Fréttablaðið - 06.05.2014, Page 2
6. maí 2014 ÞRIÐJUDAGUR| FRÉTTIR | 2
Gísli, ætlið þið að spila
Síldarvalsinn?
„Við spilum síldarvalsinn svo ekki
hlaupi í síldina galsinn.“
Gísli Karel Halldórsson er verkfræðingur
hjá Verkís sem leggur til að prófaðar verði
hljóðbylgjur eða ljós til að fæla síld frá
Kolgrafafirði.
STJÓRNMÁL Einhverjar til raunir
hafa verið gerðar með framboð
kristilegra flokka á Íslandi en þær
hafa ekki gengið vel, að sögn Gunn-
ars Helga Kristinssonar, prófessors
í stjórnmálafræði við HÍ.
Kristileg stjórnmálasamtök hafa
verið stofnuð og hyggjast þau bjóða
fram í Alþingiskosningum árið
2017 og í sveitarstjórnarkosningum
ári síðar. Samtökin hafna hjóna-
vígslu samkynhneigðra í kristnum
kirkjum, vilja banna fóstureyð ingar
og eru á móti útgjöldum ríkisins
vegna kynleiðréttinga.
Gunnar Helgi segir að sams
konar flokkar byggðir á trúar-
hreyfingum hafi starfað í nágranna-
löndum okkar, þar sem bann við
fóstureyðingum hafi m.a. verið á
stefnuskránni. „Það er ákveðinn
hópur kjósenda í kringum svona
safnaðarstarf sem er fyrir utan
meginstrauminn.
Það gæti auð vitað
verið einhver
hljóm grunnur
fyrir svona flokki
í því starfi, sér-
staklega með
aðgangi að virk-
um félögum, en
miðað við fyrri
reynslu er það
ekki mikill hljómgrunnur,“ segir
Gunnar Helgi, aðspurður.
Hann bætir við að flokkurinn
virðist vera mjög eindreginn
í stefnumálum sínum. „ Þessir
flokkar eins og í Noregi og Sví-
þjóð byggja á mjög gömlum
grunni, safnaðarstarfi í frí-
kirkjulegum hreyfingum eða í
leikmannahreyfingum sem á sér
rætur alveg aftur á 19. öld og hafa
forverar þeirra verið lifandi hluti
af pólitísku lífi í þeim löndum í
mjög langan tíma,“ segir Gunnar
Helgi. „Það er engin hefð fyrir
svona pólitísku, kristilegu starfi
á Íslandi sem ég kannast við,
þannig að þetta er meira utan við
meginstrauminn á Íslandi. Það er
því líklegt að það hafi ekki enn
slípast af því ýmsir, kannski öfga-
kenndari kantar.“
Spurður hvort flokkurinn sé
mögulega tímaskekkja, miðað við
eindregin stefnumál sín, segist
hann búast við því að lang flestum
kjósendum finnist það. „En það
eru til kjósendur sem þetta höfð-
ar til og það er engin mæling á
því hversu mikinn hljómgrunn
þetta fær fyrr en við höfum ein-
hverjar kannanir. En mér finnst
allar líkur á því að það sé ekki
mikill grundvöllur fyrir þessu.“
freyr@frettabladid.is
GUNNAR HELGI
KRISTINSSON
Ólíklegt að flokkur-
inn fái hljómgrunn
Misheppnaðar tilraunir hafa verið gerðar með framboð kristilegra flokka á Íslandi.
Stjórnmálafræðingur segir ólíklegt að slíkur flokkur fái hljómgrunn hér á landi.
Í Noregi og Svíþjóð byggja kristilegir flokkar á gömlum grunni frá nítjándu öld.
