Fréttablaðið - 01.04.2015, Síða 2

1. apríl 2015 MIÐVIKUDAGUR| FRÉTTIR | 2
SPURNING DAGSINS
P Á S K A E G G
NÝTT
TRÚMÁL „Samkvæmt arabískum hefðum vernd-
ar blóð úr úlföldum helga staði fyrir óvinveittum
öflum,“ segir Sverrir Agnarsson, formaður Félags
múslima á Íslandi.
Dagur B. Eggertsson borgarstjóri tók fyrstu skóflu-
stunguna að mosku Félags múslima í Sogamýri
við sólarupprás í gær. Við það tækifæri var fórnað
úlfalda sem félagið fékk sérstaka undanþágu til að
flytja til landsins.
Auk tólf meðlima úr æðsta ráði Félags múslima
voru fulltrúar frá yfirdýralækni og Matvælastofn-
un viðstaddir athöfnina sem var hátíðleg og látlaus í
senn. Ali Hassan Abd al-Majid al-Tikriti, verkstjóri í
sláturhúsi Kaupfélags Skagafjarðar, aðstoðaði Sverri
við að skera dýrið.
Skepnan er, að sögn Sverris, gjöf frá Salman bin
Abdulaziz al Saud, konungi Sádi-Arabíu. Salman
hafi einnig borgað fyrir flutninginn og eina og hálfa
milljón króna að auki í innflutningsgjöld.
Sverrir segir að samkvæmt venjum við athafnir
þar sem jörð sé helguð fyrir bænahús sé kjöt fórnar-
dýrsins gefið út til samfélagsins.
„Fiskikóngurinn á Sogavegi tók góðfúslega að sér
fyrir okkur að verka kjötið og mun afhenda þeim
sem vilja endurgjaldslaust í dag. Þetta var ungt dýr
og kjötið ætti því að vera meyrt. Það hentar auð-
vitað best í ýmsa austurlenska rétti,“ segir Sverrir
Agnarsson.
Fiskikóngurinn opnar klukkan sjö á virkum
dögum. - gar
Fyrsta skóflustungan að moskunni í Sogamýri tekin við helga athöfn í gær:
Fórnuðu úlfalda og gefa kjötið
SVERRIR AGNARSSON Um 250 kíló af kjöti fást af úlfald-
anum sem múslimar fórnuðu í gær. FRÉTTABLAÐIÐ/VALLI
Elín Edda, er ekkert hægt að
nota bókina í eldamennskuna?
„Nei, enda verður ekki allt bókvit í
askana látið.“
Uppskriftabók– skáldverk er ný bók tíu
höfunda sem stunda meistaranám í ritlist
og ritstjórn við Háskóla Íslands. Elín Edda
Pálsdóttir er ein ritstjóra bókarinnar.
STJÓRNSÝSLA Ríkisendurskoðun
gerir alvarlegar athugasemdir við
verklag mennta- og menningar-
málaráðuneytisins við viðskipti
við einkahlutafélagið Rannsóknir
og greiningu um fjölda æskulýðs-
rannsókna fyrirtækisins fyrir hið
opinbera. Gagnrýnir Ríkisendur-
skoðun að samningur um norræna
æskulýðsrannsókn sem gerður var
árið 2009 hafi ekki verið boðinn út.
Fréttablaðið sagði fyrst frá því
þann 30. september á síðasta ári
að fyrirtækið hafi gert samninga
við ráðuneytið um æskulýðsrann-
sóknir fyrir allt að fimmtíu millj-
ónir króna án útboðs. Í kjölfar þess
hóf Ríkisendurskoðun stjórnsýslu-
úttekt á samningum stjórnvalda
við fyrirtækið.
Fram kemur í skýrslunni að
undanfarin 16 ár hafi einkahluta-
félagið fengið samtals greiddar 158
milljónir króna úr ríkissjóði fyrir
margvíslegar æskulýðsrannsóknir.
Stofnunin gerir athugasemdir við
hvernig staðið var að viðskiptum
við félagið. Telur Ríkisendurskoð-
un ráðuneytið þurfa að vanda betur
til samninga um þjónustukaup og
móta þurfi heildstæða stefnu um
æskulýðsrannsóknir.
Fram kemur einnig í skýrslunni
að eðli sumra samninga ráðuneyt-
isins við Rannsóknir og greiningu
ehf. séu óljósir og ekki hægt að
meta hvort um þjónustusamninga
eða styrktarsamninga sé að ræða.
Í þessum samningum við Rann-
sóknir og greiningu var aldrei
leitað útboðs eða tilboða annarra
aðila sem sinna æskulýðsrannsókn-
um hér á landi. Telur Ríkisendur-
skoðun í skýrslu sinni mikilvægt
að virða jafnræðisreglu íslenskr-
ar stjórnsýslu og kanna áhuga og
getu annarra fræðimanna á að
sinna verkefnum sem þessum.
