Fréttablaðið - 24.10.2013, Síða 64

24. október 2013 FIMMTUDAGUR| SPORT | 52
visir.is
Meiri umfjöllun um
Meistaradeildina
Zlatan með frábæra fernu í Brussel
MAÐUR KVÖLDSINS Svíinn Zlatan Ibrahimovic varð í gær
tíundi leikmaðurinn til að skora fernu í Meistaradeildinni
þegar hann fór á kostum á móti belgíska liðinu Anderlecht
á Constant Vanden Stock Stadium í Brussel í gær. MYND/AP
FÓTBOLTI Zlatan Ibrahimovic
skoraði fjögur frábær mörk þegar
Paris Saint-Germain hélt sigur-
göngu sinni áfram með 5-0 úti-
sigri á Anderlecht í Meistaradeild-
inni í gær. Bayern München og
PSG virðast hreinlega vera algjör
yfirburðarlið í sínum riðlum en
Bayern vann 5-0 sigur á Plzen.
Wayne Rooney átti flottan leik með
Man chester United en náði ekki að
skora í 1-0 sigri á Real Sociedad.
Sjálfsmark dugði United.
Cristiano Ronaldo skoraði bæði
mörk Real Madrid í 2-1 sigri á
Juventus og er kominn með sjö
mörk í þremur fyrstu leikjunum í
keppninni í ár. - óój
KÖRFUBOLTI Þriðja umferð Dom-
inos-deildar karla í körfubolta
hefst í kvöld með fjórum leikjum
og margra augu verða á leik Snæ-
fells og KR.
Vance Cooksey skoraði 30 stig
í fyrsta leik sínum með Snæfelli
en í kvöld koma ósigraðir
KR-ingar í heimsókn í Hólminn.
Hinir leikir kvöldsins eru:
Grindavík-Valur, ÍR-Haukar
og Stjarnan-Skallagrímur.
Stórleikur umferðarinnar, leikur
nágrannanna Njarðvíkur og
Keflavíkur, verður ekki fyrr
en á mánudaginn og þá í beinni
útsendingu á Stöð 2 Sport.
Njarðvíkingar hafa unnið tvo
fyrstu leiki sína í deildinni og
þar hafa bakverðirnir Elvar Már
Friðriksson og Logi Gunnarsson
farið á kostum.
Þeir Elvar og Logi hafa skorað
saman 49 stig að meðaltali í
leik og eru stigahæstu íslensku
leikmennirnir í deildinni. Elvar
hefur gefið 7,0 stoðsendingar að
meðaltali auk 25,5 stiga í leik.
Haukamaðurinn Terrence
Watson og Mike Cook Jr. hjá Þór
úr Þorlákshöfn eru stigahæstu
leikmenn deildarinnar með 28,5
stig að meðaltali í fyrstu tveimur
umferðunum. - óój
STIGAHÆSTU ÍSLENDINGARNIR:
Elvar Már Friðriksson, Njarðvík 25,5
Logi Gunnarsson, Njarðvík 23,5
Þorleifur Ólafsson, Grindavík 21,5
Páll Axel Vilbergsson, Skallagrími 21,3
Mirko Stefán Virijevic, KFÍ 21,0
Jón Ólafur Jónsson, Snæfelli 20,5
Njarðvík á tvo
þá stigahæstu
ALLT Í ÖLLU Elvar Már Friðriksson hjá
Njarðvík. FRÉTTABLAÐIÐ/VILHELM
Þrír leikir fara fram í Olís-deild karla í handbolta í kvöld.
Topplið FH heimsækir ÍR-inga í Austurberg klukkan
20.00 og er eitt af þremur félögum sem geta setið í
toppsætinu eftir kvöldið. Hin tvö liðin eru
mótherjar þeirra í ÍR og síðan Haukar
sem skella sér norður og mæta Akureyri
klukkan 19.00 í kvöld. FH er með eins
stigs forskot en jöfn í öðru til fimmta
sæti eru Haukar, Fram, ÍBV og ÍR. ÍBV og
Fram mætast í lokaleik umferðarinnar í Eyjum á
laugardaginn og þar gæti toppsætið einnig verið í boði falli
úrslitin með þeim í kvöld.
Valsmenn enduðu þriggja leikja taphrinu sína í síðasta leik
og heimsækja botnlið HK klukkan 19.30 í kvöld.
Þrjú lið eiga möguleika á toppsætinu
eft ir leiki kvöldsins
FÓTBOLTI Þrír af bestu leikmönn-
um Pepsi-deildar karla síðasta
sumar ætla allir að reyna að
sanna sig hjá erlendum félögum
en þetta eru þeir Sverrir Ingason,
miðvörður Breiðabliks, Hauk-
ur Páll Sigurðsson, miðjumaður
Vals, og Guðmann Þórisson, mið-
vörður FH. Þetta kom fram á 433.
is í gær.
Sverrir Ingi, sem er fyrirliði
21 árs landsliðs Íslands, fer
í nóvember í tvær vikur til
hollenska liðsins Heerenveen
auk þess að skoða aðstæður hjá
norska Íslendingaliðinu Viking.
