Fréttablaðið - 28.06.2014, Side 4

28. júní 2014 LAUGARDAGUR| FRÉTTIR | 4
Í skoðun að flytja fleiri stofnanir norður
Tilfærsla höfuðstöðva Fiskistofu frá Hafnarfirði til
Akureyrar er í samræmi við stefnu ríkisstjórnarinnar um
að fjölga opinberum störfum á landsbyggðinni, sagði
Sigmundur Davíð Gunnlaugsson forsætisráðherra í
ræðu á ársfundi Atvinnuþróunarfélags Eyjafjarðar í gær.
„Það er síðan í skoðun að flytja fleiri stofnanir norður
á Akureyri á næstu misserum,“ sagði Sigmundur Davíð.
hjól eru
undir stærstu
fl ugvél heims
sem er af gerðinni Anto-
nov 225 og lenti á Kefl a-
víkurfl ugvelli í vikunni.
32
1.290
krónur
216.000
lestir er heildarafl i þorsks fyrir næsta
fi skveiðiár samkvæmt ákvörðun sjáv-
arútvegs- og landbúnaðarráðherra.
4 mánuðirer sá tími sem líða mun áður en Luiz Suarez má stíga fæti á fótboltavöll á
ný eft ir að FIFA refsaði honum
fyrir að bíta andstæðing sinn
í öxlina.
1.200 1.332
HEIMILI
urðu fyrir verulegu tjóni
í fl óðinu í Xinjiang-héraði
í norðvesturhluta Kína.
kílómetrar
er vegalengdin sem keppendur
í WOW Cyclothon-hjólreiða-
keppninni fóru.
FISKISTOFA FLYTUR Fiskistofa annast ýmsa stjórnsýslu á sviði sjávarútvegsmála,
fiskeldis og hvalveiða, auk þess að safna upplýsingum um þessa málaflokka.
FRÉTTABLAÐIÐ/VILHELM
„Þetta kemur mér verulega á óvart og þetta eru slæmar
fréttir fyrir bæjarfélagið. Það er alltaf slæmt að missa svo
stóran vinnustað úr bænum“ segir Rósa Guðbjartsdótt-
ir, formaður bæjarráðs Hafnafjarðarbæjar, um ákvörðun
sjávarútvegsráðherra um að flytja Fiskistofu til Akureyrar.
Rósa segir bæjarfulltrúa fyrst hafa frétt af málinu í
gær. „Við höfum nú þegar óskað eftir upplýsingum frá
ráðuneytinu um ákvörðunina,“ segir Rósa. Hún telur rök-
semd ráðuneytisins um fjölgun opinberra starfa á höfuðborgarsvæðinu ekki
eiga við Hafnarfjarðarbæ: „Opinberum störfum hefur fækkað í Hafnarfirði
undanfarin ár. St. Jósefsspítali var lagður niður fyrir nokkrum árum. Svo eru
uppi áform um að leggja niður Sýslumannsembættið í Hafnarfirði.“
Slæmar fréttir fyrir Hafnarfjarðarbæ
Starfsmenn voru
algjörlega niðurbrotnir
eftir fundinn og í áfalli,
bæði forstjóri og starfs-
menn. Þetta kom eins
og köld vatnsgusa
framan í okkur.
Alma Jónsdóttir,
skjalastjóri Fiskistofu
Hér er mikill mann-
auður sem mun aldrei
fylgja stofnuninni norður.
[...] Við vorum ekki á
nokkurn hátt vinnufær
eftir þessar fregnir í dag
og margir brotnuðu niður.
Jóhanna S. Vilhjálmsdóttir,
trúnaðarmaður starfsmanna Fiskistofu
21.06.2014 ➜ 27.06.2014
kostaði köku-
sneiðin í Mý-
vatnssveit sem
varð tilefni til
umræðu um
verðlagningu
í íslenskum
ferðaiðnaði.
