Fréttablaðið - 31.10.2013, Blaðsíða 31

FIMMTUDAGUR 31. október 2013 | SKOÐUN | 31
Kæri Mikael Torfason.
Það er fagnaðarefni að
fjölmiðlar veiti skólastarfi
athygli en mikið þætti mér
vænt um ef þú vildir not-
færa þér ritstjórastólinn
til að kanna nokkur atriði
betur. (Fjallað var um
skólamál í leiðara 19. okt.
2013 sem bar titilinn „Von-
laus skóli“ og í frétt á for-
síðu Fréttablaðsins „Eitt
smábarn af tíu er með
erlent móðurmál“, 17. sept.
2013.) Mig langar að benda
þér á örfá atriði sem þarf
að íhuga betur.
Kennurum hefur fjölgað um
20% á 15 árum. Eflaust er þetta
rétt fullyrðing. Það sem vant-
ar bara er að nemendum fjölgaði
mjög mikið á síðustu 15 árum.
Stærstu árgangar sem fæðst hafa
á Íslandi voru í grunnskóla og
kennslustundum á hvern nemanda
fjölgaði á þessum árum. Sérskólar
voru lagðir niður og grunnskólinn
tók við nemendum sem þurfa sér-
staka aðstoð og það kallar á meira
starfsfólk, fyrst og fremst fleiri
kennara. Að reikna fjölda nemenda
á kennara án þess að skoða hvað
liggur að baki er ekki bara fárán-
legt heldur ómanneskjulegt.
Jón Gnarr hefur einbeitt sér að
eineltismálum í Reykjavík. Það er
frábært því ef það er eitthvað sem
eyðileggur æsku fólks þá er það að
verða fyrir einelti. Einelti er ekki
bara til í skólum, heldur líka í sam-
félaginu. Einelti er hluti af þeirri
trú að það megi vera andstyggileg-
ur við þá sem eru „öðruvísi“.
Jón Gnarr hefur lagt mikið til
íslensks samfélags með því að vera
„öðruvísi“. Hann er ekki stúdent,
hann er „brottfall“, hann er leikari
með enga menntun í því
fagi, klæðist bleikum kven-
mannsfötum í Hinsegin-
göngunni og hann er rauð-
hærður og með gleraugu.
Hann er allt sem hefur þótt
eðlilegt að leggja í einelti
nema; hann er borgarstjóri
Reykjavíkur.
Skýtur skökku við
Það skýtur skökku við að
hæla Jóni Gnarr og tala
síðan eins og brottfall sé
fötlun. Kæri Mikael, vissir
þú að nemandi sem ákveð-
ur að hætta námi í Borgarholts-
skóla og færa sig yfir í FB telst
brottfall? Hann hætti við að verða
bílasmiður en ákvað að verða húsa-
smiður. Er það slæmt? Nemandi
sem ákveður að fara sem skipti-
nemi til Kenía telst líka brottfall
því hann er hvergi skráður í skóla
á meðan. Nemandi sem vill vera
eina önn á trillu með afa telst líka
brottfall. Við skulum skoða betur
hvað liggur að baki fullyrðingum
um brottfall áður en við notum það
orð sem allsherjardóm yfir fram-
haldsskólakerfinu okkar.
Fyrir nokkrum vikum var frétt
á forsíðu Fréttablaðsins um að
10% ungra barna á Íslandi ættu
annað móðurmál en íslensku,
fengju tvö móðurmál í vöggugjöf.
Frábært, hugsaði ég, þvílík verð-
mæti að eignast fólk sem getur
talað og hugsað á tveimur tungu-
málum. Þessi þjóð verður ríkari
að menningu og mannauði. En
nei, Fréttablaðið hafði samband
við einn kennara sem taldi slig-
andi kostnað fylgja tvítyngdum
nemendum! Talandi um einelti.
Hvaðan kemur Fréttablaðinu sú
hugmynd að tvítyngdir nemend-
ur þurfi endilega að vera dýr-
ari en aðrir? Hvað hefði verið
sagt ef fréttin hefði fjallað um
að rauðhærðir strákar væru dýr-
astir íslensku skólakerfi? Það er
margt afburðagott í í skólunum
okkar og um það vitna best far-
sælir nemendur sem ég horfi á í
skólanum mínum á hverjum degi.
