Fréttablaðið - 15.05.2014, Qupperneq 20

15. maí 2014 FIMMTUDAGUR| TÍMAMÓT | 20TÍMAMÓT
Okkar ástkæra
HRÖNN BRANDSDÓTTIR
Vík í Mýrdal,
andaðist föstudaginn 9. maí sl.
Útför hennar verður gerð frá Víkurkirkju,
laugardaginn 17. maí nk. kl. 14.00.
Þeim sem vilja minnast hennar er bent á
Hollvinafélag Hjallatúns.
Fyrir hönd fjölskyldunnar,
Guðrún Brynja Guðjónsdóttir Sævar B. Arnarson
Hafsteinn Guðjónsson Kristín Gísladóttir
Brandur Jón Guðjónsson Inga B.H. Oddsteinsdóttir
Margrét Steinunn Guðjónsdóttir Tyrfingur K. Leósson
Elskuleg móðir okkar,
amma og tengdamóðir,
GUÐRÚN SVALA WAAGE
lést 15. apríl 2014. Útför hennar hefur farið
fram í kyrrþey að hennar ósk. Fjölskylda
hennar þakkar auðsýnda samúð. Þeim
sem vildu minnast hennar er bent á
líknarstofnanir.
Ragnar Þór Magnús
Maggi J. Magnús
Hilmar J. Magnús
og fjölskyldur.
Elskulegur maðurinn minn,
faðir, tengdafaðir og afi,
JÓNAS G. INGIMUNDARSON
andaðist á Landspítalanum sunnudaginn
11. maí.
Fanney Elísdóttir
Jónas Dagur Jónasson Katrín Guðmundsdóttir
Bryndís B. Jónasdóttir Bjarni Sigurðsson
Önundur Jónasson Díana Hilmarsdóttir
og barnabörn.
Ástkær eiginmaður minn, faðir okkar,
tengdafaðir, afi og langafi,
HÁKON ODDGEIRSSON
málarameistari og óperusöngvari,
lést á Vífilsstaðaspítala þann 11. maí sl.
Jarðarförin fer fram frá Bústaðakirkju
fimmtudaginn 22. maí kl. 13.00.
Frieda Mahler Oddgeirsson
Gunnar Örn Hákonarson
Kristín Björg Hákonardóttir Hallfreður Emilsson
Hákon Jóhann Hákonarson
Birgir Hákonarson Hólmfríður Grímsdóttir
Hilmar Þór Hákonarson Dóróthea Elísdóttir
barnabörn og barnabarnabörn.
Járnbrautarfélag í Bandaríkjunum seldi stóra landspildu í
Nevada-eyðimörkinni til áhættufjárfesta þann 15. maí árið
1905. Fyrir landið greiddu fjárfestarnir 265 þúsund dali og
borgin Las Vegas var opinberlega stofnuð.
Fyrsta byggðin á svæðinu komst samt á fót árið 1854 fyrir
tilstuðlan mormónakirkjunnar, en lagðist í eyði þremur árum
seinna.
Lögleiðing fjárhættuspila 1931 og bygging Hoover-stífl-
unnar 1931-1935 gerði það að verkum að borgin óx með
leifturhraða á síðustu öld.
Í Las Vegas eru fleiri hótel en í nokkurri annarri borg enda
er hún einn af vinsælustu ferðamannastöðum heims, ekki
síst vegna spilavíta og blómlegs næturlífs. Í borginni búa að
staðaldri um það bil 600.000 manns.
Borgin er gríðarlega vinsæll tökustaður fyrir bíómyndir og
sjónvarpsþætti, en á meðal kvikmynda sem teknar hafa verið
í borginni eru Ocean’s Eleven, Rat Race, Knocked Up, The Iron
Man og svo mætti lengi telja.
ÞETTA GERÐIST: 15. MAÍ 1905
Borgin Las Vegas í Nevada-fylki stofnuð
THE LUXOR
HOTEL AND
CASINO Eitt fjöl-
margra spilavíta í
borginni.
FRÉTTABLAÐÐ/GETTY
MERKISATBURÐIR
1770 Íslandi er skipt í ömt: annars vegar Suður- og Vesturamt og
hins vegar Norður- og Austuramt. Síðar voru Suðuramt og Vest-
uramt aðskilin.
1811 Paragvæ fær sjálfstæði frá Spáni.
1897 Sigfús Eymundsson flytur til landsins talvél eða grafófón
og er sagt frá því í auglýsingu að tækið tali og syngi ýmis lög.
1905 Stofnun Las Vegas: Járnbrautarfélag selur stóra landspildu
í Nevada-eyðimörkinni til áhættufjárfesta.
