Fréttablaðið - 31.10.2013, Side 22

31. október 2013 FIMMTUDAGUR| FRÉTTIR VIÐSKIPTI | 22
Takmarkanir á innflutningi á fersku
kjöti og unnum kjötvörum sem hér
hafa verið leiddar í lög standast ekki
ákvæði samningsins um Evrópska
efnahagssvæðið (EES). ESA, Eftir-
litsstofnun EFTA, kemst að þessari
niðurstöðu í formlegu áminningar-
bréfi til stjórnvalda. Samkvæmt
gildandi löggjöf á Íslandi er inn-
flutningur á fersku kjöti, unnu eða
óunnu, kældu eða frosnu, svo og
innflutningur á unnum kjötvörum
og öðrum kjötvörum, háður leyfis-
veitingu.
ESA telur fyrirkomulagið stang-
ast á við tilskipun um dýraheil-
brigðiseftirlit í viðskiptum innan
EES. „Fimmta grein tilskipunar-
innar kveður sérstaklega á um að
eftirlit á viðtökustað dýraafurða
skuli takmarkað við stikkprufur,“
segir í tilkynningu ESA. Bent er á
að samkvæmt fjölmörgum dóma-
fordæmum Evrópudómstólsins og
EFTA-dómstólsins á sviðum sam-
ræmdrar löggjafar, geti aðildarríki
ekki stuðst við 13. grein EES-samn-
ingsins, sem
meðal annars
lúti að vernd lífs
og heilsu manna
eða dýra, til að
réttlæta frávik
frá samræmdri
löggjöf.
Að auki telur
ESA íslensku
reglurnar fela í
sér óréttmætar
viðskiptahindranir og brjóta gegn
18. grein EES-samningsins.
Áminningarbréfið sem nú hefur
verið sent er fyrsta skref í meðferð
samningsbrotamáls.
Í tilkynningu landbúnaðarskrif-
stofu atvinnuvega- og nýsköpun-
arráðuneytisins í gær er bent á að
Alþingi hafi árið 2009 mótatkvæða-
laust samþykkt að viðhalda banni á
innflutningi á fersku kjöti. „Íslensk
stjórnvöld hafa ráðið nýsjálenskan
sérfræðing til að gera áhættumat
vegna innflutnings á dýraafurð-
um til Íslands. Von er á niðurstöðu
hans á næsta ári,“ segir þar jafn-
framt.
Bent er á að stjórnvöld fái að
minnsta kosti tvo mánuði til að
svara áminningarbréfi ESA. „Fallist
ESA ekki á þau rök sem þar verða
færð fram getur stofnunin ákveð-
ið að leggja fram svokallað rökstutt
álit. Gangi málið alla leið endar það
fyrir EFTA-dómstólnum,“ segir á
vef ráðuneytisins.
Andrés Magnússon, fram-
kvæmdastjóri SVÞ, fagnar því að
ESA hafi fallist á þau lagarök sem
samtökin hafa haldið fram. Hann
áréttar um leið að deilan snúist ekki
um tollvernd eða magn innflutn-
ings, heldur fremur ferskleika og
gæði vöru sem flutt er til landsins.
„Verði álitið endanlega staðfest er
íslenskum stjórnvöldum ekki lengur
stætt á að gera kröfu um að innflutt
kjöt sé 30 daga í frosti áður en það
kemur á borð íslenskra neytenda,“
segir Andrés.
olikr@frettabladid.is
ANDRÉS
MAGNÚSSON
KJÖTMETI SVÞ segja stjórnvöld ekki hafa getað fært fyrir því rök að innlendum
hagsmunum sé ógnað með innflutningi á fersku kjöti. FRÉTTABLAÐIÐ/HRÖNN
Stjórnvöld sögð brjóta
reglur um innflutning
Áminningarbréfi ESA verður svarað og áfram haldið áhættumati vegna innflutn-
ings á dýraafurðum. Takmarkanir á kjötinnflutningi hér eru sagðar brjóta í bága
við Evróputilskipun. Verði ekki fallist á skýringar stjórnvalda endar málið í dómi.
Áminningarbréf ESA, eftirlitsstofnunar EFTA, kemur í kjölfar kvörtunar
SVÞ– Samtaka verslunar og þjónustu 6. desember 2011 vegna innleiðingar
stjórnvalda á reglugerð ESB um almennar meginreglur og kröfur sam-
kvæmt lögum um matvæli, um stofnun Matvælaöryggisstofnunar Evrópu
og um málsmeðferð vegna öryggis matvæla. „Meðal þessa sem lagt var
til var að innflutningur á vörum sem áður hafði verið óheimilaður (s.s.
kjöt, mjólk og egg) yrði heimilaður.“ Samkvæmt núgildandi lögum er hins
vegar enn viðhaldið innflutningsbanni á fersku kjöti. SVÞ telja ekkert hafa
komið fram um að íslenskum stjórnvöldum sé ekki unnt að gæta að heil-
brigði manna og dýra innan ramma matvælalöggjafar EES-samningsins.
