Fréttablaðið - 13.06.2014, Síða 17

FÖSTUDAGUR 13. júní 2014 | FRÉTTIR | 17
REYKJANESBÆR Á tuttugu ára
afmæli Reykjanesbæjar kvaddi
Árni Sigfússon samstarfsfólk sitt
eftir 12 ára setu sem bæjarstjóri.
Á vef Víkurfrétta kemur fram
að Árni hafi notað tækifærið og
kvatt formlega með ræðu þar
sem hann lagði áherslu á hversu
mikið hefði áunnist í sameinuðu
sveitarfélagi.
Talaði Árni sérstaklega um þá
ákvörðun starfsfólksins að gefa
10-15 prósent af vinnu sinni eftir
hrun, sem væri líklega einsdæmi.
„Núna þegar ég kveð í þessu hlut-
verki er ég mjög bjartsýnn og
trúi því að með ykkur er hægt að
gera allt vel,“ sagði Árni meðal
annars. - ebg
Reykjanesbær varð 20 ára:
Kvaddi sem
bæjarstjóri
BÆJARSTJÓRI KVEÐUR Árni Sigfússon
hefur verið bæjarstjóri Reykjanesbæjar
síðastliðin 12 ár. FRÉTTABLAÐIÐ/GVA
FÉLAGSMÁL Sérstakt gjafabréf
hefur nú verið útbúið á vef
Hjálpar starfs kirkjunnar fyrir
hinn svokallaða Hemmasjóð sem
Hermann Hreiðarsson knatt-
spyrnumaður stofnaði fyrr í mán-
uðinum.
Nú geta þeir sem óska tekið þátt
og styrkt verkefnið á vefsíðunni
gjofsemgefur.is.
Þetta kemur fram í tilkynn-
ingu frá Hjálparstarfi kirkjunnar.
Sjóðurinn hefur það að markmiði
að styrkja börn efnalítilla fjöl-
skyldna og veita þeim tækifæri til
að stunda íþróttir. - bá
Hægt að styrkja á vefnum:
Gjafabréf fyrir
Hemmasjóð
HERMANN HREIÐARSSON Landsliðs-
fyrirliðinn fyrrverandi stofnaði sjóðinn í
byrjun júní.
HEYRNARSTÖ‹IN
Beltone First gengur með iPhone 5s, iPhone 5c, iPhone 5, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi.
Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
ÞÝSKALAND Tveir læknar segja að
þýski hellakönnuðurinn Johann
Westhauser, sem hefur legið slas-
aður djúpt í helli í Þýskalandi síðan
á sunnudag, sé nægilega hraustur
til þess að hægt verði að ná honum
út úr hellinum.
Hins vegar mun það taka nokkra
daga að flytja Westhauser út undir
bert loft, því hann var kominn djúpt
niður í hellakerfi Riesending-hell-
anna, sem eru skammt frá landa-
mærum Austurríkis, þegar hann
slasaðist á höfði í grjóthruni.
Það tók læknana nokkra daga að
komast að honum, en þeir vinna nú
að því að búa hann undir flutning.
Ranghalar hellakerfisins eru víða
þröngir og svo þarf að hífa hinn
slasaða á nokkrum stöðum upp lóð-
rétt göng, enda var hann kominn
niður á þúsund metra dýpi þegar
hann slasaðist. Westhauser, sem
er 52 ára, var í fylgd tveggja hella-
könnuða. Annar beið hjá honum á
meðan hinn fór til að tilkynna um
slysið. Það tók hann 12 klukkustund-
ir að komast út úr hellunum. - gb
Tugir björgunarmanna vinna að því að ná slösuðum hellakönnuði út úr helli:
Slasaður í helli dögum saman
BJÖRGUNARAÐGERÐIR Búast má við
að það taki nokkra daga að ná mann-
inum út úr þröngum ranghölum hella-
kerfisins. FRÉTTABLAÐIÐ/AP
BJÖRGUNARSTARF Björgunarsveit-
ir Slysavarnafélagsins Lands-
bjargar aðstoðuðu tvo bilaða
báta í gær. Björgunarsveitin Pól-
stjarnan á Raufarhöfn var kölluð
út vegna báts sem bilaði um 2,5
sjómílur norðaustur af þorpinu.
Bátinn rak í átt að landi þegar
sveitin kom og dró hann til hafn-
ar. Björgunarsveit Hafnarfjarð-
ar var kölluð út vegna vélarvana
báts út af Álftanesi. Báturinn var
tekinn í tog og komið til hafnar í
Hafnarfirði. - hg
Björgunarsveitir kallaðar út:
Aðstoðuðu tvo
vélarvana báta
REYKJAVÍK Starfsmenn Reykja-
víkurborgar eru þessa dagana
að mála bekki, borð og hjólahlið í
Pollapönkslitum.
Litirnir urðu hlutskarpastir
í kosningu á vefnum en íbúar
gátu einnig valið melónuliti eða
strandarliti. Frá 17. júní verða
hlutar Laugavegs og Skólavörðu-
stígs svokallaðar sumargötur
fyrir gangandi vegfarendur, auk
Pósthússtrætis frá Kirkjustræti.
Sumargöturnar verða mannlífs-
götur allt til 1. september. - ebg
Sumargötur opnaðar 17. júní:
Pollapönksgöt-
ur í Reykjavík