Fréttablaðið - 12.07.2014, Side 61

LAUGARDAGUR 12. júlí 2014 | MENNING | 37
TÓNLIST ★★★★ ★
Orgelandakt,
hádegistónleikaröð
Douglas A. Brotchie lék verk eftir Böhm,
Corigliano og Kurtág.
MIÐVIKUDAGUR 9. JÚLÍ.
Orgelandakt er nafnið á tónleikaröð
sem haldin er árlega í Landakots-
kirkju yfir sumartímann. Tónleikarn-
ir eru á miðvikudögum í hádeginu og
taka hálftíma. Eins og nafn raðarinn-
ar ber með sér er um eins konar hug-
leiðslustund að ræða, sem er leidd af
presti, séra Jakobi Rolland. Þetta eru
því meira en bara venjulegir hádegis-
tónleikar.
Ég hef verið á tónleikum í þessari
röð þar sem ekki hefur verið nægilega
hugað að því að tónlistin passi inn í
ramma and aktar. En sú var ekki raun-
in nú. Tónleikarnir byrjuðu á fremur
glaðlegu verki, partítu eftir Georg
Böhm (Jesu, du bist allzu schöne), en
svo varð tónlistin innhverfari og hent-
aði því prýðilega til íhugunar.
Partítan eftir Böhm var fallega
leikin af organistanum Douglas A.
Brotchie, en hann er Skoti og hefur
verið búsettur hér í 30 ár. Hljómurinn
í orgelinu var mjúkur vel framan af,
en svo tók meiri glans við. Brotchie
spilaði skýrt og yfirvegað, allar nótur
voru á sínum stað. Takturinn var jafn
og agaður, jafnvægi á milli radda var
hæfilegt og hnitmiðað. Hraðar nótna-
strófur voru tærar og nákvæmar.
Flutningurinn var því sannfærandi.
Það var skemmtileg stígandi í túlk-
uninni, allt frá mýktinni í byrjun til
skærari áferðar undir lokin. Óneitan-
lega var hápunkturinn flottur.
Hitt á efnisskránni kom líka ágæt-
lega út. Hið fyrra var O God of Love,
umritun úr óperunni Ghosts of Ver-
sailles eftir John Corigliano. Þetta er
samtímatónlist og talsvert annar brag-
ur á henni en barokkverkinu sem við
heyrðum fyrst. Þarna var hunangssæt
laglína skreytt sérlega safaríkum, en
jafnframt þokukenndum hljómum.
Það var glæsilega útfært af Brotchie.
Laglínan og hljómarnir voru fagur-
lega bundnir, heildarhljómurinn var
trúverðugur og unaðslegur áheyrnar.
Útkoman var nánast ekki af þessum
heimi.
Í restina lék Brotchie fjögur smá-
stykki úr Jatekok VI, þ.e. sjötta
bindinu úr „leikjum“ eftir ungverska
samtímatónskáldið György Kurtág.
Eftir því sem ég best veit eru stykk-
in upphaflega samin fyrir píanó, eða
píanódúett og þeim svipar á marg-
an hátt til Microcosmos eftir Bar-
tók. Brotchie lék verkin með réttum
dramatískum tilburðum, af tæknilegu
öryggi og fagmennsku. Vissulega var
tónlistin ekkert sérlega aðgengileg, en
hún var innhverf og hóflega löng, sem
átti sérlega vel við hér. Þetta var alveg
rétti endirinn á dagskránni.
Ég hvet fólk til að setjast inn í
Kristskirkju í hádeginu á miðvikudög-
um og slaka á í miðju annríki dagsins.
Jónas Sen
NIÐURSTAÐA: Fallegur orgelleikur, vel
valin efnisskrá.
Notaleg stund í Kristskirkju
KRISTSKIRKJA „Ég hvet fólk til að
setjast inn í Kristskirkju í hádeginu á
miðvikudögum og slaka á í miðju annríki
dagsins,“ segir Jónas Sen. FRÉTTABLAÐIÐ/GVA
ELÍSABET PÉTURSDÓTTIR „Frumkvæðið kom frá söfn-
unum sjálfum og söfn um allt land taka þátt í deginum.“
FRÉTTABLAÐIÐ/VALLI
„Safnadagurinn hefur verið haldinn í þessari mynd
síðan 1997, en þetta byrjaði snemma á tíunda áratug
síðustu aldar,“ segir Elísabet Pétursdóttir, verk-
efnastjóri hjá Félagi íslenskra safna og safnmanna,
um tildrög Íslenska safnadagsins sem er á morgun.
