Fréttablaðið - 19.10.2013, Blaðsíða 78

KYNNING − AUGLÝSINGFyrirtækjagjafir LAUGARDAGUR 19. OKTÓBER 20138
ÖRUGG KERTAJÓL
Flestir brunar vegna kerta á
vinnustað verða í desember og
janúar. Forvarnahús Sjóvár hefur
tekið saman nokkrar reglur sem
fyrirtæki ættu að fylgja varðandi
notkun kerta á vinnustað.
■ Skiljið aldrei eftir logandi
kertaskreytingu inni á kaffistofu
starfsmanna.
■ Bannið notkun kerta á skrif-
borðum starfsmanna.
■ Slökkvið ávallt á kertum í
fundarherbergjum eftir að fundi
lýkur.
■ Sá starfsmaður sem kveikir á
kerti ber ábyrgð á því að slökkva
á því aftur.
■ Staðsetjið ekki kertaskreytingu
í dragsúgi þar sem vindur eða
gegnumtrekkur getur feykt
loganum í skreytinguna.
■ Ef skreytingin er á afgreiðslu-
borði þarf að gæta að því að
viðskiptavinir eigi ekki á hættu
að reka sig í logann frá kertinu.
■ Hafið kertaskreytingu ekki nærri
tækjum sem gefa frá sér hita.
■ Ef logandi kerti eiga að vera
á borðum í jólagleðinni sem
haldin er á vinnustaðnum þarf
að ákveða fyrir fram hver slekkur
á þeim.
■ Eftir að kertalogi hefur verið
slökktur getur enn þá leynst
glóð í kveiknum. Góð regla er að
væta kertakveikinn með vatni
þegar slökkt er á kerti til að ekki
leynist glóð.
■ Staðsetjið útikerti ekki of nærri
inngangi verslana eða veitinga-
staða.
■ Færið aldrei logandi útikerti til,
það hitnar mjög að utan, vaxið
verður fljótandi og mjög heitt.
■ Kynnið reglurnar fyrir öllum
starfsmönnum.
Ár hvert gefur Neiman Marcus-stórverslunin út lista yfir draum-
kenndar jólagjafir sem kosta á bilinu 10 þúsund upp í tvær milljónir
Bandaríkjadala.
Á lista ársins í ár má meðal annars finna sérhannaðar vörur til fálkaveiða
(Bespoke Global Falconry Companion) á 150 þúsund dali, þrekhjólið
Ciclotte á 11 þúsund dali og gistingu í Glerhúsinu eftir arkitektinn Philip
Johnson á 30 þúsund dali. Þá má einnig nefna demantaupplifun að
verðmæti 1,85 milljóna dala en innifalið í því verði er 25 karata demant-
ur og ferðalag til London þar sem demanturinn er skorinn og pússaður.
Á listanum er einnig 201 tommu vatnsþétt útisjónvarp fyrir 1,5 milljónir
dala að ógleymdri Neiman Marcus 2014 Aston Martin Vanquish Volante-
bifreiðinni sem kostar 344.500 dali.
FJARSTÆÐUKENNDAR GJAFIR NEIMAN MARCUS
Meðal gjafa-
hugmynda er
demantaupp-
lifun fyrir 1,5
milljónir doll-
ara og sérhann-
aðar vörur til
fálkaveiða fyrir
150 þúsund
dollara.