Fréttablaðið - 09.09.2014, Blaðsíða 46

9. september 2014 ÞRIÐJUDAGUR| LÍFIÐ | 26
Það er kaffi, bæði af því að það er
svo gott en líka af því að það hefur
félagslega tengingu.
Hildur Eir Bolladóttir, prestur í Akureyrar-
kirkju.
UPPÁHALDSDRYKKUR
„Við kynntumst Andy Butler í
Hercules and Love Affair þegar
hann kom til landsins til þess að
spila á eins árs afmæli skemmti-
staðarins Dolly,“ segir Elín
Eyþórsdóttir, meðlimur í stuð-
sveitinni Sísý Ey, en hljómsveit-
in er á leið til Lundúna að spila
með hljómsveit Andys sem nýtur
mikilla vinsælda í Evrópu og þótt
víðar væri leitað.
„Það var tónlistarmaðurinn
og sameiginlegur vinur okkar
John Grant sem kynnti okkur
almennilega fyrir honum,“ held-
ur Elín áfram, og systir hennar,
Sigríður, sem er einnig meðlimur
í sveitinni, tekur í sama streng.
„Við erum mjög spennt fyrir
þessu, en við komum til með að
gefa út smáskífu hjá plötufyrir-
tæki Andys, Mr. International, í
nóvember. Þá spilum við á tón-
leikunum, á tónleikastaðnum
Oval Space. Svo er stefnan sett á
að spila á fleiri stöðum í Evrópu
í framhaldinu.“ Sísý Ey saman-
stendur af systrunum Elínu, Sig-
ríði og Elísabetu Eyþórsdætrum,
ásamt plötusnúðnum Friðfinni
Sigurðssyni, betur þekktum
sem DJ Oculus. Þær vöktu fyrst
athygli með smellnum Ain‘t got
nobody, sumarið 2012, en hafa
síðan spilað á fjölmörgum tón-
leikum á Íslandi og víðar, meðal
annars á raftónlistarhátíðinni
Sonar í Barselóna.
- ósk
Sísý Ey í samstarf við Andy Butler
Hljómsveitin Sísý Ey spilar á tónleikum með Hercules and Love Aff air, hljóm-
sveit Andys Butler. Sísý Ey gefur svo út smáskífu hjá plötufyrirtæki Butlers.
GEFA ÚT SMÁSKÍFU HJÁ PLÖTUFYRIR-
TÆKI BUTLERS Hljómsveitin Sísý Ey er
á leið til London. MYND/ÚR EINKASAFNI
„Okkur þykir afar leitt hversu hefur
dregist að greiða þeim hæfileikaríku
og duglegu börnum sem tóku þátt í
gerð myndarinnar Sumarbörn,“ segir
annar framleiðandi myndarinnar,
Anna María Karlsdóttir. „Við biðj-
um börnin og aðstandendur þeirra
innilega afsökunar á þessum drætti.
Vanhöld þessi eru algerlega á okkar
ábyrgð,“ útskýrir hún.
Ljósband ehf., sem framleiðir
Sumarbörn, er í eigu Hrannar Krist-
insdóttur og Önnu Maríu Karlsdótt-
ur. Fyrirtækið hefur áður framleitt
kvikmyndir á borð við Desember og
síðast, Okkar eigin Ósló með Þor-
steini Guðmundssyni í aðalhlutverki.
„Við höfum gert allt sem í okkar
valdi stendur til að hraða því að
hægt verði að greiða börnunum
fyrir þeirra góðu vinnu og munum
halda því áfram þar til greiðslur eru
í höfn,“ segir Anna María og bætir
við að hún og samstarfskona hennar,
Hrönn, hafi gert alla samninga við
starfsfólk í góðri trú þar sem byggt
var á hefðbundinni fjármögnun sem
hefur gengið eftir í þeirra fyrri
verkum.
„Tafir á afgreiðslu fjármagns,
meðal annars frá atvinnuvega- og
nýsköpunarráðuneyti, til myndar-
innar var eitthvað sem við sáum ekki
fyrir,“ heldur Anna María áfram.
„En við ítrekum að það er á okkar
ábyrgð að standa við gerða samninga
og að því vinnum við öllum árum.
Við viljum biðja alla hluteigandi
afsökunar á að hafa gert samningana
í þeirri trú að afgreiðsla á fjármagni
yrði með vanabundnum hætti. Það
voru greinilega mistök af okkar
hálfu.“
Til stendur að frumsýna kvik-
myndina um áramótin, en hún er
langt komin í eftirvinnslu.
alfrun@frettabladid.is
Vanhöld algerlega á
ábyrgð framleiðenda
Anna María Karlsdóttir og Hrönn Kristinsdóttir, framleiðendur kvikmyndarinnar
Sumarbarna, hafa ekki greitt börnum sem fóru með hlutverk í myndinni laun.
