Fréttablaðið - 17.10.2013, Blaðsíða 24

17. október 2013 FIMMTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is HELGAREFNI: Kjartan Guðmundsson kjartan@frettabladid.is MENNING: Friðrika Benónýsdóttir fridrikab@frettabladid.is DÆGURMÁL: Sara McMahon sara@frettabladid.is
VÍSIR: Kristján Hjálmarsson, kristjan@visir.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Ólafur Þ.
Stephensen
olafur@frettabladid.is
Mikið hefur verið rætt og ritað um allt hið
mikla samráð sem viðhaft hefur verið við
gerð lagafrumvarps um náttúruvernd á
síðasta kjörtímabili. Frumvarpið varð að
lögum en gildistökunni var frestað og nú
hefur verið boðað að lagt verði til að lögin
verði afturkölluð og núgildandi lög, frá
árinu 1999, gildi þannig áfram. Samráð er
hins vegar teygjanlegt hugtak. Eitt er að
gefa aðilum færi á að setja fram sjónar-
mið, annað er að tekið sé tillit til þeirra
sjónarmiða.
Þröngur hópur höfunda
Mikil vinna var lögð í gerð frumvarps-
ins. Meðal annars var unnin svokölluð
hvítbók um náttúruvernd í því sambandi,
tæpar 500 blaðsíður að lengd. Hvítbók-
ina vann hins vegar afar þröngur hópur
fólks; starfsfólk umhverfisráðuneytisins
og stofnana þess, háskólafólk sem mikið
hefur unnið fyrir ráðuneytið og fulltrúi
frjálsra félagasamtaka á sviði náttúru-
verndar. Enginn fulltrúi atvinnulífs,
sveitarfélaga, útivistarfólks og þannig
mætti áfram telja. Þetta er ekki upp-
skriftin að víðtækri sátt um þennan
málaflokk.
Lítið gert með athugasemdir
Hvítbókin fór í umsagnarferli en óljóst
er hvað gert var við umsagnirnar því
hún kom aldrei út aftur í breyttu formi.
Síðar gaf ráðuneytið út drög að frum-
varpi til umsagnar sem bar öll einkenni
hvítbókarinnar hvað sem umsögnum um
hana leið.
Aftur stóð undirritaður að gerð
umsagnar en ekki var að sjá að tekið
hefði verið tillit til efnisatriða hennar
þegar frumvarpið var síðar lagt fram á
Alþingi. Enn hófst þá umsagnarferli en
nú á vegum Alþingis. Frumvarpið tók
síðan litlum breytingum í meðförum
þingsins.
Hér verða ekki raktar þær fjölmörgu
og alvarlegu athugasemdir sem Sam-
orka, Samtök atvinnulífsins, Samband
íslenskra sveitarfélaga, samtök útivistar-
fólks og fjöldinn allur af öðrum aðilum
gerðu við þetta frumvarp. Hér skal það
hins vegar áréttað að hið meinta víð-
tæka samráð sem sagt er hafa verið við-
haft einkenndist allt þetta langa ferli af
því sama: Lítið sem ekkert tillit var tekið
til ítrekaðra og alvarlegra athugasemda
þessara fjölmörgu aðila.
Samráð og lög
um náttúruvernd
NÁTTÚRU-
VERND
Gústaf Adolf
Skúlason
framkvæmdastjóri
Samorku, samtaka
orku- og veitufyrir-
tækja
www.fronkex.is kemur við sögu á hverjum degi
N
iðurstöður úr könnun markaðsrannsóknafyrirtækis-
ins Maskínu á viðhorfum kjósenda til aðildarvið-
ræðna við Evrópusambandið eru afgerandi. Minni-
hluti vill ganga í ESB við svo búið, enda er enginn
aðildarsamningur sem fólk getur tekið afstöðu til.
Hins vegar vill meirihluti, 52 prósent, halda aðildarviðræðunum
áfram og yfirgnæfandi meirihluti, eða 67 prósent, að þjóðar-
atkvæðagreiðsla verði haldin um framhald viðræðnanna.
Þetta er enn ein sterk vísbending um að ráðherrar ríkisstjórn-
arinnar hafi rangt fyrir sér þegar þeir segja meirihluta kjósenda
að baki þeirri stefnu sem ríkisstjórnin fylgir í Evrópumálunum.
Það er sömuleiðis margbúið
að hrekja þá útleggingu leiðtoga
stjórnarinnar í utanríkismálum,
Ólafs Ragnars Grímssonar for-
seta, að Evrópusambandið skorti
getu eða vilja til að ljúka aðildar-
viðræðum við Ísland. Þetta var
síðast ítrekað í gær, þegar Štefan
Füle, stækkunarstjóri ESB, lýsti
því yfir að sambandið væri reiðubúið að taka aftur upp samninga
við Ísland hvenær sem væri. Hann sagðist telja að ekki hefði verið
langt í að hægt hefði verið að kynna fyrir íslenzkum almenningi
niðurstöðu þar sem tekið væri tillit til sérstöðu Íslands, um leið og
grundvallarreglur ESB væru virtar. Füle áréttaði sérstaklega að
ekkert vantaði upp á getuna til að halda viðræðum áfram.
