Fréttablaðið - 13.06.2014, Qupperneq 48

13. júní 2014 FÖSTUDAGUR| MENNING | 32
Uppistaðan er vídeó sem ég fann
heima hjá ömmu og er upptaka
af afa mínum, Gísla Magnússyni
píanóleikara, að æfa 4. píanókons-
ert Beethovens heima hjá sér,“
segir Þorgerður Þórhallsdóttir um
sýningu sína Nobody will ever die
sem opnuð verður í Kunstschlager
á morgun. „Hann hafði tekið þetta
upp fyrir sjálfan sig og ekki ætlað
neinum að sjá.“
Æfing Gísla var undirbúningur
fyrir tónleika með Sinfóníuhljóm-
sveit Íslands sem voru í Háskóla-
bíói 16. mars 1989, fjórum dögum
eftir að Þorgerður fæddist. Þor-
gerður vinnur með þessa vídeó-
upptöku sem og hljóðupptöku Rík-
isútvarpsins af tónleikunum til að
skapa nýja frásögn og annað sam-
hengi fyrir æfinguna heima í stofu
og konsertinn með Sinfóníuhljóm-
sveitinni.
Vídeóverkið er sjálfstætt fram-
hald af útskriftarverkefni Þor-
gerðar úr Listaháskóla Íslands,
„Liebestraum“, þar sem hún vann
með sjónvarpsupptöku frá 1976 af
Gísla að flytja Liebestraum eftir
Franz Liszt. „Þá klippti ég risið
út úr tónverkinu þannig að eftir
stendur endurtekið stef úr Liebes-
traum, aftur og aftur.“
Þorgerður hefur einbeitt sér
að vinnslu vídeóverka en segir
vinnslu lokaverkefnisins í fyrra
hafa valdið því að hana hafi farið
að langa til að vinna meira með
tónlist. Hún lærði sjálf á klarinett
í mörg ár. „Afi hvatti mig eindreg-
ið til að læra ekki á píanó því það
væri svo einmanalegt,“ segir hún.
„Það væri svo miklu skemmtilegra
að spila í hljómsveit með öðrum.“
Þorgerður var tólf ára þegar
afi hennar dó árið 2001 og hún
segir dauða hans hafa haft mikil
áhrif á sig. „Hann var að vissu
leyti besti vinur minn,“ segir hún.
„Ég var mjög mikið hjá afa og
ömmu sem barn og hann kenndi
mér svo margt.“ Hún segir vel
koma til greina að halda áfram
að vinna með upptökur afa síns.
„Mig langar til þess. Það eru til
rosalega margar upptökur með
honum sem gaman væri að vinna
með. Ég er að fara í mastersnám
í Malmö í haust og í umsókninni
lagði ég útskriftarverkefnið fram.
Þeim fannst þetta mjög áhugavert
og vildu sjá meira, þannig að ég á
örugglega eftir að gera eitthvað í
framhaldinu.“
Sýningin Nobody will ever die
verður opnuð í Kunstschlager á
Rauðarárstíg 1 klukkan 17 á morg-
un. fridrikab@frettabladid.is
Opnar sýningu um afa sinn
Nobody will ever die nefnist myndlistarsýning Þorgerðar Þórhallsdóttur sem opnuð verður í Kunstschlager
á morgun. Þar sýnir hún vídeóverk sem unnið er upp úr tveimur upptökum með afa hennar, Gísla Magnús-
syni píanóleikara, sem hafði mikil áhrif á hana en dó þegar hún var tólf ára gömul.
ÞORGERÐUR ÞÓRHALLSDÓTTIR „Afi hvatti mig eindregið til að læra ekki á píanó því það væri svo einmana legt.“ FRÉTTABLAÐIÐ/GVA
Ilan Volkov stjórnar lokatón-
leikum starfsársins hjá Sinfóníu-
hljómsveit Íslands í kvöld en
þetta eru jafnframt lokatónleikar
Volkovs sem aðalhljómsveitar-
stjóri hljómsveitarinnar. Fyrir
tónleikana verður tónleikakynn-
ing í Hörpuhorninu.
Flutt verða tvö verk eftir Jón
Leifs, Landsýn og Hughreyst-
ing, Hljómsveitarverkið Storka
(Magma) eftir Hauk Tómasson og
5. sinfónía Sibeliusar.
Tónleikarnir hefjast klukkan
20 en Vinafélag Sinfóníunnar
stendur fyrir tónleikakynningu í
Hörpuhorninu klukkan 18. Kynn-
ingin er í höndum Sigurðar Ingva
Snorrasonar klarínettuleikara
sem fjallar um verk kvöldsins en
sérstakur gestur hans er Haukur
Tómasson tónskáld.
Síðustu tón-
leikar Volkovs
Lætur ekki
að stjórn
Helen Halldórsdóttir
býr í Buenos Aires þar sem
hún rekur tangóskóla og
hannar skó. Þar gengur hún
undir nafninu La Vikinga,
sem lýsir henni vel, enda tók
það hana mörg ár að læra
að leyfa herranum að
stjórna í tangónum.
MISSTU ÖLL TENGSL
VIÐ RAUNVERULEIKANN
Tvíburabræðurnir Kári og Halldór Auðar Svanssynir,
sá síðarnefndi kapteinn Pírata í Reykjavík, ræða baráttuna
við geðrofssjúkdóma, kannabisneyslu, pólitíkina og
ómetanlegan stuðning foreldra sinna í gegnum veikindin.
Ísland í aldanna rás
Guðni Th. Jóhannesson sagn-
fræðingur rýnir í síðustu sjö
áratugi lýðveldisins og breytta
tíma fram undan hjá þjóðinni.
Meirihlutamyndanir í landinu
Fréttablaðið kortleggur hvaða flokkar ráða nú ríkjum
í 15 stærstu sveitarfélögum landsins.
Skaft ahlíð 24 | 105 Reykjavík | 512 5000 | Auglýsingar 512-5401 | visir.is
HELGARBLAÐ FRÉTTABLAÐSINS Ómissandi hluti af góðri helgi
FRÉTTABLAÐIÐ ER HELGARBLAÐIÐ
MENNING