1937 Hátíð er haldin á Íslandi í tilefni af
25 ára stjórnarafmæli Kristjáns konungs
tíunda.
1941 Alþingi samþykkir að fresta Alþing-
iskosningum um allt að fjögur ár vegna
hernámsins. Kosningar fara þó fram
árið eftir.
1952 Fiskveiðilögsaga Íslands
er færð út í fjórar mílur en
var áður þrjár. Auk þess er
flóum og fjörðum lokað
fyrir botnvörpuveiðum.
1967 Fyrsta íslenska
sjónvarpsleikritið er
frumsýnt: Jón gamli eftir
Matthías Johannessen.
1976 Keflavíkurganga á
vegum herstöðvaandstæðinga
er gengin frá hliði herstöðvar-
innar til Reykjavíkur.
1987 John Travolta
kvikmyndaleikari kemur
til Íslands ásamt fríðu
föruneyti.
„Við erum að ljúka vetrarstarfinu
með vortónleikum,“ segir Guðmundur
Ómar Óskarsson, stjórnandi Strætó-
kórsins. Kórinn heldur vortónleikana
í Áskirkju í kvöld klukkan átta. Æfing-
ar hafa staðið yfir í allan vetur.
„Strætókórinn æfir einu sinni í viku
yfir vetrartímann og svo erum við
vanir að fara alltaf einu sinni á ári í
æfingabúðir í Borgarnesi. Þar æfum
við upp prógrammið fyrir vorið,”
útskýrir Guðmundur, sem segir dag-
skrána á tónleikum bæði skemmtilega
og fjölbreytta.
„Þarna verða sungin bæði ný og
gömul lög, hefðbundin karlakórs-
lög, skylduverkefni á borð við Þú álfu
vorrar yngsta land og Ísland, Ísland.
Svo erum við líka með nokkur lög úr
sjómannssyrpu Oddgeirs Kristjáns-
sonar sem ég útsetti fyrir kórinn, auk
þess sem við komum til með að syngja
smelli á borð við Ég er kominn heim og
fleira í þeim dúr.“
Frítt er inn á tónleikana, en með
kórnum á tónleikunum verður ung
söngkona, Rakel Björk Björnsdóttur, og
Arnhildur Valgarðsdóttir spilar undir.
Guðmundur segir meðlimi kórsins
vera um tuttugu talsins.
„Þetta eru bílstjórar og menn sem
hafa unnið hjá fyrirtækinu – sumir eru
löngu hættir að vinna en hafa haldist
í kórnum.“
Guðmundur hefur stjórnað Strætó-
kórnum, sem nýlega fagnaði 56. starfs-
afmæli sínu, í rúm fimmtán ár.
„Það er mesta furða hvað þeir eru
frambærilegir. Þetta eru auðvitað mis-
jafnlega miklir söngmenn en þeir hafa
staðið sig með stakri prýði og eru oft
fengnir til þess að syngja við ýmis
tækifæri, til dæmis jarðarfarir og við-
burði tengda fyrirtækinu.“
olof@frettabladid.is
Strætókórinn heldur
vortónleika í Áskirkju
Guðmundur Ómar Óskarsson er stjórnandi Strætókórsins, Rakel Björk Björnsdóttir
syngur og Arnhildur Valgarðsdóttir spilar undir á tónleikum kórsins í kvöld.
Möguleikhúsið sýnir leikverkið Eld-
klerkinn, sem fjallar um séra Jón
Steingrímsson og Skaftárelda, í
félagsheimili Hrunamanna að Flúðum
í kvöld klukkan 20.30. Verkið, sem var
frumsýnt 1. nóvember sl., hefur hlotið
afburðadóma og góðar viðtökur áhorf-
enda, en nýlega lauk sýningum á því í
Reykjavík og hefur síðan verið ferðast
með sýninguna um landið.
Leikverkið er að mestu byggt á
skrifum séra Jóns, en um leið vekur
það spurningar um hliðstæður við
hamfarir af völdum manna og náttúru
sem yfir þjóðina hafa dunið á síðustu
árum.
Höfundur handrits og leikari er
Pétur Eggerz, leikstjóri Sigrún Val-
bergsdóttir, leikmynd gerði Rósa
Sigrún Jónsdóttir, búninga Thelma
Björnsdóttir og hljóðmynd er eftir
Guðna Franzson.
Eldklerkurinn á Flúðum
ELDKLERKURINN Pétur Eggerz í hlutverki
Jóns Steingrímssonar.
FAGNA 56. STARFSÁRINU Guðmundur Ómar hefur verið stjórnandi Strætókórsins í fimmtán ár. FRÉTTABLAÐIÐ/ÚR EINKASAFNI