„Frumkvæðið kom frá söfnunum sjálfum og söfn um
allt land taka þátt í deginum. Þau eru ekki öll með
sérstaka dagskrá í tilefni dagsins, þótt mörg þeirra
séu það, heldur er verið að kynna það sem er að ger-
ast í söfnum landsins núna.“
Markmiðið með deginum er að benda á mikil-
vægi faglegrar varðveislu og miðlunar sameigin-
legra verðmæta þjóðarinnar og þá einstöku leið til
lifandi þekkingaröflunar og skemmtunar sem finna
má á söfnum. „Við erum alltaf að reyna að efla sýni-
leika íslenskra safna og koma því fjölbreytta starfi
sem þar er unnið á framfæri,“ segir Elísabet. „Það
er ókeypis aðgangur á langflestum stöðum, en mörg
safnanna úti á landi hafa einfaldlega ekki bolmagn
til þess. Sum safnanna eru líka með annan opnunar-
tíma á morgun, en þetta er ekki eins og á safnanótt
þegar opið er til miðnættis, það er rétt að undir-
strika það til að forðast misskilning.“
Söfn um land allt taka þátt í deginum og bjóða þau
mörg upp á sérstaka dagskrá í tilefni hans. Í Hafnar-
borg er fjölskylduleiðsögn, um sýninguna Ummerki
sköpunar, þar sem listaverk frá ýmsum tímum eru
skoðuð og skeggrædd með hjálp undarlegra eða
mjög venjulegra hluta sem allir þekkja en tengja
ekki endilega við listir. Í Þjóðminjasafni er leiðsögn
um grunnsýningu safnsins og á Listasafni Einars
Jónssonar býður starfsfólk safnsins gestum í sam-
tal um valdar styttur á safninu – Tölum saman um
stytturnar á safninu. Á Gljúfrasteini eru tónleikar, í
Menningarmiðstöð Þingeyinga er aldarafmælissýn-
ing Héraðssambands Þingeyinga og farandsýning
Þjóðminjasafnsins, Snertið ekki jörðina – leikir 10
ára barna. Í Norska húsinu í Stykkishólmi er sýning-
in Pixlaður tími – sjónrænt samtal við fortíðina og
þjóðbúningahátíð – svo fátt eitt sé nefnt. Dagskrána í
heild má finna á safnmenn.is og safnabokin.is.
fridrikab@frettabladid.is
Efl a sýnileika safna
Íslenski safnadagurinn er á morgun og söfn um allt land kynna starfsemi sína
og sýningar. Mörg þeirra hafa ókeypis aðgang þennan dag og sums staðar er
sérstök dagskrá í tilefni dagsins. Markmiðið er að efl a sýnileika íslenskra safna.
NOTAÐIR BÍLAR Kletthálsi 2 · 110 Reykjavík · Sími 590 2160 · www.notadir.is
Kia Sorento EX 2,2
Árg. 2012, ekinn 53 þús. km, dísil,
198 hö., sjálfskiptur, 4x4, eyðsla
6,7 l/100 km.*
Verð: 5.690.000 kr.
Kia cee‘d LX 1,4
Árg. 2013, ekinn 28 þús. km,
dísil, 90 hö., beinskiptur 6 gíra,
eyðsla 4,1 l/100 km.*
Verð: 2.990.000 kr.
Kia Sportage EX 2,0
Árg. 2013, ekinn 39 þús. km,
dísil, 136 hö., sjálfskiptur, 4x4,
eyðsla 6,9 l/100 km.*
Verð: 5.390.000 kr.
Kia cee‘d LX 1,6
Árg. 2012, ekinn 45 þús. km,
dísil, 116 hö., 6 gíra, sjálfskiptur,
eyðsla 4,4 l/100 km.*
Verð: 2.850.000 kr.
5 ár
eftir af
ábyrgð
5 ár
eftir af
ábyrgð
6 ár
eftir af
ábyrgð
6 ár
eftir af
ábyrgð
Veldu notaðan Kia
með lengri ábyrgð
Kia Picanto LX 1,0
Árg. 2012, ekinn 73 þús. km,
bensín, 69 hö., beinskiptur
5 gíra, eyðsla 4,2 l/100 km.*
Verð: 1.480.000 kr.
Greiðsla á mánuði
19.990 kr.**
**M.v. 39% innborgun og 60 mán. óverð-
tryggt lán á 9,4% vöxtum. Árleg hlutfalls-
tala kostnaðar: 12,08%.
5 ár
eftir af
ábyrgð
Kia Sorento EX Lux 2,2
Árg. 2012, ekinn 75 þús. km,
dísil, 198 hö., sjálfskiptur,
eyðsla 6,7 l/100 km.*
Verð: 5.890.000 kr.
Greiðsla á mánuði
49.900 kr.**
**M.v. 61% innborgun og 60 mán. óverð-
tryggt lán á 9,4% vöxtum. Árleg hlutfalls-
tala kostnaðar: 11,42%.
5 ár
eftir af
ábyrgð
Opið virka daga kl. 10-18
og laugardaga kl. 12-16
4x4
Grænn
bíll4x4
4x4
*Uppgefnar eyðslutölur framleiðanda m.v. blandaðan akstur.