sú úttekt eins og
til er ætlast verður það í fyrsta
sinn sem grásleppa hlýtur slíka
vottun.
Samherji stendur í sams konar
vinnu til að fá vottun á karfa,
sem hefur heldur hvergi fengið
slíka vottun.
„Þessi vottun
myndi þýða
að við hefð-
um greiðari
aðgang að smá-
sölunni,“ segir
Eiríkur Vignis-
son, fram-
kvæmdastjóri
Vignis. Hann
segist vonast
til að vera með
hana innan nokkurra mánaða.
Vignir flytur út á bilinu þrjú
til fjögur þúsund tunnur á ári
af hrognum. Þær fara á Norður-
Evrópumarkað þar sem MSC-
vottunin nýtist best. Gráslepp-
una sjálfa selur fyrirtækið í
Kína, þar sem grásleppan hefur
haslað sér völl á markaðnum, en
þar eru hins vegar engar kröfur
gerðar um vottun.
Gísli Gíslason, sérfræðing-
ur MSC á Íslandi, segir að auk
þessara tveggja tegunda sé einn-
ig unnið að því að fá MSC-vottun
fyrir síld og ufsa. - jse
Samherji og Vignir hf. sækjast eftir vottun fyrir tvær nýjar tegundir:
Íslensk grásleppa í sérflokk
EIRÍKUR
VIGNISSON
LEIÐRÉTT
Villa var í skífuriti með frétt blaðsins á
laugardag um íslensk fyrirtæki og sam-
félagslega ábyrgð. Hið rétta er að 15%
Íslendinga töldu fyrirtæki standa sig vel
í þeim málum, 42% töldu þau standa
sig illa og 43% hvorki vel né illa.
VIÐSKIPTI Hagnaður Eimskips á
fyrstu sex mánuðum ársins nemur
4,6 milljónum evra, jafnvirði
731 milljónar króna, samkvæmt
hálfsársuppgjöri. Þetta þýðir að
hagnaður félagsins hefur dregist
saman um 42,7 prósent milli ára
en hann nam tæplega átta milljón-
um evra á sama tímabili í fyrra.
Uppgjörið var undir vænting-
um félagsins og segir í uppgjör-
inu að samdráttur í innflutningi
til landsins og viðbótarkostnaður
við fjölgun um eitt skip í nýju sigl-
ingakerfi félagsins hafi haft nei-
kvæð áhrif á afkomuna. - le
Hagnaður var 43% minni:
Afkoma Eim-
skips var undir
væntingum
RANGÁRÞING EYSTRA „Okkur finnst
verslunarkostirnir hér á svæðinu
svolítið dýrir og dreymir alltaf um
lágvöruverðsverslun,“ segir Elvar
Eyvindsson, fulltrúi Sjálfstæðis-
flokks, sem lagði til í sveitar stjórn
Rangárþings eystra að byggt yrði
nýtt hús til að liðka fyrir opnun
lágvöruverðs verslunar á Hvols-
velli.
Í tillögu Elv-
ars og Krist-
ínar Þórðar-
dóttur er lagt
til að sveitar-
félagið kanni
„kosti og galla
þess að byggja
nýtt verslunar-
h ú s n æ ð i á
heppilegum stað
í mið bænum“.
Rangárþing eystra keypti
Austur veg 4 þar sem Kaupfélag
Rangæinga var áður og Kjarval
er nú. Reiknað er með að sveitar-
stjórnarskrifstofurnar flytji í
bygginguna.
„Með því að byggja nútíma-
legt og einfalt verslunarhúsnæði
á besta stað má ætla að trompum
fjölgi á höndum heimamanna hvað
óskir um lágvöruverðs verslun
varðar,“ segja Elvar og Kristín og
taka fram að sveitarfélagið þurfi
ekki að eiga og reka húsnæðið. Það
gæti verið í höndum annarra.
Verslunin Kjarval er eina
matvöruverslunin á Hvolsvelli.
Rangæingar hafa lengi reynt að
fá einhverja af lágvöruverðs-
verslununum á svæðið. Elvar
segir Kjarval dýra verslun.
„Ég giska á að við séum að
borga tuttugu til þrjátíu pró-
sent umfram, þannig að þetta er
gríðar legt kjaramál,“ segir Elvar,
sem undirstrikar að aðeins sé
stungið upp á að málið verði kann-
að. Ekki verði farið af stað með
framkvæmdir nema verslun fáist
í húsnæðið.
Ísólfur Gylfi Pálmason sveitar-
stjóri segir að í langan tíma hafi
verið rætt við þá sem reki Bónus,
Nettó og Krónuna um að koma á
Hvolsvöll. Í því felist gífurlegir
hagsmunir fyrir heimamenn.
„En við sjáum það frekar fyrir
okkur í þessu verslunarhúsnæði
sem við vorum að kaupa heldur
en að byggja sérstaklega yfir lág-
verðsverslun. Það kostar varla
undir 300 milljónum króna að
byggja slíkt hús. Það er allt of
mikið,“ segir sveitarstjórinn.
Hluti tillögu Elvars og Kristínar
snýst um að Sögusetrið fái núver-
andi húsnæði Kjarvals. Sögusetrið
líði fyrir staðsetningu sína nokkur
hundruð metra frá hringveginum.
„Það kemur gríðarlegur ferða-
mannafjöldi í bæinn og það eru
feikileg tækifæri fyrir stað eins
og Sögusetrið ef það eru hundr-
að þúsund manns fyrir utan
gluggann,“ segir Elvar Eyvinds-
son. gar@frettabladid.is
Vilja að sveitarfélagið byggi
undir lágvöruverðsverslun
Sjálfstæðismenn í Rangárþingi eystra vilja að sveitarfélagið gangist fyrir byggingu húss fyrir lágvöruverðs-verslun á Hvolsvelli. Sveitarstjórinn segir lengi hafa verið reynt að fá slíka verslun í bæinn. Það sé mikilvægt.
HVOLSVÖLLUR Rangæingar telja
stóraukinn fjölda ferðamanna sem
renna eftir hringveginum um Hvolsvöll
geta verið grundvöll fyrir lágvöruverðs-
verslun í bænum. FRÉTTABLAÐIÐ/VILHELM
ELVAR
EYVINDSSON
Það kostar
varla undir 300
milljónum
króna að
byggja slíkt
hús. Það er allt
of mikið.
Ísólfur Gylfi Pálmason,
sveitarstjóri Rangárþings eystra.
a-
a
i
a
s
1. Hver verður heiðursgestur kvik-
myndahátíðarinnar RIFF?
2. Hver var ráðinn þjálfari knatt-
spyrnulandsliðs kvenna?
3. Hver er lágmarksnámsframvinda á
önn samkvæmt viðmiðum LÍN?
SVÖR:
1: Lukas Moodysson, 2. Freyr Alexanders-
son, 3. átján einingar.
VEISTU SVARIÐ?