FRAMLEIÐENDUR MYNDARINNAR Anna María Karlsdóttir og Hrönn Kristins-
dóttir eru þaulreyndir kvikmyndaframleiðendur á Íslandi, en ellefu manns sem
unnu við kvimyndina Sumarbörn hafa leitað til lögfræðings vegna vangoldinna
launa fyrir vinnu sína við myndina. FRÉTTABLAÐIÐ/ERNIR
Klipparinn Stefanía Thors deildi á Facebook-síðu fyrir nokkru
svokallaðri mínútumynd þar sem aðalleikkona kvikmyndarinnar
Sumarbarna, sem framleidd er af Ljósbandi ehf., spyr áhorfandann
hvenær hún fái eiginlega greitt fyrir sína vinnu. Í kjölfarið greindu
DV og Kjarninn frá því að fjórtán börn undir tíu ára aldri, sem léku í
kvikmyndinni, hafa ekki fengið greitt fyrir sína vinnu.
Myndin fékk 90 milljón króna styrk úr Kvikmyndasjóði Íslands árið
2012, en heildarkostnaður við myndina er 214 milljónir. Sumarbörn
er frumraun Guðrúnar Róbertsdóttur leikstjóra við kvikmynd í fullri
lengd. Ellefu manns í Félagi kvikmyndagerðarfólks hafa leitað til lög-
fræðings vegna vangoldinna launa fyrir vinnu sína við myndina.
Sumarbörn
D-vítamínbætta léttmjólkin er komin í spariföt til stuðnings beinheilsu
þjóðarinnar. Í hvert skipti sem þú velur D-vítamínbætta léttmjólk renna
15 krónur til kaupa á beinþéttnimæli handa Landspítalanum, en með
honum er hægt að meta ástand beina á augabragði. Um leið hleðurðu inn
kalki og D-vítamíni í beinin þín sem verða sterkari með hverju glasi.
D-vítamínbætt léttmjólk
breytir tímabundið um útlit
Stöndum saman – styrkjum beinin
Í gær var tilkynnt um útgáfu nýrrar
plötu írska tónlistarmannsins Dami-
ens Rice en eins konar hlustunar-
partí fór fram á Kexi Hosteli í gær,
þar sem blaðamenn hvaðanæva að
ljáðu plötunni eyra. Platan ber titil-
inn My Favourite Faded Fantasy og
kemur út þann 3. nóvember næst-
komandi.
„Af því að meirihluti plötunnar
var tekinn upp og mixaður á Íslandi
og platan var unnin með mörgu
íslensku tónlistarfólki, var hlustun-
arpartíið hér. Ísland er sá staður þar
sem Damien kann hvað best við sig
í heiminum,“ segir Kári Sturluson,
samstarfsmaður Damiens Rice.
Nýja platan er sú fyrsta sem Rice
sendir frá sér í átta ár, en hann
sendi síðast frá sér plötuna 9 árið
2006 en frumburður hans, 0, kom
út árið 2002. Sannkallaðar kanónur
komu að vinnslu plötunnar og ber
þar hæst að nefna Rick Rubin sem
hefur unnið með mörgum af þekkt-
ustu listamönnum heims og hefur
meðal annars fengið sjö Grammy-
verðlaun. Rick og Damien pródú-
sera sjö af átta lögum plötunnar
saman og hafa þeir verið í sam-
skiptum varðandi plötuna og unnið
saman í þrjú til fjögur ár. Rick
Rubin hefur unnið með nöfnum
á borð við Metallica, Aerosmith,
Adele, Jay Z, U2 og ótal fleirum. Þá
á Joel Shearer einnig þátt í plötunni
og leikur á fjölda hljóðfæra á henni.
Shearer er best þekktur fyrir störf
sín með Alanis Morissette, Micha-
el Bublé, Nelly Furtado og mörgum
fleirum.
Platan er tekin upp í Los Ange-
les og á Íslandi en í gærkvöldi fóru
fram tónleikar í hljóðverinu Sund-
lauginni í Mosfellsbæ þar sem hluti
plötunnar var tekinn upp. „Þetta
voru svona tónleikar fyrir press-
una, vini og vandamenn, það var
bara verið skála og fagna útgáf-
unni,“ bætir Kári við.
Ekki liggur fyrir hvort Rice haldi
tónleika hér á landi í kjölfar útgáf-
unnar. gunnarleo@frettabladid.is
Fyrsta platan í átta ár
Írski tónlistarmaðurinn Damien Rice sendir frá sér
nýja plötu. Hann nýtur aðstoðar mikilla kanóna.
ÍSLANDSVINUR
Damien Rice
kann best við
sig á Íslandi af
öllum stöðum í
heiminum.
NORDICPHOTOS/GETTY
Rick Rubin hefur hlotið sjö
Grammy-verðlaun, meðal annars
fyrir upptökustjórn á plötum á borð
við:
■ Stadium Arcadium með Red Hot
Chili Peppers
■ 21 með Adele
■ Taking The Long Way með Dixie
Chicks.
Hann hefur unnið með lista-
mönnum á borð við: Lady Gaga,
Kanye West, Eminem, System of a
Down, Rage Against the Machine.
Brot af ferli
Ricks Rubin