Fréttablaðið - 29.10.2014, Blaðsíða 24

FÓLK|FERÐIR
FÓLK ER KYNNINGARBLAÐ sem býður aug lýsendum að kynna vörur og
þjónustu í formi viðtala og umfjallana ásamt hefðbundnum auglýsingum. Blaðið
fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir
Sölumenn: Bryndís Hauksdóttir, bryndis@365.is, s. 512 5434
Kolbeinn Kolbeinsson, kkolbeins@365.is, s. 512 5447
GÓÐ HEIM
AÐ SÆKJA
„Við höfum verið
valin sem gestrisn-
asta þjóð í heimi
og kannanir hafa
sýnt að eitt af því
sem fólk kann
best að meta við
Íslandsheimsókn
er fólkið sem það
hittir.“
Nýr áfangi vetrarherferðar mark-aðsverkefnisins Ísland – allt árið var kynntur fyrir skömmu þegar
myndband tengt átakinu var frumsýnt
á samfélagsvefnum YouTube. Gerð
þess var nokkuð óvenjuleg og vakti
mikla athygli en þar settu 100 þúsund
aðdáendur Íslands saman ferðaáætlun
fyrir einn heppinn ferðamann sem val-
inn var úr hópi 4.500 umsækjenda. Að
sögn Ingu Hlínar Pálsdóttur, forstöðu-
manns ferðaþjónustu og skapandi
greina hjá Íslandsstofu, er myndband-
ið hluti af „Share the Secret“-herferð-
inni sem upprunalega var sett af stað
haustið 2013 undir formerkjum Inspir-
ed by Iceland. „Við vildum leita leiða
til að beisla allt fólkið sem fylgist með
Íslandi í gegnum samfélagsmiðlana og
hefur ástríðu fyrir landinu. Við báðum
það að setja saman ferðaáætlun með
því að stinga upp á áfangastöðum og
kjósa á milli þeirra. Ferðamaðurinn
heppni sem hreppti hnossið var Jenni-
fer Asmundson, matreiðslumeistari
frá Bandaríkjunum, sem er af íslensku
bergi brotin. Myndbandið sýnir ferða-
lag hennar en hún byggir á tillögum
frá samfélaginu í kringum Inspired by
Iceland.“
Herferðin nýtir ekki síður stað-
bundna þekkingu Íslendinga sem
benda á að Ísland búi yfir fjölbreyttum
ævintýrum um allt land til viðbótar við
þau sem þegar eru þekkt. „Hugmynda-
fræðin á bak við Inspired by Iceland
hefur alltaf verið að virkja Íslendinga
og fá þá til að taka þátt í verkefninu.
Það skipti máli þegar við segjum sög-
una af Íslandi að við séum að byggja
á einhverju raunverulegu og séum
sjálfum okkur trú. Það hefur líka komið
í ljós að einn stærsti fjársjóður sem
íslensk ferðaþjónusta á er íslenska
þjóðin. Við höfum verið valin sem gest-
risnasta þjóð í heimi og kannanir hafa
sýnt að eitt af því sem fólk kann best
að meta við Íslandsheimsókn er fólkið
sem það hittir. Við viljum því gjarnan
fá fólk til þess að taka þátt með okkur.
Ég held að það sem Íslendingar geta
gert á næstu árum sé fyrst og fremst
að halda áfram að vera þeir sjálfir og
taka þátt í því að segja söguna af Ís-
landi. Við erum sjálf okkar bestu tals-
menn.“
Myndbandið nefnist á ensku „The
Ultimate Secret Tour“ og lýsir ferðalagi
Jennifer um Ísland og þeim leyndar-
dómum sem hún uppgötvaði hér-
lendis. „Meðal þess sem hún gerði var
að fara í hellaskoðun og jeppaferðir,
sótti listasöfn og sundlaugar, skrapp
upp á jökul í vélsleðaferð og fékk sér
sundsprett í sjónum. Ekki má gleyma
íslenskri matargerð en hún fékk bestu
meðmæli frá matreiðslumeistaranum.“
Ferðaþjónustan er í dag sú atvinnu-
grein sem skapar mestar gjaldeyris-
tekjur að sögn Ingu Hlínar. „Helsta
verkefni okkar er að reyna að draga
úr árstíðasveiflu í komu ferðamanna
þannig að fyrirtæki í íslenskri ferða-
þjónustu, bæði stór og lítil, geti starfað
á ársgrundvelli. Enn er nokkuð í að
mörg fyrirtæki á landsbyggðinni geti
þetta, en þó hefur orðið mikil breyting
á síðustu árum. Á sama tíma hefur fjöl-
breytni í íslenskri ferðaþjónustu, s.s.
í tengslum við afþreyingu, menningu
og veitingastaði aukist gríðarlega, sem
skapar frábær tækifæri þegar fram í
sækir. Þetta bætir líka lífsskilyrði okkar
hér heima, með auknu þjónustufram-
boði, og fleiri tækifærum til þess að
ferðast um eigið land.“ ■ starri@365.is
ERUM SJÁLF OKKAR
BESTU TALSMENN
ÆVINTÝRALANDIÐ Einn stærsti fjársjóður sem íslensk ferðaþjónusta á er
íslenska þjóðin. Hluti hennar tekur nú þátt í að fjölga erlendum ferðamönnum
hérlendis með þátttöku sinni undir formerkjum Inspired by Iceland.
SÆLA ÚR SJÓ Bragðað á sjávarréttum á Vitanum. MYND/ÍSLANDSSTOFA
ÍSLENSK HOLLUSTA Jennifer Asmundson bragðar á íslenskum tómötum.
MYND/ÍSLANDSSTOFA
ALLIR MEÐ
„Við vildum leita leiða
til að beisla allt fólkið
sem fylgist með Íslandi
í gegnum samfélags-
miðlana og hefur ástríðu
fyrir landinu,“ segir Inga
Hlín Pálsdóttir, forstöðu-
maður ferðaþjónustu og
skapandi greina hjá
Íslandsstofu.
MYND/GVA
Elskaðu
grænmetis-
buff
– NÝTT Á SUBWAY –
– GRÆNA BYLTINGIN –
Póstdreifing | Vatnagörðum 22 | 104 Reykjavík | Sími 585 8300 | postdreifing.is
Við sjáum um örugga dreifingu á fjölpósti
Póstdreifing dreifir fjölpósti sex daga vikunnar til heimila
á stærsta markaðssvæði landsins. Mælingar sýna að 60%
landsmanna skoða fjölpóst og er hann því áhrifarík leið
til að koma skilaboðum um vöru eða þjónustu beint inn
á heimilin. Örugglega til þín.
Nánari upplýsingar veitir söludeild í síma 585 8300.