Samningur menntamálaráðu-
neytisins við Rannsóknir og
greiningu sem undirritaður var
12. janúar árið 2009 vekur athygli
Ríkis endurskoðunar. Sá samningur
hljóðaði upp á 24,2 milljónir króna
og var gerður tveimur árum áður
en fyrstu rannsóknir samningsins
áttu að fara fram. Gilti hann til árs-
ins 2016. Samningurinn var gerður
stuttu áður en ríkisstjórn Samfylk-
ingar og Sjálfstæðisflokks fór frá
völdum og boðað var til kosninga.
Ekki náðist í Illuga Gunnarsson
menntamálaráðherra þrátt fyrir
ítrekaðar tilraunir blaðsins.
sveinn@frettabladid.is
Gagnrýna samn-
ingagerð ráðuneytis
Ríkisendurskoðun hefur lokið stjórnsýsluúttekt á samningum hins opinbera við
Rannsóknir og greiningu ehf. um æskulýðsrannsóknir og gerir fjölda athuga-
semda. Fyrirtækið hefur fengið 158 milljónir frá hinu opinbera allt frá árinu 1999.
RÍKISENDURSKOÐUN Í skýrslu Ríkis-
endurskoðunar segir að nauðsynlegt sé
að formbinda samninga og huga að jafn-
ræðisákvæði laga um opinber innkaup.
FRÉTTABLAÐIÐ 30. SEPTEMBER 2014 Fréttablaðið greindi frá því að einkahluta-
félagið Rannsóknir og greining ehf. hafi fengið um 50 milljónir króna frá 2006 frá
hinu opinbera án útboðs.
ILLUGI GUNNARSSON Ekki náðist í
menntamálaráðherra við vinnslu frétt-
arinnar þrátt fyrir ítrekaðar tilraunir
STJÓRNSÝSLA Einkahlutafélagið
Rannsóknir og greining ehf. hefur
frá árinu 2006 fengið yfir 50 millj-
ónir króna frá hinu opinbera, í gegn-
um samning við menntamálaráðu-
neytið, til að vinna að rannsóknum
á högum ungs fólks.
Ekki var leitað útboðs eða tilboða
annarra aðila sem sinna æskulýðs-
rannsóknum vegna þessara styrkja.
Í fjárlögum ár hvert er liður undir
æskulýðsmálum sem nefnist æsku-
lýðsrannsóknir. Frá árinu 2006
hefur 57 milljónum króna verið
varið í málaflokkinn og meginþorri
þess fjármagns sem fer í málaflokk-
inn rennur til Rannsóknar og grein-
ingar.
Kristín Halldórsdóttir, sviðs-
stjóri stjórnsýslusviðs Ríkisendur-
skoðunar telur fullt tilefni til að
skoða þennan samning nánar.
„Ríkis endurskoðun hefur á undan-
förnum árum haft samningamál
ráðuneytanna til sérstakrar skoð-
unar og birt samtals tíu skýrslur
um þau mál. Með hliðsjón af athuga-
semdum Ríkisendurskoðunar er
varða samningamál ráðuneytanna
telur stofnunin fullt tilefni til að
taka umræddan samning til skoð-
unar,“ segir hún. Sögu einkahluta-
félagsins má rekja aftur til ársins
1997 þegar Björn Bjarnason, þáver-
andi menntamálaráðherra, ákvað
að leggja niður Rannsóknarstofnun
uppeldis- og menntamála (RUM).
Upp úr því varð til Námsmatsstofn-
un en rannsóknarhluti RUM var gef-
inn eftir til nýstofnaðs fyrirtækis,
Rannsókna og greiningar ehf., sam-
kvæmt ákvörðun Björns. Á þessum
tíma, frá 1997-1998, var Inga Dóra
Sigfúsdóttir, eigandi Rannsókna og
greiningar ehf., í hálfu starfi fyrir
menntamálaráðherra, Björn Bjarna-
son, og í hálfu starfi hjá rannsókn-
ardeild Rannsóknarstofnunar upp-
eldis- og menntamála. Einnig var
hún aðstoðarmaður bæði Davíðs
Oddssonar og Ólafs G. Einarssonar
á kjörtímabilinu 1991-1995.
- sa / sjá síðu 8
50 milljónir króna fram hjá
lögum um opinber innkaup
Einkahlutafélag, sem stundar æskulýðsrannsóknir og er í eigu fyrrverandi aðstoðarmanns Davíðs Oddssonar,
hefur fengið samtals um 50 milljónir frá ríkinu frá árinu 2006. Samningur var undirritaður í byrjun árs 2009
fram hjá lögum um opinber innkaup. Ríkisendurskoðun vill taka samninginn til skoðunar.
Með hliðsjón af
athugasemdum Ríkisendur-
skoðunar … telur stofnunin
fullt tilefni til að taka
umræddan samning til
skoðunar.