Haukur Páll og Guðmann verða
báðir til reynslu næstu daga
hjá sænska úrvalsdeildarliðinu
Mjällby. Haukur Páll er
samningslaus hjá Val en
Guðmann skrifaði undir nýjan
samning við FH á dögunum en
getur samið við erlent lið.
Allir voru þessir þrír sterku
leikmenn á lista yfir tíu efstu í
einkunnagjöf Fréttablaðsins í
sumar, Haukur Páll þriðji, Guð-
mann fjórði og Sverrir Ingi tíundi
og jafnframt bestur af ungu
mönnunum í deildinni. - óój
Þrír öfl ugir á
ferð erlendis
FER HANN TIL ALFREÐS? Sverrir Ingi
æfir með Heerenveen. FRÉTTABLAÐIÐ/VILHELM
HANDBOLTI „Þetta var risastór
dagur fyrir mig. Mér leið vel í
upphafi leiks enda hafði ég fundið
fyrir miklu trausti frá þjálfurun-
um. Það var samt svolítið stress en
það fór fljótt af mér,“ sagði Unnur
Ómarsdóttir eftir leik en hún var
að spila sinn fyrsta alvörulands-
leik.
Unnur fór beint í byrjunarliðið
og stóð sig gríðarlega vel. Skoraði
úr öllum sínum skotum og hefði
líklega ekki getað fengið betri
byrjun á landsliðsferlinum. Kom
því ekki á óvart að hún brosti allan
hringinn eftir leik. „Ég var rosa-
lega fegin að öll skotin skyldu fara
inn,“ sagði Unnur og hló.
Finnska liðið er nú ekki það
sterkasta í Evrópu og hafði tapað
öllum níu leikjum sínum í undan-
keppni EM.
Þar af hafði liðið tapað í tvígang
fyrir Bretum í síðustu keppni en
Bretar hafa ekki beint verið að
skapa usla í evrópskum hand-
knattleik til þessa. Það voru því
allar líkur á því að íslenska liðið
ætti náðugt kvöld í vændum.
Það gekk eftir. Íslenska liðið tók
verkefnið alvarlega strax frá upp-
hafi og hið arfaslaka lið Finnlands
átti ekki roð í það. Finnsku stelp-
urnar varla drifu á markið lengi
vel. Leikstjórnandinn skrefaði í
annað hvert skipti sem hún fékk
boltann.
Þær áttu eina ágæta skyttu,
Cainberg, sem hélt liðinu á floti
framan af. Svo var hún sett í
hornið og á línuna. Afar furðulegt
enda eina raunverulega ógnin frá
henni. Sonja Koskinen var öflug í
finnska markinu og bjargaði því
sem bjargað varð. Varði fjölda
skota úr dauðafærum. Engu að
síður var tíu marka munur í leik-
hléi, 18-8.
Jenný varði vel í íslenska mark-
inu líka en þurfti ekki að glíma við
erfiðustu skot sem hún hefur séð á
ferlinum. Engu að síður einbeiting
í lagi. Vörnin stóð vel lengstum og
sóknarleikurinn flaut oft vel. Sér-
staklega gekk línuspilið vel en
nýtingin hjá íslenska liðinu hefði
mátt vera betri. Þær klúðruðu allt
of mörgum dauðafærum.
Síðari hálfleikur var í raun
formsatriði. Stelpurnar reyndu
þó að keyra af krafti en nokkur
klaufagangur var oft á sóknar-
leiknum. Sextán marka sigurinn
var síst of stór.
„Það var gott að ná að rúlla
öllum mannskapnum og svo
náðum við líka að vinna í 5-1 varn-
arleiknum okkar. Það gekk vel.
Við fórum kannski illa með mörg
færi en heilt yfir var þetta fag-
mennska hjá stelpunum að halda
út allan leikinn,“ sagði Ágúst Þór
Jóhannsson landsliðsþjálfari eftir
leik.
henry@frettabladid.is
Finnar fallbyssufóður
Íslenska kvennalandsliðið í handbolta byrjaði undankeppni EM með stæl í gær.
Stelpurnar völtuðu yfi r Finnland, 34-18. Mikill styrkleikamunur var á liðunum.
HINGAÐ OG EKKI LENGRA Íslenski varnarmúrinn var öflugur á móti Finnum í Vodafonehöllinni í gær. FRÉTTABLAÐIÐ/VALLI
Ísland - Finnland 34-18
Mörk Íslands (skot): Rut Jónsdóttir 5 (7), Stella
Sigurðardóttir 5/1 (8/1), Unnur Ómarsdóttir
4 (4), Arna Sif Pálsdóttir 4 (6), Hanna Guðrún
Stefánsdóttir 4 (6), Karen Knútsdóttir 4/2 (7/2),
Birna Berg Haraldsdóttir 3 (3), Karólína Bærhenz
Lárudóttir 2 (2), Hildigunnur Einarsdóttir 2
(5), Þórey Rósa Stefánsdóttir 1 (4), Ramune
Pekarskyte (1), Hildur Þorgeirsdóttir (1),
Varin skot: Guðný Jenný Ásmundsdóttir 14 (25/2,
56%), Íris Björk Símonardóttir 10/1 (17/1, 59%),
SPORT