Skólakerfið er svo gott að það á
ekki skilið slíka fyrirsögn sem þú
slengir framan í alþjóð í leiðara
þínum í Fréttablaðinu: „Vonlaus
skóli“. (Búið að breyta fyrirsögn-
inni í „Dýr grunnskóli“ í netút-
gáfunni.)
„Skóli“ er nemendur, kennarar,
stjórnendur og annað starfsfólk.
Er þetta allt svona vonlaust pakk
eða er þetta bara vonlaus blaða-
mennska?
Vonlaus blaðamennska
Innanríkisráðherra, Hanna Birna
Kristjánsdóttir.
21. október voru margir Íslend-
ingar sem elska landið sitt teknir
höndum af lögreglu undir þinni
stjórn. Fólkinu var varpað í fang-
elsi og á yfir höfði sér sektir eða
fangelsisvist fyrir þá glæpi sem
það framdi, sem fólust í að reyna
að vernda ómet-
anlega náttúru
og sögustaði í
Gálgahrauni.
8. maí á þessu
ári helltu Þrí-
h nú k a r eh f.
niður 600 lítr-
um af olíu á
vatnsverndar-
svæði Reykvík-
inga. Reglur
voru brotnar.
Skv. rannsókn-
arskýrslu tókst
að hreinsa upp 250 lítra af olíu,
en 350 lítrar eru nú komnir niður
í grunnvatnið á svæðinu og enda
hugsanlega í vatnsbólum Reyk-
víkinga.
1 Hefur einhver verið handtek-inn og sóttur til saka vegna
olíuglæpsins?
2 Var fólkið í Gálgahrauni að fremja alvarlegri glæpi en
þeir sem helltu niður olíunni?
3 Hafa Þríhnúkar ehf. misst starfsleyfi sitt við Þríhnúka-
gíg vegna olíuhneykslisins og
verulegra landspjalla á svæðinu?
4 Ef svarið við spurningu 3 er neikvætt, hver er þá skýring-
in?
5 Hvort finnst þér mikilvægara að vernda vatnsbólin okkar og
náttúruna umhverfis Þríhnúka-
gíg eða að þjóna gróðafíkn eig-
enda Þríhnúka ehf.?
6 Hvað þarf að hella mörgum lítrum af olíu niður á vatns-
verndarsvæði Reykvíkinga til
að það teljist glæpur sem kost-
ar starfsleyfismissi, sektir eða
fangavist?
Ég geri ráð fyrir að rými fáist
á síðum þessa blaðs til að svara
þessum spurningum skilmerki-
lega.
Opið bréf til
innanríkisráðherra
MENNTUN
Lilja
Magnúsdóttir
fagstjóri og
kennari íslensku
í Menntaskólanum
í Kópavogi
NÁTTÚRU-
VERND
Björn
Guðmundsson
framhaldsskóla-
kennari
www.okkar.is - til öryggis síðan 1966
OKKAR SJÚKDÓMATRYGGING XL
OKKAR Sjúkdómatrygging XL er nýjung hér á landi. Trygginguna er hægt að
endurvekja eftir að bætur hafa verið greiddar úr henni og þannig geta viðskiptavinir
OKKAR tryggt sig aftur gegn sjúkdómum sem kunna að knýja dyra síðar meir.
Fimm bótaflokkar
Tryggingunni er skipt upp í fimm bótaflokka eftir eðli sjúkdóma. Sé sótt um nýja
tryggingu eftir greiðslu bóta er sá flokkur undanskilinn sem bætur hafa verið greiddar
úr. Þannig er aðeins hægt að fá bætur einu sinni úr hverjum flokki.
Karlar og konur greiða sama iðgjald af Sjúkdómatryggingu XL, séu þau jafn gömul.
Kynntu þér málið á www.okkar.is eða hringdu í síma 540 1400.
Sjúkdóma-
trygging
sem hægt er
að endurvekja
NÝJUNG
Á ÍSLANDI
OKKAR líftryggingar – með þér alla ævi