Fréttablaðið - 13.09.2013, Page 2

13. september 2013 FÖSTUDAGUR| FRÉTTIR | 2
HÚSNÆÐI Kristjana Stefáns dóttir
söngkona þurfti að losa sig við
píanóið sitt og allar nóturnar sínar.
Hún skipti auk þess út latex-trúðs-
nefinu sem hún notaði í sýningunni
Jesús litli fyrir sílikonnef. Þetta
varð hún að gera vegna veikinda
sem hún kveðst hafa hlotið af því að
búa í rakaskemmdu húsnæði.
„Ég gat varla haldið mér vakandi
í upphafi æfinganna fyrir Jesús
litla árið 2009. Mér fannst það mjög
skrítið þar sem þetta var svo spenn-
andi og skemmtilegt. Ég var einnig
komin með útbrot, liðverki og stöð-
ugan niðurgang, auk þess sem ég
var oft kvefuð,“ segir Kristjana.
Hún getur þess að hún hafi haft
samband við Hús & heilsu, fyrir-
tæki sem sérhæfir sig í raka- og
mygluskoðunum. „Systir mín, sem
bjó fyrir austan, hafði verið með
svipuð einkenni sem reyndust vera
vegna rakaskemmda. Hún hafði
fengið aðstoð hjá þessu fyrirtæki.“
Við skoðun kom í ljós að skólprör
höfðu gefið sig á þremur stöðum
undir kjallaraíbúð Kristjönu sem
hún hafði búið í í um fjögur ár.
„Þarna voru eiginlega þrjár litlar
sundlaugar og raki kominn undir
húsplötuna sem var svört af myglu.
Þetta var undir baðher berginu,
eldhúsinu og ganginum,“ segir
Kristjana.
Hún flutti út í um átta vikur á
meðan gert var við húsnæðið. „Það
var hins vegar ekki farið eftir leið-
beiningum Húsa & heilsu við verkið
og það reyndust vera myglugró úti
um allt að endurbótunum loknum.
Þess vegna varð ég að farga inn-
búinu mínu og yfirgefa íbúðina.“
Rúmt ár er síðan Kristjana flutti
út og heilsa hennar hefur batnað
smám saman. „Ég hafði reyndar
Í dag er haldið málþing sérfræðinga á Grand Hóteli í Reykjavík um raka
og myglu í byggingum.
Tilgangur málþingsins er að efla samvinnu og umræðu og hefja
aðgerðir til að sporna við vandamálinu.
Í skýrslu Alþjóðaheilbrigðismálastofnunarinnar segir að tengsl séu á
milli rakaskemmda í húsnæði og heilsuvanda.
Myglugró í píanóinu
vegna rakaskemmda
Kristjana Stefánsdóttir söngkona flutti úr rakaskemmdu húsnæði til að losna við
veikindi. Þurfti að farga öllu innbúinu og breyta alveg um lífsstíl. Fannst sárt að
missa píanóið. Engar bætur frá tryggingafélaginu þar sem rakinn var undir plötu.
Á BATAVEGI
Kristjana
Stefánsdóttir
söngkona gat
ekki selt raka-
skemmt hús-
næði sitt og
tók bankinn
þess vegna
við því.
FRÉTTABLAÐIÐ/GVA
➜ Málþing sérfræðinga um raka í húsum
Rúnar Freyr, verða þá bara
gamlar lummur spilaðar í
bakaríinu?
„Við munum taka lummurnar í
bakaríið og líklega brennur eitthvað
við að auki.“
Leikararnir Jóhannes Haukur Jóhannesson
og Rúnar Freyr Gíslason munu stýra
morgunþætti sem hefst næsta laugardag en
þátturinn mun heita Bakaríið.
alltaf flúið úr íbúðinni til vina
minna af og til og einkum þær vikur
sem dóttir mín var hjá pabba sínum.
