Fréttablaðið - 05.12.2013, Qupperneq 22

5. desember 2013 FIMMTUDAGUR| FRÉTTIR NEYTENDUR | 22
„Það koma alltaf reglulega upp
hjá okkur tilfelli þar sem fólk
áttar sig ekki á símreikningnum
og hefur mögulega verið ofrukk-
að,“ segir Ingibjörg Magnúsdóttir,
fulltrúi hjá Neytendasamtökunum.
Til er í dæminu að fólk hafi
ekki hugmynd um hvað sé verið
að rukka fyrir þegar það skoðar
reikninginn. „Það kemur fram í
lögum hvað þarf að koma fram
á reikningnum. En undir aðra
þjónustu og virðisaukandi þjón-
ustu getur margt fallið, til dæmis
styrkir, áskriftir, leiga á myndum
ásamt mörgu öðru,“ segir Ingi-
björg. Neytendasamtökin sendu
erindi til fjarskiptafyrirtækja
fyrir tveimur árum vegna þessa
gjaldliðar.
„Það er alveg ógerlegt fyrir fólk
að átta sig á hvað er í raun verið
að innheimta og Neytendasamtök-
unum finnst alveg óásættanlegt
að þessum kostnaðarlið sé ekki
gefið sjálfstætt heiti á símreikn-
ingum,“ segir Ingibjörg. Hún hvet-
ur alla til að hringja og biðja um
frekari upplýsingar þegar þeir viti
ekki hvað er verið að rukka fyrir.
Öll fyrirtæki eiga að geta svarað
slíkum fyrirspurnum. En fólk þarf
þá að hafa yfirsýn yfir reikninga
sína.
„Fólk þarf að vera meðvitað
um reikningana sína. Það þarf að
skoða þá í heimabankanum, það
tekur ekki lengri tíma en að skoða
póstsendan seðil, og kvarta strax
ef það kannast ekki við eitthvað
á reikningnum,“ segir Ingibjörg
Magnúsdóttir. erlabjorg@frettabladid.is
Skoðið símreikningana vel
Fulltrúi hjá Neytendasamtökunum segir algengt að fólk viti ekki fyrir hvað sé verið að rukka á fjarskiptareikn-
ingum. Samkvæmt lögum eigi að tilgreina það. Margt falli undir það sem skilgreint sé sem „önnur þjónusta“.
Jón Einar Guðmundsson fékk í tvígang átta þúsund
króna aukareikning frá Vodafone. Hann reyndi ítrekað
að fá svör hjá þjónustuveri fyrirtækisins.
„Starfsfólkið í þjónustudeildinni gat ekki gefið mér
útskýringu á þessari viðbót, sagði að þetta væri líklega
bara heimasíminn eða GSM-síminn, en það væri ekki
með upplýsingar um það.“
Jón Einar er með viðskipti sín við Vodafone í
greiðsluþjónustu og því fannst honum undarlegt að
þessi reikningur bættist við. „Eftir nokkrar tilraunir
til að fá útskýringar leitaði ég til þriðja aðila sem gat
séð að það væri verið að ofrukka mig. Þá fékk ég þetta
endurgreitt.“
Jón Einar vildi vekja athygli á þessu því það væru
örugglega fleiri sem lenda í þessari stöðu. „Það er slæmt
að fá ekki útskýringar þegar maður hringir í þjónustu-
verið og það er erfitt að fá leiðrétt mistök þegar fólkið
sem þjónustar þig getur ekki svarað fyrir þau.“
Erfitt að fá útskýringar á reikningum
Í tillögu að nýrri tilskipun fram-
kvæmdastjórnar Evrópusam-
bandsins, ESB, segir að ferðasali
verði að bera ábyrgð gagnvart
neytendum þegar þeir setja saman
eigin ferð á vefsíðu hans. Þessi
breyting þýðir að mati ESB að
með því fái 120 milljónir manna á
EES-svæðinu vernd sem gildandi
reglur um alferðir hafa ekki náð
til. Frá þessu er greint á vef Neyt-
endastofu.
Þar segir jafnframt, að sam-
kvæmt þeim reglum sem gilda nú
sé ferðaseljendum skylt að leggja
fram tryggingar, þannig að neyt-
endur geti fengið endurgreiðslu
á greiðslum sem þeir hafa greitt
ef fyrirtæki verða gjaldþrota eða
óvæntar aðstæður koma upp, til
þess að ávallt sé tryggt að unnt sé
að flytja neytendur heim. Hér hafi
verið valin sú leið að þeir sem selja
ferðir leggja hver um sig fram
starfsábyrgðartryggingu.
Á vef Neytendastofu segir að
þegar nýjar reglur verði samþykkt-
ar þurfi að endurskoða núgildandi
lög um alferðir sem Neytendastofa
hefur eftirlit með svo og reglur um
rétt neytenda til endurgreiðslu á
fyrirframgreiðslum. - ibs
Betri réttindi neytenda á EES-svæðinu:
Leggja til aukna
vernd ferðalanga
Barnabílstólar eru í 75 prósentum
tilfella dýrari á Íslandi en í Dan-
mörku, Svíþjóð og Þýskalandi.
Neytendasamtökin hafa borið
saman verð á sextán barnabíl-
stólum hér á landi og í löndunum
þremur.
Niðurstaðan er sú að í tólf til-
vikum er hæsta verð hér á landi
og munar þar í sumum tilvikum
miklu. Hvorki tollar né vörugjald
er lagt á barnabílstóla sem fram-
leiddir eru innan Evrópu en 10%
tollur er lagður á stóla sem fram-
leiddir eru utan EES-svæðisins. - ebg
Engir tollar innan Evrópu:
Barnabílstólar
dýrir á Íslandi
ÍS
LE
N
SK
A/
SI
A.
IS
/N
AT
6
18
85
1
1/
12
Settu hátíðarkraft í
sós una með Knorr
– kraftinum sem þú
þekkir og treystir!
...kemur með góða bragðið!
Hátíðarkrafturinn
kemur úr Knorr
Á ÍTALÍU Auka á réttindi þeirra sem setja sjálfir saman ferðir sínar á vefsíðu ferða-
sala. NORDICPHOTOS/GETTY
SÍMNOETENDUR Fólk veit stundum ekki fyrir hvað símafyrirtækin eru að rukka.
Það er
alveg ógerlegt
fyrir fólk að
átta sig á hvað
er í raun verið
að innheimta.
Ingibjörg Magnús-
dóttir, fulltrúi hjá
Neytendasamtök-
unum.
Matvælastofnun hefur birt leiðbein-
ingar til veitingahúsa sem bjóða
upp á jólahlaðborð.
Veitingahús eiga að hafa innra
eftirlitskerfi sem tryggir gæði,
öryggi og heilnæmi.
Veitingastaðir eiga að tryggja
að matvæli séu framreidd við rétt
hitastig og að maturinn borinn
fram við nægan hita. Einnig að upp-
lýsingar um ofnæmis- og óþols-
valda séu til staðar og að áhöld séu
við hvern rétt til að hindra kross-
mengun á milli rétta. - hg
Veitingahús og jólahlaðborð:
Innra eftirlit er
nauðsynlegt
KRÆSINGAR Nú er tími jólahlaðborða.
120
milljónir manna á
EES-svæðinu fá, að mati
Evrópusambandsins, með
breytingunni vernd sem
gildandi reglur um alferðir
hafa ekki náð til.