Fréttablaðið - 15.05.2014, Blaðsíða 19

FIMMTUDAGUR 15. maí 2014 | SKOÐUN | 19
Það er fráleitt að halda því
fram að fiskeldi muni skaða
lífríki og ímynd Íslands eins
og formaður NASF heldur
fram í Fréttablaðinu 6. maí.
Skattgreiðendur munu að
sjálfsögðu ekki taka á sig
skuldbindingar hlutafélaga
eins og fullyrt er.
Fiskeldismenn hlustuðu
á sérfræðinga á málþingi
NASF í vetur og varnaðar-
orð þeirra um að fara fram
með gát og varúð, læra af
reynslu annarra ríkja sem
lengra eru komin í eldinu og koma
í veg fyrir að eldið fari inn á villi-
götur.
Drög að frumvarpi ríkisstjórnar-
innar eru til mikilla bóta á núgild-
andi lögum: einföldun í stjórnsýsl-
unni, skilvirkara eftirlit en einnig
að herða á kröfum og auka skyldur
fyrirtækjanna. Drög að lagabreyt-
ingu gera ráð fyrir 30% eiginfjár-
mögnun, tryggingum, burð-
arþolsrannsóknum og fleiri
kröfum, t.d. um búnað sem
eykur öryggi. Hjá félaginu
fór fram stefnumótun-
arvinna sem var auglýst
og kynnt ráðuneytum og
stjórnsýslunni í janúar 2013.
Tekið er á skipulags-
málum í drögum að nýjum
lögum en einnig í vinnu við
skipulagningu Ísafjarðar-
djúps og Arnarfjarðar. Fyr-
irtækin í fiskeldi hafa með
sér samstarf um hvernig
fiskeldi í sjó verður best komið fyrir
til að koma í veg fyrir árekstra.
Ekkert öngþveiti er til staðar eins
og haldið er fram.
Utan netlagna fara íslensk stjórn-
völd með umráðaréttinn en ekki eig-
endur sjávarjarða eða veiðiréttar-
eigendur. Fiskeldi skaðar ekki aðra
matvælaframleiðslu né veiðar, enda
mjög umhverfisvæn grein miðað við
aðra ræktun hráefnis til matvæla,
t.d. kjöts.
Frasa-vísindi
Formaðurinn velur frasa-vís-
indi sem henta honum þegar hann
fjallar um náttúruvá og um þúsund-
ir háskóla og vísindastofnanir. Rétt
er að vísindamenn og stóru eldis-
fyrirtækin í heiminum leita öll að
betri lausnum sem minnka áhrif-
in frá fiskeldi, hvort sem um er að
ræða úrgang eða leiðir til að koma
í veg fyrir hugsanlegar slepping-
ar og erfðablöndun við villta laxa-
stofna. Laxastofninn sem nú er
í eldi á Íslandi er mun betri en sá
sem notaður var á 9. áratugnum.
Hann er kynbættur fyrir síðbúnum
kynþroska sem minnkar áhættu á
erfðablöndun.
Formaðurinn skalar upp hrein
ósannindi sem hann hefur áður
fleygt fram í blaðagrein. Jón Örn
Pálsson fjallaði um slíkan málflutn-
ing í Morgunblaðinu, 25. janúar sl.,
sjá lf.is. Samkvæmt áreiðanleg-
um heimildum er rekstrarleyfi í
Patreksfirði fyrir 1.500 tonna eldi
og fyrirhuguð er stækkun leyfis í
3.000 tonn en ekki 25.000 tonn eins
og kom fram hjá formanni NASF.
Fullyrðing formannsins um
úrgang stenst einfaldlega ekki.
Magnið er rangt og niðurstaðan
einnig.
Skólp frá fjórum mönnum jafn-
gildir úrgangi frá einu tonni af laxi.
Þá jafngildir úrgangur frá 3.000
tonna eldi 12.000 manna byggð. Í
starfsleyfi fiskeldisfyrirtækja eru
sett takmörk á losun úrgangs frá
fiskeldi.