STOFNANDI Jón Valur Jensson er einn af stofnendum kristilegra stjórnmálasamtaka
á Íslandi. FRÉTTABLAÐIÐ/HARI
Að sögn Gunnars Helga Kristinssonar hafa kristilegir flokkar í Svíþjóð og
Noregi verið litlir þó svo að t.d. Kjell Magne Bondevik úr kristilega demó-
krataflokknum hafi orðið forsætisráðherra Noregs. „Þessir flokkar hafa orðið
til sem viðbrögð við afhelgun samfélagsins, sem varð áberandi á milli 1960
og 1970. Þeir höfða til fólks sem vill hafa trúarleg gildi í meiri hávegum en
kannski samfélagið gerir yfirleitt. Það saknar þessara eldri tíma þar sem
kirkja var meiri hluti af daglegu lífi fólks og berst gegn hlutum eins og fóstur-
eyðingum,“ segir Gunnar Helgi. „En það er engin hefð fyrir því að þetta sé
átakamál á Íslandi, ekki í hinu stóra samhengi. Það er langsamlega líklegast
að þetta fái ekki mikinn hljómgrunn en maður veit auðvitað aldrei.“
Viðbrögð við afhelgun samfélagsins
FERÐAÞJÓNUSTA Áætlað er að sam-
tals 89 skemmtiferðaskip hafi við-
komu í Reykjavík í sumar og að
farþegar í þessum skipum verði á
bilinu 95 til 98 þúsund. Aldrei hefur
slíkur fjöldi skipa og farþega komið
hingað áður.
Mikil stígandi hefur verið í komu
farþegaskipa síðasta áratuginn.
Samhliða hafa stærri skip en áður
lagt hingað leið sína og þar af leið-
andi hefur farþegum fjölgað mikið
og koma nú tvöfalt fleiri með hverju
skipi að meðaltali en fyrir tíu árum.
Árið 2003 voru skemmtiferða-
skipin í Reykjavík 50 talsins og
með þeim komu ríflega 31 þúsund
farþegar. Í fyrra voru skipin 80 og
farþegarnir yfir 92 þúsund, sem er
metfjöldi farþega fram til þessa.
Flest skip til þessa komu hins vegar
árið 2008 eða 83 skip með samtals
rúmlega 59 þúsund farþega.
Sem fyrr segir er áætlað að far-
þegarnir í ár verði allt að 98 þúsund,
sem yrði sex prósenta fjölgun frá í
fyrra. Fyrsta skipið kemur 19. maí
en það síðasta 29. september. - gar
Fjöldi skemmtiferðaskipa í sumar slær öll fyrri met og farþegafjöldi einnig:
Skipafarþegar verða 98 þúsund
Á LEIÐINNI Skemmtiferðaskipin fara
senn að skríða að landi í Reykjavík.
FRÉTTABLAÐIÐ/GVA
STJÓRNMÁL Bjarni Benediktsson,
fjármála- og efnahagsráðherra,
hefur skipað nefnd sérfræðinga
um heildarendurskoðun laga um
Seðlabanka Íslands.
Nefndinni er ætlað að fara yfir
þróun á starfsemi annarra seðla-
banka og löggjöf á sviði peninga-
mála og efnahagsstjórnunar.
Samkvæmt tilkynningu frá
ráðuneytinu er markmiðið að
treysta trúverðugleika og sjálf-
stæði bankans og traust á
íslenskum efnahagsmálum. - skó
Nefnd sérfræðinga skipuð:
Rýnt í lögin um
Seðlabankann
SPURNING DAGSINS
SEGLAGERÐIN ÆGIR
Þar sem ferðalagið byrjar
FERÐAVAGNAR
UTANRÍKISMÁL Bandarísk flugsveit er væntanleg hingað til lands í
næstu viku til að sinna loftrýmisgæslu sem ríki Atlantshafsbandalags-
ins hafa sinnt hér á landi af og til undanfarin ár.
Alls munu um 220 hermenn taka þátt í verkefninu, að því er fram
kemur á vef Landhelgisgæslu Íslands. Af þeim verða um fimmtán
staðsettir á Akureyri þar sem staðsetja á þotugildrur og flugvita.