Hún hafði einnig verið með verki og
niðurgang en jafnaði sig inn á milli
þegar hún var ekki hjá mér. Hún er
búin að ná sér að mestu leyti og ég
verð sífellt betri. Ég hef orðið að
skipta alveg um lífsstíl því ég er
komin með varan legt glútenóþol
og latex-ofnæmi sem ég er viss um
að stafar af því að hafa búið í raka-
skemmdu húsnæði.“
Kristjana kveðst ekki hafa getað
selt íbúðina sína og bankinn þess
vegna tekið við henni. Hún getur
þess einnig að hún hafi ekki fengið
bætur hjá tryggingafélaginu sínu
þar sem rakinn var undir húsplöt-
unni en ekki fyrir ofan. Þeir sem
þrifu húsnæðið hafi heldur ekki
viljað taka ábyrgð á neinu.
„Mér fannst sárt að horfa á eftir
píanóinu mínu og nótunum og öðrum
hlutum en ég gat ekki haft þetta hjá
mér. Þetta var fullt af myglugróum.
Ég setti fimmtán kassa í geymslu
og tek til mín einn og einn til að sjá
hvað ég þoli. Fólk heldur að maður
sé ekki í lagi andlega þar sem það
sér engin merki um að eitthvað sé
að.“ ibs@frettabladid.is
RÚMENÍA, AP Íbúar í Búkarest hafa risið upp gegn hundafargani miklu,
sem hrellt hefur þá árum og jafnvel áratugum saman.
Flækingshundar í borginni skipta tugum þúsunda og sjást víða á
götum í leit að æti og stundum viðskotaillir. Nærri tíu þúsund manns
þurftu að leita læknis hjálpar á fyrstu átta mánuðum þessa árs eftir
að hafa orðið fyrir árásum hunda og nokkur dauðsföll hafa orðið á
síðustu árum.
Borgarbúar fengu sig svo fullsadda í síðustu viku eftir að hundar urðu
fjögurra ára pilti að bana.
Sorin Oprescu borgarstjóri hefur nú boðað til íbúakosningar í næsta
mánuði um hvort yfirvöld fái auknar heimildir til að aflífa hunda. - gb
Ágangur flækingshunda hrellir íbúar Búkarest í Rúmeníu:
Hundafarganið kostar mannslíf
HUNDUM MÓTMÆLT Mótmælendur í Búkarest með mynd af fjögurra ára dreng
sem lést eftir að hundar réðust á hann. FRÉTTABLAÐIÐ/AP
HEILBRIGÐISMÁL „Hvort þær úr bætur
sem boðaðar eru af hálfu heil-
brigðis ráðherra á lyflækningasvið-
inu duga einar sér á eftir að koma
í ljós. Vandamálin verða til staðar
að minnsta kosti eitthvað fram á
veturinn en þetta er kannski upp-
hafið að því að hefja endurreisnar-
starf á sviðinu,“ segir Karl Ander-
sen, prófessor í hjartalækningum.
Kristján Júlíusson heilbrigðisráð-
herra kynnti í gær aðgerða áætlun
í nokkrum liðum sem á að bæta
stöðu lyflækningasviðs Landspítala
– háskólasjúkra-
húss. Samkvæmt
henni á að draga
úr álagi á starf-
semi lyflækn-
ingasviðsins með
því að finna ný
vistunarúrræði
fyrir 50 aldraða
sjúklinga sem
lokið hafa með-
ferð á sjúkrahús-
inu en hafa ekki komist í hjúkrunar-
rými. Skipa á yfirlækni almennra
lyflækninga á næstu dögum. Starfs-
hópur á svo að skila forstjóra marg-
víslegum tillögum fyrir októberlok.
Björn Zoëga forstjóri vonast til
að boðaðar breyt ingar komi í veg
fyrir atgervisflótta og að fleiri
komi til starfa á sjúkrahúsinu.