Báðir stjórnarflokkar gengu til kosninga með þá stefnu að gera
hlé á aðildarviðræðunum og efna svo til þjóðaratkvæðagreiðslu
um framhaldið. Nú hefur fyrriparti þeirrar stefnu verið hrint
í framkvæmd. Miðað við niðurstöður könnunar Maskínu má
draga í efa að meirihluti kjósenda styðji þá ákvörðun. Seinnipart
stefnunnar, skýr kosningaloforð um þjóðaratkvæðagreiðslu, ætlar
stjórnin hins vegar ekki að framkvæma. Þar sýna niðurstöður
kannana ítrekað að hún hefur ekki meirihlutastuðning kjósenda.
Velkist menn í vafa um hvað var sagt fyrir kosningar, má rifja
það upp. Sigmundur Davíð Gunnlaugsson forsætisráðherra sagði
í grein í Morgunblaðinu í ágúst 2011 að leggja ætti aðildarviðræð-
urnar til hliðar. „Þegar málin hafa skýrst og við vitum hvort eða
hvernig ESB lifir af er rétt að þjóðin taki afstöðu til þess í þjóðar-
atkvæðagreiðslu hvort taka skuli viðræður upp að nýju.“
Gunnar Bragi Sveinsson utanríkisráðherra sagði í þingræðu í
maí 2012 að endurmeta ætti aðildarferlið. „Það er allt sem bendir
til þess að full ástæða sé til að fara í slíkt endurmat hér á Alþingi
og ef ekki að leyfa íslenskri þjóð að taka ákvörðun um það hvort
þessu verði haldið áfram eða hvernig verður haldið á þessu.“
Bjarni Benediktsson fjármálaráðherra sagði í viðtali við Frétta-
blaðið 24. apríl í vor: „Við höfum haft það sem hluta af okkar
stefnu að opna fyrir þjóðaratkvæðagreiðslu til að útkljá þetta mál
og við munum standa við það.“ Kvöldið eftir sagði hann í kapp-
ræðum á Stöð 2: „Við viljum opna fyrir þjóðaratkvæðagreiðslu og
ég tel rétt að stefna að henni á fyrri hluta kjörtímabilsins.“
Nú telur enginn þessara manna að þjóðin eigi að fá að segja
hug sinn til málsins. Það er langt síðan jafnmargir ráðherrar
hafa verið jafnberrassaðir í máli þar sem gerðar eru reglulegar
mælingar á almenningsálitinu.
Loforðið um þjóðaratkvæðagreiðslu sem gufaði upp:
Berrassaðir
ráðherrar
Frítt fyrir konur í leðri– aftur
„Vegna mikilla eftirspurna höfum við
loksins ákveðið að halda hið sjóðandi
heita Playboy Partý í Sjallanum þar
sem GULLFALLEGAR, SJÓÐANDI
heitar Playboy kanínur
taka á móti gestum.“
Svona hljóðar lýsingin
á Playboy-kvöldi sem
fram fer í Sjallanum á
Akureyri á laugardaginn
kemur. Í henni kemur
einnig fram að konur
í Playboy-„dressi“ og
leðri fái frítt inn. Það
er skemmtileg tilviljun
að á laugardaginn verður
einmitt réttur mánuður
síðan síðast var auglýst kvöld
með glaðningum fyrir leðurklæddar
konur. Það var svokallað Dirty Night,
sem Jafnréttisstofa gerði athugasemd
við sem aftur gerði það að verkum
að Sjallinn blés kvöldið af.
Misskilningur
Forsvarsmaður Sjallans hafði þá þetta
um málið að segja í fjölmiðlum: „Við
misskildum hvernig þetta kvöld ætti
að vera og um leið og við sáum
hvað þetta væri þá ákváðum
við að bakka út úr
þessu.“ Ætli þeir í
Sjallanum skilji
hvað Playboy-
kvöld er eða á
sá mis-
skilningur
líka eftir
að koma í
ljós?
Gersamlega galið
Unnur Gunnarsdóttir, forstjóri Fjár-
málaeftirlitsins, olli nokkru fjaðrafoki
í gær með ummælum sínum á
Bloomberg um að Íbúðalánasjóði
yrði ekki bjargað úr þessu. Tap hans
myndi alltaf lenda á skattborgurum.
Harðorðastur í garð Unnar er Hallur
Magnússon, fyrrverandi sviðsstjóri hjá
Íbúðalánasjóði, sem kallar eftir af-
sögn hennar í bloggpistli. „Forstjóri
Fjármálaeftirlitsins virðist gersam-
lega galinn! Yfirlýsingar hennar á
Bloomberg um Íbúðalánasjóð eru
að líkindum alvarlegustu afglöp ís-
lensks embættismanns allavega frá
hruni,“ skrifar Hallur og segir
að viðtalið sé „hrein og klár
aðför að íslensku efnahags-
lífi“. Það er ekkert minna.
stigur@frettabladid.is