Flugsveitin kemur með F-15-orrustuþotur, C-130-björgunarflug-
vélar og eldsneytisbirgðavél. Sveitin er væntanleg 12. maí og mun fara
af landi brott aftur í byrjun júní. - bj
220 hermenn taka þátt í að vakta loftrými Íslands:
Bandarísk flugsveit væntanleg
ÆFA Á ÍSLANDI Bandarískir flugmenn munu æfa aðflug að Akureyrarflugvelli og
mögulega flugvellinum á Egilsstöðum. FRÉTTABLAÐIÐ/STEFÁN
KJARAMÁL Mikil reiði er á meðal starfsmanna
Isavia eftir að vinnustundir í verkfalli voru
dregnar frá launum þeirra um mánaðamótin,
einnig af þeim starfsmönnum sem voru í vaktafríi.
Jafnvel er talin hætta á að nýgerðir kjarasamn-
ingar verði felldir vegna þessa. Isavia ber fyrir
sig dómafordæmi í málinu.
Samkvæmt þeim kjarasamningi sem þrjú stétt-
arfélög skrifuðu undir við Isavia á dögunum og
greiða á atkvæði um næstkomandi föstudag fram
til þriðjudags í næstu viku, áttu allir starfsmenn
Isavia að fá hundrað þúsund króna eingreiðslu.
Þeim brá hins vegar mörgum í brún þegar þeir
sáu launaseðilinn þessi mánaðamótin því búið var
að draga af laununum fyrir þann tíma sem verk-
fallið stóð yfir.
Talsmaður Isavia segir ekki rétt að dregið hafi
verið af launum þeirra sem unnu á undanþágu.
Hins vegar sé það algilt að laun séu dregin af fólki
vegna vinnustöðvana.
„Ég hefði viljað að haft hefði verið meira samráð
við félagið. Við erum að reyna að vinna að lausn
þessa máls með samtölum við yfirmenn Isavia og
eigum við ekki að vona að okkur takist það,“ sagði
Kristján Jóhannsson, formaður Félags flugmála-
starfsmanna, í kvöldfréttum Stöðvar 2 í gær. - hmp
Starfsmenn Isavia óánægðir eftir að dregið var af launum vegna aðgerða:
Nýgerður samningur í hættu
VINNUSTÖÐVUN Starfsmenn Isavia hafa nefnt að fella kjara-
samninginn nýja. FRÉTTABLAÐIÐ/GVA
DANMÖRK Íslenska skyrið virðist
hafa bjargað rekstrinum hjá
danska afurðafélaginu Thise.
Rekstrar niðurstaða félagsins fyrir
síðasta ár var sú besta í áratug.
Fram kemur í frétt á vef Lands-
sambands kúabænda að skýringin
á góðu gengi félagsins sé skyr sem
það framleiðir eftir íslenskri upp-
skrift með sérstakri heimild frá
MS. Skyrsalan stóð undir nærri
fimmtungi af veltu Thise á síðasta
ári. Thise var fyrsta afurðastöðin
í Danmörku sem hóf framleiðslu
á skyri. Framleiðslan hjá fyrir-
tækinu hófst árið 2006, en nú hafa
fleiri afurðastöðvar tekið við sér
og byrjað að framleiða skyr. - bj
Viðsnúningur hjá Thise:
Skyrið bjargar
dönsku félagi
VIÐSKIPTI Reykjavíkurborg hefur
gert samning um kaup á allt að
tólf metanknúnum sorphirðu-
bílum. Fyrstu fjórir bílarnir verða
afhentir í október og kosta 217
milljónir króna.
Þrír eru með tvískiptum sorp-
kassa þannig að hægt er að sækja
tvo flokka af úrgangi samtímis. Sá
fjórði er með krana. „Það er mikið
hagræði að þessum bílum,“ segir
Guðmundur Benedikt Friðriksson,
skrifstofustjóri hjá umhverfis- og
skipulagssviði. „Við þurfum ekki
að senda tvo bíla í hverja götu
heldur getur sami bíllinn tekið
blandaðan úrgang og pappír í tví-
skipta hólfið.“ - fb
Borgin gerir samning:
Kaupir fjóra
metansorpbíla