- jme
SPURNING DAGSINS
RAFTÆKJAVERSLUN • SÍÐUMÚLA 2 • SÍMI 568 9090 • WWW.SM.IS
JBL Cinema SB200
59.990 VERÐ
HEIMABÍÓ Í EINUM HÁTALARA
HELSTU KOSTIR
• Getur notað sömu fjarstýringu og sjónvarpið
• Harman Display Surround tækni
• Þráðlaus Bluetooth tenging
• Einfalt í uppsetningu
Finna á ný vistunarúrræði fyrir 50 aldraða sjúklinga sem lokið hafa meðferð á Landspítalanum:
Draga á úr álaginu á lyflækningasviði
KRISTJÁN
JÚLÍUSSON
ALÞINGI „Okkur líst ágætlega á þetta, við söfnum
þessum upplýsingum þegar úr skattframtölum og
birtum árlega niðurstöður en eigum að gera það
ársfjórðungslega samkvæmt frumvarpinu,“ segir
Ólafur Hjálmarsson hagstofustjóri spurður út í
fyrirhugað frumvarp um Hagstofuna sem nú er til
umræðu á Alþingi.
Markmið frumvarpsins er að breyta lögum um
Hagstofu Íslands og opinbera hagskýrslugerð
til að tryggja að Hagstofan geti safnað og unnið
reglubundið upplýsingar um skuldir og eignir,
tekjur og gjöld heimila og fyrirtækja í landinu
til hagskýrslugerðar. Að sögn Ólafs er forvinna
þegar hafin vegna upplýsingasöfnunar beint frá
fjármálastofnunum.
Aðspurður hvenær Hagstofan geti skilað tilætl-
uðum upplýsingum, verði frumvarpið samþykkt,
svarar Ólafur: „Það dregst auðvitað eftir því sem
þetta er lengur í meðförum Alþingis. En stefnt er
að því næsta vor.“
Önnur umræða fór fram í gær á Alþingi.
- vg
Hagstofustjóri segir sér lítast ágætlega á frumvarp um upplýsingasöfnun:
Upplýsingar tiltækar næsta vor
HAGSTOFA ÍSLANDS Hagstofustjóri segir að úrvinnslu ljúki
næsta vor.
SELTJARNARNES Staður fyrir nýtt
þrjátíu íbúða hjúkrunarheimili
hefur verið staðfestur í bæjarstjórn
Seltjarnarness. Lóðin, sem er við
Safnatröð, afmarkast af Sefgörðum
til norðvesturs, raðhúsalóðum við
Nesbala til vesturs og lyfjafræði-
og lækningaminjasöfnum til suðurs
og austurs. Stefnt er að því að taka
heimilið í notkun á árinu 2015.
Hjúkrunarheimilið er sagt verða
með bestu aðstæður sem völ sé á.
„Björn Guðbrandsson, arkitekt frá
Arkís ehf., er arkitekt hússins en
stofan hefur kynnt sér sérstaklega
Eden–hugmyndafræðina,“ segir í
samþykkt bæjarstjórnar. - gar
Nýtt hjúkrunarheimili byggt:
Eden-heimili á
Seltjarnarnesi
SVEITARSTJÓRNIR Bæjarstjórn
Kópavogs hefur snúið ákvörðun
skipulagsnefndar bæjarins um að
heimila Svifflugfélagi Íslands að
koma fyrir færanlegum húsum við
flugvöll sinn á Sandskeiði.
Svifflugmenn vildu helst fá að
stækka félagshús sitt á staðnum
en til vara að koma fyrir færan-
legum húsum sem áður voru þrjár
kennslustofur. Skipulagsnefndin
hafnaði viðbyggingunni en vildi
leyfa færanlegu húsin. Meirihluti
bæjarstjórnarinnar hafnaði að
gefa félaginu heimildina áður en
deiliskipulag af svæðinu liggur
fyrir. - gar
Svif lugmenn á Sandskeiði:
Fá ekki heimild
fyrir húsum
Í tillögum ráðherra og forstjóra LSH er meðal annars gert ráð fyrir að nýttir
verði betur „kraftar og hæfni“ hjúkrunarfræðinga, sjúkraliða og fleiri stétta
til að styðja við störf lækna. Ólafur G. Skúlason, formaður Félags íslenskra
hjúkrunarfræðinga, hefur miklar áhyggjur af því aukna álagi sem stuðning-
urinn felur í sér. „Álagið er nú þegar gríðarlegt en ef skapað verður svigrúm
til að hjúkrunarfræðingar geti bætt við sig verkefnum fagna ég því að nýta
eigi betur menntun þeirra, þekkingu og færni,“ segir Ólafur. -ebg
Segir álagið þegar vera of mikið