Kristín Halldórsdóttir,
sviðsstjóri hjá Ríkisendurskoðun.ÍSRAEL Matur er táknrænn fyrir ákveðna atburði í sögu gyðinga. Þetta
á einkum við um páskahátíðina, þegar verið er að minnast frelsunar
Ísraelsmanna undan Egyptum. Þá er bakað og borið fram ósýrt brauð,
matzah, sem er flatt, þunnt og án gers. Það brauð höfðu Ísraelsmenn með
sér þegar þeir fóru í skyndi frá Egyptalandi. Þessi litli drengur fylgist
rólegur með bakstri brauðsins í bakaríi í Bnei Brak rétt við Tel Avív í
Ísrael. - kbg
Gyðingar baka táknrænt brauð, matzah:
Bakað fyrir páska í Tel Avív
BRAUÐBAKSTUR Drengur fylgist með bakstri á ósýrðu brauði, matzah. MYND/API
Bæjarsjóður Akureyrar var rek-
inn með 520 milljóna króna hagn-
aði á árinu 2014. Þrátt fyrir það
var niðurstaða A-hluta sveitar-
sjóðs neikvæð um 134 milljónir
króna. Þetta kemur fram í árs-
reikningi Akureyrarkaupstaðar.
Skuldir Akureyrarkaupstaðar
lækkuðu á árinu um 745 milljónir
króna.
„Á heildina litið lítur þetta
vel út en ýmis ljós blikka og þá
sérstaklega í A-hlutanum sem
við þurfum að skoða vel. Hins
vegar er ég ánægður með að við
séum að greiða niður skuldir á
tímabilinu,“ segir Eiríkur Björn
Björgvinsson bæjarstjóri. - sa
Bæjarsjóður Akureyrar:
Hálfur milljarð-
ur í afgang
FRÆÐSLA Blár apríl, vitundarvakn-
ing um einhverfu, hefst formlega
í dag. Fyrirtæki og stofnanir um
allan heim munu taka þátt með því
að baða byggingar sínar í bláu ljósi.
Styrktarfélag barna með ein-
hverfu stendur fyrir Bláum apríl
hér á landi og hefst styrktarsöfn-
un félagsins í dag. Að þessu sinni
verður safnað fyrir námskeiðum
tengdum einhverfu. Fjölmargar
byggingar á Íslandi verða lýst-
ar upp í bláum lit, meðal annars
Harpa, Bessastaðir, Ráðhúsið,
Höfði og Landspítalinn. Blár apríl
nær hámarki 10. apríl en þá munu
nemendur í skólum landsins klæð-
ast bláu. - vh
Vitundarvaking um einhverfu:
Átakið Blár apríl
hefst í dag
STJÓRNMÁL Ríkisstjórnin hefur
að tillögu forsætisráðherra sam-
þykkt að skipa starfshóp sem fær
það hlutverk að kanna hvern-
ig koma megi á reglulegu milli-
landaflugi um flugvellina á Akur-
eyri og Egilsstöðum.
Starfshópurinn skal greina
framkvæmdaratriði, kostnað,
þátttöku einstakra ríkisstofnana,
landshluta og fyrirtækja í við-
komandi landshluta og markaðs-
setningu. Starfshópurinn verður
skipaður til þriggja mánaða og í
lok starfstímans skal hann skila
af sér tillögum í formi aðgerða-
og kostnaðaráætlunar.
Fulltrúar frá Íslandsstofu,
Isavia, innanríkisráðuneytinu
og atvinnuvega- og nýsköpunar-
ráðuneytinu munu skipa starfs-
hópinn, ásamt fulltrúum frá
ólíkum landshlutum. Fulltrúi
forsætisráðuneytisins mun stýra
vinnunni auk þess sem starfs-
maður hópsins mun koma frá for-
sætisráðuneytinu.
Tæp milljón ferðamanna kom
til Íslands með flugi á síðasta
ári og spár gera ráð fyrir mik-
illi fjölgun á næstu árum. Mikill
meirihluti erlendra ferðamanna
heimsækir einungis suðvestur-
horn landsins og aðrir lands-
hlutar njóta síður þeirrar miklu
fjölgunar ferðamanna sem orðið
hefur. Ríkisstjórnin vill stuðla að
aukinni dreifingu ferðamanna um
landið, enda megi þannig dreifa
því álagi á náttúruna sem fylgir
auknum ferðamannastraumi.
- ngy
Ríkisstjórnin vill stuðla að aukinni dreifingu ferðamanna um landið og dreifa álagi á náttúruna:
Starfshópur skoðar fjölgun lendingarstaða
FORSÆTISRÁÐHERRA Tæp milljón
ferðamanna kom til Íslands með flugi á
síðasta ári.
FRÉTTABLAÐIÐ/DANÍEL
3
1
-0
3
-2
0
1
5

2
2
:2
6
F
B
0
8
0
s
_
P
0
7
9
K
.p
1
.p
d
f
F
B
0
8
0
s
_
P
0
6
2
K
.p
1
.p
d
f
F
B
0
8
0
s
_
P
0
0
2
K
.p
1
.p
d
f
F
B
0
8
0
s
_
P
0
1
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
4
5
9
-8
6
8
0
1
4
5
9
-8
5
4
4
1
4
5
9
-8
4
0
8
1
4
5
9
-8
2
C
C
2
8
0
X
4
0
0
1
B

F
B
0
8
0
s
C
M
Y
K