Fréttablaðið - 10.10.2014, Blaðsíða 32
KYNNING − AUGLÝSINGYfirhafnir FÖSTUDAGUR 10. OKTÓBER 20144
Himalaya Magic er hönn-un Huldu Eggertsdóttur og nepalsks eiginmanns
hennar, Rajan Sedhai, sem vildu
færa Íslendingum litríka töfra og
gæði Himalajafjalla í handsaum-
uðum dúnúlpum. Hugmynda-
fræðin er himnesk því tíu prósent
af söluvirði alls varnings rennur
til umkomulausra barna í Nepal.
„Við fórum til Nepals með
mánaðargamla dóttur okkar í
vor, rétt áður en tímabil mons-
únrigninga hófst. Þar hittum við
Sushma litlu sem býr við harð-
neskjulegar aðstæður Klettafólks-
ins og ákváðum að styrkja hana
til náms. Klettafólkið er sérstak-
ur þjóðflokkur sem býr við mikið
vonleysi, fátækt og alkóhólisma
og hafa fæst börnin farið í bað
heldur ganga um grálúsug og
fatalaus og þurfa út í skógana í
bítið að leita sér að æti,“ útskýrir
Hulda um tilurð þess að Himal-
aya Magic tók Sushma litlu undir
sinn verndarvæng.
„Í Nepal er talsvert mikið gert
fyrir munaðarleysingja en stór-
ir hópar umkomulausra barna
í vonlausum aðstæðum eru
gleymdir. Ríkisstjórnin reynir að
hvetja Klettafólkið til að mennta
sig og verða meira sjálfbjarga og
fá börn sem ljúka grunnskóla-
námi vilyrði um að verða kenn-
arar.“
Þau Hulda og Rajan skráðu
Sushma í einkaskóla og þar hlýt-
ur hún afbragðs menntun.
„Sushma er ákaflega ánægð í
skólanum og varð nýlega önnur
hæst á prófum. Meðfram skóla-
göngunni er hún í vist hjá tengda-
fjölskyldu minni því foreldrar
hennar eru hvorki færir um að
fæða hana, þrífa né klæða fyrir
skólann,“ segir Hulda.
„Systkini Shusma áttu engin
klæði svo við gáfum þeim fatn-
að og fjölskyldunni peninga til
að kaupa hrísgrjón í annars mat-
arlaust kotið. Móðirin f lýtti sér
strax eftir grjónunum, áður en
eiginmaðurinn kæmi heim og
eyddi fénu í áfengi. Sushma fer
svo reglulega í heimsókn til fjöl-
skyldunnar sinnar og unir hag
sínum vel.“
Vonir rætast með töfrum Himalaya
Sushma er fimm ára stúlka af fátækum ættum Klettafólksins í Nepal sem átti sér draum um að ganga í skóla eins og betur settir jafnaldrar
hennar. Með stuðningi íslenska úlpuframleiðandans Himalaya Magic er Sushma nú orðin skólastelpa og ein af bestu nemendum skólans.
Upphaflega voru litríkar úlpur Himalaya
Magic eingöngu fyrir lítil börn en nú hafa
bæst við himneskar fullorðinsúlpur fyrir
konur og karla. MYND/HARPA HRUND
Dúnúlpur Himalaya Magic eru úr 100%
dúni og sérsaumaðar hjá færustu
saumameisturum Nepals. Þessi flotta,
bleika úlpa var sérsaumuð á íslenskan
herramann. Himalaya Magic býður upp á
sérsaum eftir óskum um snið og liti. Gott
er að vera tímanlega í sérpöntunum ef
úlpur og annar glaðningur á að skila sér í
jólapakkana. MYND/HARPA HRUND
Sushma var önnur hæst í sínum bekk á prófum. Í skólanum er til siðs að maka rauðu púðri í andlit þriggja hæstu. Á myndinni til hægri
er Sushma með systrum sínum í fábrotnum kofa fjölskyldunnar.
Hulda og Rajan með börnum sínum, Sindra og Töru, í litríkum úlpum Himalaya Magic. Þau Hulda og Rajan urðu ástfangin þegar Rajan
starfaði sem leiðsögumaður við Jökulsá eystri og henti Huldu út í ána. MYND/PJETUR
Sannir töfrar
Töfrar Himalaya hafa fyrir löngu
vaxið fram úr björtustu vonum
Huldu og Rajans og vörurnar
öðlast eigið líf.
„Okkur berast til eyrna ótal
fallegar sögur frá ánægðum eig-
endum úlpna, sjala og kerru-
poka. Það fylgja þessum vörum
sannir töfrar og allar eiga þær
sameiginlegt að vera mjúkar og
hlýjar.“
Auk þess að styrkja lítil börn
til náms skapar Himalaya Magic
líka atvinnu í þróunarlandinu
Nepal.
„Í hugsjón og handverki
Himalaya Magic tvinnast saman
tveggja áratuga reynsla Rajans
sem leiðsögumaður um Him-
alajafjöll og það að vera for eldrar
lítilla barna sem þarf að klæða
vel á íslenskum vetrum.“
Þess má geta að barnaúlpur og
dúnpokar Himalaya Magic fást í
Around Iceland, Laugavegi 18b.
Aðrar vörur má nálgast á heima-
síðu Himalaya Magic og á
Facebook:
himalayamagic.com
facebook.com/HimalayaMagic
Hreinsum
dúnúlpur
Háaleitisbraut 58-60, 108 Rvk - Sími 5531380