Fréttablaðið - 28.06.2014, Side 26

28. júní 2014 LAUGARDAGUR| HELGIN | 26
1. Elsta verstöð landsins
Sjóminjasafnið í Ósvör í Bolungarvík hefur
verið nefnd elsta verstöð landsins og víst er
að þar hefur verið útræði frá upphafi Íslands-
byggðar. Þar er verbúð, salthús, fiskihjallar,
sexæringur, dráttarspil, fiskireitur og úti-
hjallar. Inni við eru munir sem tilheyra ára-
bátatímanum, skinnklæði sjómanna og ýmis
verkfæri og munir sem voru vermönnum
nauðsynlegir til daglegra nota. Skemmtilegt
og fróðlegt safn að skoða með fjölskyldunni.
Listaverk í miðri náttúrunni: Það er ómiss-
andi hluti af ferðalagi um Vestfirði að koma
við í Selárdal við Arnarfjörð. Þar eru göngu-
leiðir yfir í Tálknafjörð. Einnig er gaman að
koma við í Brautarholti í Selárdal þar sem er
að finna fjölmörg verk eftir bóndann og einn
frægasta alþýðulistmann Íslands í seinni tíð,
Samúel Jónsson.
2. Eyjaferð
Það er kjörið að fara hálftíma bátsferð frá Ísa-
firði út í eyjuna Vigur í Ísafjarðardjúpi. Á eyj-
unni er hægt að skoða fjölbreytt fuglalíf þar
sem ýmsar tegundir þrífast vel í sínu náttúru-
lega og ósnortna umhverfi. Einnig er gaman
að koma við í einu af minnstu pósthúsum í
Evrópu og senda eins og eitt póstkort heim.
3. Afskekktur staður
Ingjaldssandur er dalur við Önundarfjörð
milli Barða og Hrafnaskálanúps. Þangað er
gaman að koma en vegur liggur til Ingjalds-
sands út með Dýrafirði hjá Núpi fram hjá
Gerðhamradal og um Sandheiði. Þar er bær-
inn Sæból, gamall kirkjustaður, en Guðjón
Samúelsson teiknaði núverandi kirkju og var
hún vígð 1928. Sæból er svokallaður síðasti
bærinn í dalnum en ábúendur búa við hálf-
gerða vetrareinangrun yfir köldustu mánuði
ársins.
4. Stórt sjávarbjarg
Látrabjarg er þverhnípt fuglabjarg og þar
er einn vestasti tangi landsins, Bjargtangi.
Látrabjarg er stærsta sjávarbjarg landsins
og hefur að geyma stórbrotið fuglalíf sem
ævintýralegt er að fylgjast með. Fjölmargar
gönguleiðir eru um svæðið sem eru miserf-
iðar.
5. Galdrar á Ströndum
Galdrasafnið á Hólmavík er skemmtilegt
fyrir unga sem aldna. Áhugavert er að fræð-
ast um sögu galdra á þessum slóðum en
Strandir eru órjúfanlega tengdar galdrafári
17. aldar og eru þeirri sögu gerð skil á Galdra-
safninu.
Rauðir sandar og djúpir firðir
Margir vilja meina að Vestfirðir séu best geymda leyndarmál landsins. Náttúran er í aðalhlutverki á þessum
slóðum en fjölbreytt úrval er af alls kyns forvitnilegum stöðum til að sækja heim á ferð milli fjarðanna. Heitar
náttúrulaugar, sjóminjasafn, eyjaferð innan um ósnortið fuglalíf, galdrafár og þverhnípt fuglabjörg.
VESTFIRÐIR
ÚTIVIST OG AFÞREYING

7. Simbahöllin á Þingeyri
Gömul matvöruverslun á Þing-
eyri þar sem starfrækt er kaffihús
á sumrin. Samhliða kaffihúsinu er
hestaleiga og einnig eru skipu-
lagðir göngu- og hjólatúrar í nátt-
úrunni í kring. Aðalréttur kaffi-
hússins er belgískar vöfflur með
heimalagaðri rabarbarasultu og
rjóma.
OPNUNARTÍMAR: 1.-15. júní:
12.00-16.00, 16. júní-15.ágúst: 10.00-
22.00, 16.-30.ágúst:12.00-18.00
8. Tjöruhúsið
Margrómaður veitingastaður
í Neðstakaupstað í Ísafirði. Þar
er daglega borinn fram glænýr
fiskur, í bókstaflegri merkingu
enda stutt í höfnina, í hádeginu
og kvöldin. Veitingastaðurinn er
staðsettur í einu elsta húsi bæjar-
ins og hægt að sitja bæði inni og
úti í fallegu umhverfi.
OPNUNARTÍMAR: Mán.-sun.:
12.00-14.00, 18.30-22.00
9. Stúkuhúsið á Patreksfirði
Notalegt kaffihús sem er stað-
sett á góðum útsýnisstað nálægt
sundlauginni á Patreksfirði. Þar
má finna ilmandi kaffi og nýbak-
að sætabrauð í bland við ljúf-
fenga rétti og súpu dagsins.
OPNUNARTÍMAR: 11.00-23.00 alla
daga yfir sumartímann.
Neytum og njótum
Heimabakað í bland við nýveiddan fisk
Tónlist
fyrir alla
fjölskylduna
6. Rauðisandur-festival
Tónlistarhátíð við strand-
lengjuna í Vestur-Barða-
strandarsýslu dagana 3-6.
júlí næstkomandi. Þar koma
fram erlendir og innlendir
listamenn á borð við Sam
Amidon, Emilíönu Torrini,
Lay Low, Moses Hightower,
Ylju, Amaba Dama og Pascal
Pinon. Auk tónlistardagskrár
er sem fyrr boðið upp á ýmis-
legt annað eins og fjallgöngur
með leiðsögn, jóga á sand-
inum, sandkastalakeppni og
galdrastundir með seiðkonu.
Í ár verður teymi viðarhöggs-
listamanna með opna vinnu-
stofu á sandinum sem allir
mega taka þátt í, auk sela-
skoðunar á sandinum með
leiðsögn fyrir alla fjölskyld-
una.
Sundlaugar á svæðinu:
Buslað
í náttúrunni
10. Drangsnes
Sundlaugin er með
gott útsýni yfir svæð-
ið. Laugin var byggð
árið 2005 og er 12,5 m löng. Þar
er að auki heitur pottur, gufu-
bað og krakkapollur.
11. Reykjanes við Djúp
Í Reykjanesi við Ísafjarðardjúp
er að finna sundlaug sem byggð
var árið 1925 í stærð ólympíu-
laugar og er fyllt með náttúru-
lega heitu vatni.
Laugin er eins og stór heitur
pottur og ómótstæðileg á björtum
sumarkvöldum með útsýni yfir
Djúpið. Reykjanes er eitt fárra
jarðhitasvæða á Vestfjörðum og
þar þrífst mikið fugla- og dýra-
líf sem er kjörið fyrir hvers kyns
náttúruunnendur.
Hótel er svo starfrækt í gamla
heimavistarskólanum við hliðina
á lauginni.
Álfrún
Pálsdóttir
alfrun@frettabladid.is
Útivist
Fjölbreytt fuglalíf í bland við kyngimagnaða galdra á Ströndum
1
4
2
6
5
7
8
9 10
113
11
2
8
M
YN
D
/ÁG
Ú
ST ATLASO
N
M
YN
D
/ÁG
Ú
ST ATLASO
N
MYND/ÁGÚST ATLASON
MYND/ÁGÚST ATLASON
4