SVÞ kvörtuðu til eftirlitsstofnunar EFTA
Hagnaður Icelandair Group á þriðja fjórðungi þessa árs nam
65,3 milljónum dala, eða um 7,8 milljörðum íslenskra króna.
Það er talsvert meiri hagnaður en félagið skilaði á sama tíma
í fyrra þegar hagnaðurinn var 51,4 milljónir dala, eða rúmir sex
milljarðar króna.
„Við höfum verið í miklum vexti undanfarin ár og höfum ekki
verið að kaupa önnur félög heldur lagt áherslu á
innri vöxt og það hefur gengið eftir á arðbæran
hátt,“ segir Björgólfur Jóhannsson, forstjóri
Icelandair Group, spurður hverju hann þakki
góðan rekstur félagsins.
Í tilkynningu sem Icelandair Group sendi frá
sér um afkomuna á fjórðungnum segir að flug-
áætlun Icelandair í millilandaflugi hafi verið
sú umfangsmesta frá upphafi. Fjölgun
farþega var mest á Norður-Atlantshafs-
markaðnum, eða um 16 prósent, en far-
þegar í þeim ferðum voru 52 prósent af
heildarfarþegafjölda félagsins. - hg
Áhersla Icelandair Group á innri vöxt árangursrík að mati forstjóra félagsins:
Skilaði átta milljarða hagnaði
MILLILANDAFLUG Icelandair flutti 822 þúsund far-
þega á þriðja fjórðungi þessa árs. FRÉTTABLAÐIÐ/PJETUR
124 einkahlutafélög voru nýskráð í
septembermánuði samanborið við
138 félög í sama mánuði 2012.
Fyrstu níu mánuði ársins voru
1.432 einkahlutafélög nýskráð
samkvæmt tölum Hagstofu
Íslands. Það er 8,6 prósentustiga
aukning frá sama tíma í fyrra
þegar 1.318 fyrirtæki voru skráð.
Alls voru 77 fyrirtæki tekin til
gjaldþrotaskipta í september og
gjaldþrotum fækkaði um 15,5 pró-
sent á fyrstu níu mánuðum ársins
miðað við sama tíma árið 2012. - hg
Færri gjaldþrot milli ára:
8,6% aukning í
nýskráningum
BJÖRGÓLFUR
JÓHANNSSON
Yfir níutíu prósent frumkvöðla-
og sprotafyrirtækja á Íslandi
telja líklegt að velta þeirra muni
aukast á næsta ári.
Þetta kemur fram í niðurstöð-
um nýlegrar vefkönnunar sem
Nýsköpunarmiðstöð Íslands
lét vinna fyrir sprotar.is, sem
er upplýsingavefur um íslensk
sprotafyrirtæki.
„Könnunin leiðir í ljós að um
55 prósent fyrirtækjanna velta
undir fimmtíu milljónum króna
á ári og 34 prósent þeirra er með
veltu undir tíu milljónum. Hins
vegar sögðust rúm 37 prósent
svarenda ná veltu umfram 100
milljónir króna og því eru þarna
sprotafyrirtæki á mismunandi
stigum,“ segir Gauti Marteins-
son, verkefnisstjóri hjá Nýsköp-
unarmiðstöð Íslands.
Niðurstöður könnunarinnar
sýna einnig að um 63,5 prósent
frumkvöðla- og sprotafyrirtækja
hafa fengið fjárhagslega aðstoð
af einhverju tagi.
„Af þeim sögðust um 44 pró-
sent hafa fengið aðra aðstoð en
fjárhagslega, til dæmis í formi
handleiðslu og leiðsagnar. Hins
vegar sögðu 64 prósent fyrir-
tækjanna að þau hefðu sóst eftir
fjárhagslegri aðstoð eða styrkj-
um án þess að fá úthlutun,“ segir
Gauti.
„En tæpur þriðjungur fyrir-
tækjanna sagðist hafa nýtt sér
aðstöðu á frumkvöðlasetri sem
þýðir að þessi fyrirtæki fá einn-
ig annars konar stuðning.“
- hg
Þriðjungur íslenskra frumkvöðla- og sprotafyrirtækja veltir yfir hundrað milljónum króna á ári hverju:
90% sprota gera ráð fyrir aukinni veltu
SPROTAR Alls hafa 44 prósent sprota-
fyrirtækja notfært sér aðstoð í formi
handleiðslu og leiðsagnar. FRÉTTABLAÐIÐ/GVA