AUGLÝSINGADEILDIR FRÉTTABLAÐSINS– AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hjördís Zoëga hjordis@frettabladid.is,
Hlynur Þór Steingrímsson hlynur@365.is, Laila Awad laila@365.is, Sverrir Birgir Sverrisson sverrirbs@365.is, Örn Geirsson orn.geirsson@365.is
FÓLK/LÍFIÐ/SÉRBLÖÐ SÍMI 512-5402: Atli Bergmann atli.bergmann@365.is, Bryndís Hauksdóttir bryndis@365.is, Jón Ívar Vilhelmsson jonivar@365.is, Kolbeinn Kolbeinsson kolli@365.is,
FÓLK OG SÉRBLÖÐ EFNI: Sólveig Gísladóttir solveig@365.is og Vera Einarsdóttir vera@365.is RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is,
Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Arna Rut Kristinsdóttir arnarut@365.is, Sigrún Helga Guðmundsdóttir sigrunh@365.is
STJÓRNSÝSLA Starfsmenn Fiski-
stofu líta á flutning Fiskistofu til
Akureyrar sem fjöldauppsögn og
voru í tilfinningalegu uppnámi
eftir fund með sjávarútvegsráð-
herra í gær. Sjávarútvegsráðherra
tilkynnti á ríkisstjórnarfundi í
gærmorgun að Fiskistofa yrði flutt
norður á Akureyri. Um 70 manns
starfa hjá Fiskistofu og er vonast
eftir að flutningur verði að fullu
afstaðinn í lok árs 2015.
Eftir hádegi í gær var haldinn
starfsmannafundur að beiðni for-
stjóra Fiskistofu og var hringt í
starfsmenn í sumarfríum og þeir
hvattir til að mæta á fundinn.
Fundarefni var ekki gefið út fyrir
fundinn og mætti Sigurður Ingi
Jóhannsson sjávarútvegsráðherra
á fundinn og færði starfsmönnum
fregnirnar.
Alma Jónsdóttir, skjalastjóri
Fiskistofu, segir starfsmenn hafa
verið niðurbrotna eftir fundinn.
„Það var þannig að á fimmtu-
dagsmorgun var boðaður starfs-
mannafundur að ósk forstjóra.
Það var mikill kvíði í starfs-
mönnum sem vissu ekkert hvert
fundarefnið var. Ráðherra mætti
á fundinn og tjáði okkur þessar
breytingar. Það væri í anda stefnu
ríkisstjórnarinnar að flytja störf
út á landsbyggðina. Hann útskýrði
þetta ekkert frekar fyrir okkur og
starfsmenn voru algjörlega niður-
brotnir eftir fundinn og í áfalli,
bæði forstjóri og starfsmenn.
Þetta kom eins og köld vatnsgusa
framan í okkur,“ sagði Alma.
Sigurður Ingi bauðst til þess að
svara fyrirspurnum starfsmanna
en fáar spurningar komu frá
starfsmönnum. Alma lýsir fund-
inum á þann hátt að flestir starfs-
manna hafi verið felmtri slegnir.
„Einn starfsmanna tjáði ráð-
herra að hann væri í algjöru losti
við fregnirnar og sagðist ekki
getað spurt ráðherra á þessu stigi
málsins. Ráðherra bauðst þá til
að mæta aftur að viku liðinni og
ræða við okkur starfsfólk og því
boði var tekið. Þetta er langstærsti
flutningur opinberrar stofnunar í
sögu lýðveldisins.“
Þegar Alma er spurð út í það
hvernig henni hugnist að flytjast
búferlum til Akureyrar segir hún
of stutt síðan hún hafi fengið frétt-
irnar til að geta svarað því.
„Ég er nýbúin að fá þessar frétt-
ir og ég, eins og allir starfsmenn,
er bara að melta þetta. En starfs-
menn eru auðvitað misvel í stakk
búnir til að flytja norður. Til að
mynda er starfsaldur nokkuð hár
og fólk sem komið er yfir miðjan
aldur er auðvitað ekkert að fara
neitt. En svona er lífið og maður
veit ekkert hvað morgundagurinn
ber í skauti sér,“ segir Alma.
Margir starfsmanna eru í stöð-
ugri samvinnu við ráðuneytið og
eru daglega á fundum í ráðuneyt-
inu. Af þeim sökum telja starfs-
menn þennan flutning ekki hafa
neitt hagræði í för með sér. Á
meðan öll stjórnsýsla sjávarút-
vegsmála sé staðsett í Reykjavík
sé auðséð að óhagræðið er mikið.
