Fréttablaðið - 31.10.2013, Qupperneq 66

31. október 2013 FIMMTUDAGUR| MENNING | 46
FIM
M
TU
D
AG
U
R
HVAÐ?
HVENÆR?
HVAR?
Upplestur
12.00 Skál af ljóðum fer fram
í aðalsafni Borgarbókasafns,
Tryggvagötu 15. Háttvís ljóð
verða á dagskrá að þessu sinni
og verður spennandi að heyra
hvað ljóð Jakob S. Jónsson og
félagar draga úr pússi sínu. Ljóð,
tvenns lags súpa og heimabakað
brauð með húmmus og hvít-
laukssmjöri kr. 1.290.
Kvikmyndir
20.00 Rússneskar teiknimyndir
frá árunum 2005 til 2008 sýndar
í MÍR-salnum, Hverfisgötu 105.
Þetta eru þjóðleg ævintýri frá
norðurslóðum í Rússlandi. Rúss-
neski kvikmyndafræðingurinn
Marina Júzhaninova kynnir
myndirnar. Aðgangur ókeypis.
Tónlist
20.00 Una Dóra, Guðbjörg
Sigurjónsdóttir og Sigurjón
B. Daðason halda tónleika í
Háteigskirkju. Dagskráin er
vönduð, fluttar verða Ave
Maríur úr ýmsum áttum ásamt
vókalísum og skemmtilegum
íslenskum útúrdúr.
21.00 Kristjana Arngríms og
hljómsveit hennar skemmta
á Café Rosenberg. Sérstakur
gestur er Sigrún Hjálmtýsdóttir,
Diddú.
21.30 Trúbadorinn Hr. Halli
heldur tónleika á Obladí-
oblada,Frakkastíg 8.
Samkoma
20.00 Rangæingar í Reykjavík
athugið! Félagsvist í samvinnu
við Skaftfellinga í Skaftfell-
ingabúð í Reykjavík.
Upplýsingar um viðburði sendist á
hvar@frettabladid.is
Opnun yfirlitssýningar á gömlum
auglýsingum Rafskinnu verður í
Galleríi Fold á morgun klukkan
fimm.
„Rafskinna var sjálfvirk, rafknú-
in auglýsingabók sem fletti auglýs-
ingum í Skemmuglugganum í Aust-
urstræti á árunum 1933-1957,“ segir
Þorsteinn Bachmann leikari og einn
aðstandenda sýningarinnar. Ásamt
honum koma að uppsetningunni
móðir hans, Margrét Þorsteins-
dóttir, og systir, Hrefna Bachmann.
„Rafskinna setti líflegan svip á
miðbæinn og var landsmönnum til
skemmtunar og fróðleiks í aldar-
fjórðung,“ útskýrir Þorsteinn.
Á aðventunni 1933 söfnuðust veg-
farendur í fyrsta sinn saman í birt-
unni frá litlum búðarglugga í Aust-
urstræti. „Þeir fylgdust spenntir
með rafknúnu töfratæki leika listir
sínar innan við glerið, fletta fram
og til baka spjöldum með listilega
teiknuðum auglýsingum með bein-
skeyttum slagorðum og bráðfyndn-
um texta. Þetta var Rafskinna og
hún átti eftir að vera ómissandi
hluti jóla- og páskahátíða í höfuð-
staðnum,“ útskýrir Þorsteinn.
Gunnar Bachmann var eigandi,
hugmynda- og textasmiður Raf-
skinnu. Hann var föðurafi þeirra
Þorsteins og Hrefnu. „Faðir okkar,
Benedikt Bachmann, dó í fyrra
og var byrjaður að huga að því að
koma þessu áfram. Við erum að
klára dæmið. Þetta er búið að liggja
í sama bananakassanum síðan ég
man eftir mér, og ég er fæddur
1965,“ segir Þorsteinn.
„Ég byrjaði að stelast í þetta þegar
ég var fimm ára. Það er kominn
tími til að landsmenn fái að njóta
þessa líka,“ bætir hann við.
„Litríkar myndirnar úr Raf-
skinnu voru margar hverjar hrein-
ustu listaverk. Hnyttnar og óvænt-
ar fyrirsagnir fengu fólk oft til að
skella upp úr. Teiknarar Rafskinnu
voru Tryggvi Magnússon og síðar
Jón Kristinsson, Jóndi í Lambey,
sem tók við af Tryggva þar til Raf-
skinna var tekin niður í síðasta
sinn árið 1957,“ segir Þorsteinn að
lokum. olof@frettabladid.is
Gamlar auglýsingar öðlast nýtt líf
Þorsteinn Bachmann leikari opnar sýningu á verkum afa síns í samvinnu við móður sína og systur.
KLÁRA DÆMIÐ Þorsteinn Bach-
mann ásamt móður sinni, Margréti
Þorsteinsdóttur, og systur, Hrefnu
Bachmann. FRÉTTABLAÐIÐ/STEFÁN
Tilboðið gildir frá miðnætti í kvöld, 31.10.2013
til miðnættis á sunnudag, 03.11.2013
www.netto.is bækur
3.990 KR
m
ar
kh
on
nu
n.
is
BÓKA
!
SALAN HEFST Á MIÐNÆTTI
Í KVÖLD Í NETTÓ GRANDA
OG NETTÓ MJÓDD!
100 FYRSTU KAUPENDURNIR
FÁ ÁRITUÐ EINTÖK
Dreifingarfélagið Kongó stend-
ur að tónlistarmarkaði helguð-
um Airwaves-tónlistarhátíðinni
sem verður á Kex hosteli til 3.
nóvember. Markaðurinn verður
opinn frá kl. 12 til 21 þá daga sem
hátíðin stendur yfir. Þar geta tón-
listaráhugamenn og hátíðargestir
skoðað fjölbreytt úrval tónlistar á
geisladiskum og vínylplötum.
Það verður mikið um dýrðir á
Kex hosteli yfir hátíðina því að 25
hljómsveitir koma fram á utan-
dagskrártónleikum staðarins, en
þetta er í þriðja sinn sem banda-
ríska útvarpsstöðin KEXP heim-
sækir Kex hostel og framreiðir
spennandi tónlistardagskrá í sam-
starfi við Iceland Naturally. Meðal
þeirra sem koma fram eru John
Grant, Ásgeir og Emilíana Torrini.
Markaður með
tónlist á Kex
ÁSGEIR Ásgeir Trausti kemur fram á
Kex hosteli. FRÉTTABLAÐIÐ/VALLI