Fréttablaðið - 15.05.2014, Blaðsíða 42

15. maí 2014 FIMMTUDAGUR| MENNING | 26
Sýningin Handverk og hönnun í Ráðhúsi Reykja-
víkur verður opnuð í dag klukkan 16. Að vanda er
sýningin fjölbreytt og skemmtileg og meðal þess
sem hægt er að kynna sér eru fylgihlutir úr hrein-
dýraleðri, púðar, munir úr tré, handspunnið band,
íslenskar barnavörur og
barnafatnaður, íslenskt
salt, handgerðir skart-
og listgripir, fjölbreytt
fatahönnun, skór, leir-
munir og margt fleira.
Auk þess verður á sýn-
ingunni sérstök kynn-
ing á hugmyndafræði
MAKE by Þorpið og þeirri þjónustu við skapandi
fólk sem verið er að byggja upp á Austurlandi. Sköp-
unarmiðstöðin á Stöðvarfirði, Þorpssmiðjan á Egils-
stöðum og Ullarvinnsla frú Láru á Seyðisfirði munu
kynna þjónustu sína og eigin vörulínur.
➜ Hægt er að skoða
kynningu á öllum þátt-
takendum í maí á vef-
síðunni handverkog-
honnun.is/radhusid.
„Það er friður og heiðríkja yfir
Mattheusarpassíunni. Hún er dálít-
ið eins og himnaríki á jörð. Það eru
forréttindi að fá að taka þátt í flutn-
ingi hennar,“ segir Ingvar Jón Bates
Gíslason, formaður Kórs Langholts-
kirkju. Kórinn ræðst í það stórvirki
að flytja Mattheusarpassíuna nú
á laugardaginn í kirkjunni, ásamt
tvöfaldri hljómsveit, Gradualekór
og einsöngvurum. Benedikt Krist-
jánsson verður í hlutverki guð-
spjallamannsins, Bergþór Pálsson
sem Jesús og Davíð Ólafsson sem
Pílatus. Öllu stjórnar svo Jón Stef-
ánsson sem heldur upp á 50 ára
starfsafmæli sem organisti og kór-
stjóri Langholtskirkju.
Ingvar Jón segir Mattheusar-
passíuna það verk Bachs sem hvað
sjaldnast er flutt vegna þess hve
stórt það sé í sniðum. „Það eru tvær
hljómsveitir og tveir konsertmeist-
arar. Bach var að leika sér með
effekta í þessu verki. Kirkjukórn-
um okkar er splittað upp í tvo kóra
sem koma hvor úr sinni áttinni og
hljómsveitirnar spila ýmist önnur
eða báðar, sterkt eða veikt.“
Þetta er fjórða stóra Bach-tón-
verkið sem Ingvar Jón syngur í á
fjórum árum. Hann tók meðal ann-
ars þátt í Jóhannesarpassíunni með
Kammerkór Grafarvogskirkju í
apríl. „Ég söng Jóhannesarpassíuna
fyrst 2011 með Mótettukórnum og
það var gaman að upplifa hana aftur
í síðasta mánuði. Þá lifnaði Matth-
eusarpassían við fyrir mér. Þó eru
þetta ólík tónverk,“ segir Ingvar Jón
sem einnig syngur með Mótettu-
kórnum og svo á hinum og þessum
stöðum, bæði við útfarir og í öðrum
verkefnum.
Ingvar Jón er arkitekt að mennt,
lærði í Árósum í Danmörku, lauk
doktorsnámi í Prag og vann á stofu
hér á landi þegar hrunið varð. Nú
nemur hann verkefnastjórnun við
Háskólann í Reykjavík og segir það
gríðarlega skemmtilegt enda geti
þau fræði nýst á flestum stöðum.
Hann fór í meirapróf eftir að hann
missti vinnuna og hefur starfað sem
bílstjóri á hópferðabílum. „Ég starfa
meðal annars hjá Strætó og síð-
ustu tvö sumur hef ég verið í Finn-
mörku í Noregi og keyrt ferðamenn
á nyrsta odda landsins, Nord Kap,“
lýsir hann. En skyldi hann stundum
taka lagið fyrir ferðamennina?
„Nei, en ég spila klassík af disk-
um eða stilli á útvarpsstöðina
Rondó. Strætófarþegar hafa tekið
aukahring með mér því þeir tímdu
ekki að fara út í loka-alt-aríunni úr
Tristan og Ísold eftir Wagner.“
gun@frettabladid.is
Mattheusarpassían
lík himnaríki á jörð
Í tilefni 50 ára starfsafmælis Jóns Stefánssonar organista fl ytur Kór Langholts-
kirkju, kammersveit og Gradualekór Mattheusarpassíuna eft ir Bach 17. maí.
KÓRINN Kirkjukórnum verður splittað upp í tvo og einnig syngur Gradualekórinn.
FORMAÐUR
KÓRS LANG-
HOLTSKIRKJU
Ingvar Jón Bates
segir forréttindi
að taka þátt í
flutningi Matth-
eusarpassíunnar.
FRÉTTABLAÐIÐ/GVA
Handverk og hönnun í Ráðhúsinu
HANDVERK Verk eftir Láru Gunnarsdóttur á sýningunni
Handverk og hönnun sem verður opnuð í dag.
www.lyfja.is
Lægra verð
í Lyfju
w.lyfja.is
Nanogen
Hárvörur 20%
afsláttur
Gildir út maí
Auka hárvöxt, þykkja og gefa fyllingu.
Trefjar hylja skallabletti.
Aukin vellíðan og meira sjálfsöryggi
með góðri hárumhirðu.
Ábendingahnappinn má
finna á www.barnaheill.is
MENNING