Jóhanna S. Vilhjálmsdóttir
er trúnaðarmaður starfsmanna
Fiskistofu. „Starfsmenn eru harmi
slegnir og við erum miður okkar
eftir fréttirnar. Við erum enn að
melta þetta. Þessar fréttir komu
sem köld vatnsgusa framan í
starfsmenn.“
Hún segir mikinn ugg í starfs-
fólki. „Hér er mikill mannauður
sem mun aldrei fylgja stofnuninni
norður. Hér innandyra er gífur-
lega mikil þekking á sjávarútvegi,
fólk sem hefur unnið hjá Fiski-
stofu frá stofnun. Við starfsmenn
horfum á þetta þannig að þetta sé
svartur dagur í sögu stofnunar-
innar. Við vorum ekki á nokkurn
hátt vinnufær eftir þessar fregnir
í dag og margir brotnuðu niður.“
Jóhanna telur, líkt og Alma, að
mjög fáir, ef nokkur, flytjist til
Akureyrar með Fiskistofu. „Ég
reikna ekki með því að marg-
ir flytji og tel líklegra að eng-
inn fari. Hér eru allir með maka
og börn og sumir hverjir barna-
börn og fasteignir. Það eru miklar
skuldbindingar sem starfsmenn
hafa hér í Reykjavík. Einnig er
enginn hægðarleikur að finna sér
leiguhúsnæði á Akureyri,“ segir
Jóhanna.
Hún segir að starfsmenn Fiski-
stofu líti á flutning stofnunarinn-
ar sem fjöldauppsögn í einhverj-
um búningi. „Það fengu allir áfall
og við sitjum eftir vitandi lítið
sem ekkert. Þetta er ekkert nema
fjöldauppsögn. Það er verið að taka
störfin og flytja þau í burtu. Við
erum líklega bara á leið á atvinnu-
leysisbætur, en það er kannski
betra að hafa fólk atvinnulaust í
Reykjavík en á Akureyri, maður
veit það ekki.“
sveinn@frettabladid.is
Starfsmenn Fiskistofu harmi slegnir
Sjávarútvegsráðherra tilkynnti starfsmönnum Fiskistofu að til stæði að flytja stofnunina til Akureyrar á fundi í gær. Lítum á flutning
stofnunarinnar sem fjöldauppsögn, segir trúnaðarmaður starfsmanna. Segir að fáir, ef nokkrir, starfsmenn muni flytja með stofnuninni.
Snjólaug Ólafsdóttir
veðurfréttamaður
Veðurspá
HLÝTT UM HELGINA Dálítil rigning A-lands og víða stöku skúrir, einkum V-til.
Léttskýjað SA-til fyrrihluta dags. Á mánudag hvessir V- og S-til og bætir í úrkomu. Hiti
10-20 stig.
11°
4
m/s
12°
4
m/s
13°
2
m/s
14°
3
m/s
Víða
hægviðri
8-13 m/s
V-til,
annars
hægari
Gildistími korta er um hádegi
27°
33°
13°
18°
20°
17°
28°
18°
18°
25°
20°
34°
31°
30°
26°
24°
18°
23°
18°
3
m/s
12°
3
m/s
13°
2
m/s
12°
4
m/s
15°
2
m/s
13°
3
m/s
11°
2
m/s
13°
12°
10°
10°
17°
13°
16°
17°
15°
13°
Alicante
Aþena
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
MÁNUDAGUR
Á MORGUN
3JA HÆÐ Í KRINGLUNNI
Af sérstökum ástæðum er til sölu
eða leigu rekstur Hársnyrtistofu,
allar innréttingar til staðar
(neglur – förðun). Stofa
hefur verið rekin þar frá 1987.
Þá getur húsnæðið líka verið til sölu
og/eða leigt fyrir ýmsan rekstur

Áhugasamir geta haft samband
á póstfangið 3hkringlan@gmail.com
350
METRAR
er breiddin á nýjum ósi
Lagarfl jóts og Jökulsár á
Dal í botni Héraðsfl óa.