Náttúruvá – Formaður NASF á villigötum
Íslenskur sagna-
arfur á ekki marg-
ar þekktari eða
skemmtilegri
sögupersónur en
þá Gísla, Eirík og
Helga, bræðurna
á Bakka í Svarf-
aðardal. Þeir voru
svo skemmtilega
vitgrannir að þeir
hafa orðið aðhlát-
ursefni margra
kynslóða.
Eitt fáránlegasta uppátæki þeirra
var er þeir reistu sér baðstofu og
höfðu hana gluggalausa til þess að
hún yrði hlýrri á vetrum. En þá
vantaði birtuna í bæinn. Til að bæta
úr því, ákváðu þeir að bera myrkrið
út og sólskinið inn í trogum. Þrátt
fyrir dugnað þeirra við trogaburð-
inn hafði ekkert birt í bænum þegar
leið á daginn. Þeir sáu ekki handa
sinna skil frekar en áður.
Ég get ekki að því gert að mér
finnst sumt í gerðum núverandi
ríkisstjórnar minna mig á bað-
stofubygginguna á Bakka. Einkum
á það við um utanríkis- og fjármál.
Meðan meirihluti þjóðarinnar vill
láta á það reyna hvort við náum
hugsanlega viðunandi samningum
við Evrópusambandið um samstiga
framfarir, þá hamast Bakkabræð-
ur ríkisstjórnarinnar, þeir Sig-
mundur Davíð, Bjarni og Gunnar
Bragi, við að reyna að loka okkur
inni í gluggalausu húsi. Við megum
ekki sjá hvað aðrir gera best. Hug-
arfar frelsis og framfara á helst
ekki að finna sér neinar glufur inn
í samfélag okkar.
Okkur á að nægja það sem þeir
eru að bera okkur í sínum forn-
eskjulegu trogum og reynist árang-
urslítið, af því að þeir virðast ekki,
frekar en Bakkabræðurnir fyrir
norðan, hafa þá andlegu hæfileika
sem þarf til að leysa vandamálin
þannig að samfélag okkar njóti
birtu þeirra framfara sem öðrum
hafa reynst vel.
Flestir sæmilega skynsam-
ir menn sjá hvert svona innilok-
unarstefna leiðir okkur. Því þarf
ekki að orðlengja þetta. En þótt
við vitum að Evrópusambandsað-
ild leysi ekki öll okkar vandamál,
þá er sterk von við hana bundin,
einkum í utanríkis- og fjármálum,
og því lýk ég þessari grein með
hvatningarorðum sr. Matthíasar.
Takið þau til ykkar hver og einn,
Sigmundur Davíð, Bjarni og Gunn-
ar Bragi:
Opnaðu bæinn, inn með sól!
Öllu gefur hún líf og skjól,
Vekur blómin og gyllir grein,
gerir hvern dropa eðalstein.
Opnaðu bæinn.
Bakka-
bræður í
ríkisstjórn
FISKELDI
Guðbergur
Rúnarsson
framkvæmdastjóri
Landssambands
fi skeldisstöðva
STJÓRNMÁL
Þórir
Stephensen
prestur
Velkomin í Háskólann á Bifröst
– hvar sem þú ert!
Öflugt meistaranám
Háskólinn á Bifröst býður upp á spennandi meistaranám
í fjarnámi þar sem áhersla er lögð á frumkvæði nemenda
og möguleika þeirra til að takast á við áskoranir framtíðar.
Háskólinn á Bifröst hefur áralanga reynslu í háskóla-
kennslu í fjarnámi sem gefið hefur góða raun. Markmið
skólans er að mennta samfélagslega ábyrga leiðtoga fyrir
fjölbreytt atvinnulíf og samfélag.
• Alþjóðaviðskipti – MS / MIB
• Forysta og stjórnun – MS / MLM
• Alþjóðleg stjórnmálahagfræði – MA
• Menningarstjórnun – MA
www.nam.bifrost.is
Umsóknarfrestur rennur út 15. maí
Meistaranám í fjarnámi: