Fréttablaðið - 01.04.2015, Qupperneq 6

1. apríl 2015 MIÐVIKUDAGUR| FRÉTTIR | 6
1. Hve margar konur eru sendiherrar
á vegum íslensku utanríkisþjónust-
unnar?
2. Hve margar gistinætur voru seldar
hér á landi árið 2014?
3. Hvað heitir formaður BHM?
SVÖR:
1. Ein kona. 2. 5,5 milljónir 3. Páll Hall-
dórsson
Þar sem ferðalagið byrjar
FERÐAVAGNAR
LMC hjólhýsiG
æði og
glæsileik
i
Tveir stjórnarmenn Sambands
íslenskra sveitarfélaga eru ósam-
mála umsögn sambandsins um
lagafrumvarp sem heimilar ráð-
herrum að ákveða staðsetningu
ríkisstofnana án atbeina Alþingis.
Borgarfulltrúinn S. Björn Blön-
dal og bæjarfulltrúi Hafnarfjarð-
ar í stjórn sambandsins, Gunnar
Axel Axelsson, settu fyrirvara við
umsögnina á síðasta stjórnarfundi
sambandsins. Eru þeir ósammála
umsögninni sem undirrituð er af
Karli Björnssyni, framkvæmda-
stjóra sambandsins.
Í umsögninni telur sambandið
nauðsynlegt að lögfesta heimild
ráðherra til að ákveða aðsetur
stofnana enda mikilvægt að svig-
rúm sé til flutnings opinberra
starfa á landsbyggðirnar þar sem
rök eru á annað borð talin standa
til þess. Gerir sambandið því ekki
athugasemdir við frumvarpið.
Þessu eru fulltrúar Reykjavík-
ur og Hafnarfjarðar ekki sam-
mála. Nýlegt dæmi um flutning
Fiskistofu sýni að vald ráðherra í
þessum efnum sé of mikið.
„Við settum fyrirvara við þessa
umsögn. Við teljum ekki rétt að
ráðherra geti einn síns liðs ákveð-
ið að flytja stofnun sem undir
hann heyrir án þess að leita til
Alþingis með ákvörðun sína. Við
teljum það mikilvægt að upplýst
umræða um staðsetningu, og eftir
því sem við á, flutning stofnana
eigi sér stað innan sala Alþingis
frammi fyrir opnum tjöldum,“
segir S. Björn Blöndal. „Í því
samhengi bendum við á ákvörðun
sjávarútvegsráðherra um flutning
Fiskistofu.“
Gunnar Axel segir þessa
umsögn ganga of langt að sínu
mati. „Rökstuðningur sambands-
ins er á þá leið að þetta sé í sam-
ræmi við samþykkta stefnumörk-
un þess sem sé að stuðla að vexti
opinberra starfa um allt land.
Ég tel of langt gengið í túlkun
á þeirri stefnumörkun,“ segir
Gunnar Axel. „Ef menn hafa
ekkert að óttast þá ættu svona
ákvarðanir, sem eru gríðarlega
stórar og varða fjölda einstak-
linga, að fara fyrir Alþingi og
löggjafarvaldið að taka ákvörðun
um þessi mál. Menn verða að átta
sig á því að það er stórkostlegt
inngrip í stjórnsýsluna að flytja
stofnun með manni og mús lands-
horna á milli.“
Ellefu sveitarstjórnarfulltrúar
sitja í stjórn Sambands íslenskra
sveitarfélaga. Fimm þeirra eru
af höfuðborgarsvæðinu en sex
stjórnarmenn utan af landi.
sveinn@frettabladid.is
Ekki sammála umsögn
Sambands sveitarfélaga
Tveir stjórnarmenn Sambands íslenskra sveitarfélaga settu fyrirvara við umsögn sambandsins um lagafrum-
varp sem heimilar ráðherrum að ákveða staðsetningu ríkisstofnana. Telja vald ráðherra of mikið.
FISKISTOFA Benda stjórnarmennirnir á að flutningur Fiskistofu hafi ekki verið nægilega ígrundaður og það sé stórmál að flytja
stofnanir landshorna á milli. FRÉTTABLAÐIÐ/VALLI
KJARAMÁL Framhaldsskólakennar-
ar skrifa nú í morgunsárið undir
nýjan kjarasamning við ríkið hjá
Ríkissáttasemjara.
Til stóð að skrifa undir síðdeg-
is í gær, en Guðríður Arnardóttir,
formaður Félags framhaldsskóla-
kennara, segir að því hafi verið
frestað til þess að ganga frá öllum
smáatriðum. „En það er búið að
ganga frá þessu og við stefnum
að undirskrift, svona með eðli-
legum fyrirvörum. Það er ekki
búið að skrifa undir fyrr en skrif-
að hefur verið undir.“ Samning-
ar framhaldsskólakennara urðu
lausir í febrúar þegar hafnað var,
í atkvæðagreiðslu, nýju vinnumati
sem var forsenda þess að umsamd-
ar launahækkanir því tengdu
gengju eftir. Guðríður segir of
snemmt að tjá sig um innihald nýja
samningsins.
„En um leið og búið er að skrifa
undir sendi ég félagsmönnum þau
gögn. Kennarar fá sent rafrænt
kynningarefni fyrir páska og svo
höldum við eftir páskahelgina tvo
kynningarfundi. Síðan verður
farið í atkvæðagreiðslu eins fljótt
og kostur er. Við viljum hafa hrað-
ar hendur,“ segir Guðríður. - óká
ÚR VERKFALLSMIÐSTÖÐ Framhalds-
skólakennarar fóru í verkfall í fyrravor,
en lönduðu samningi í apríl.
FRÉTTABLAÐIÐ/GVA
Framhaldsskólakennarar landa nýjum kjarasamningi við ríkið eftir að hafa fellt samning í febrúar:
Nýr samningur fer beina leið í kynningu
Við
viljum hafa
hraðar
hendur.
Guðríður
Arnardóttir,
formaður Félags
framhaldsskóla-
kennara.
Ef menn
hafa ekkert
að óttast þá
ættu svona
ákvarðanir
[...] að fara
fyrir al -
þingi ...
Gunnar Axel Axelsson,
bæjarfulltrúi í Hafnarfirði
Við
teljum ekki
rétt að ráð-
herra geti
einn síns liðs
ákveðið að
flytja stofnun
sem undir hann heyrir ...
Björn Blöndal,
borgarfulltrúi í Reykjavík
SAMFÉLAGSMÁL „Mér finnst Félagsþjónustan voða
lítið leyfa fólki að ráða hvort það vilji gæludýr inn
í íbúðir sínar og mér finnst það bara alrangt að
banna það,“ segir Ólafía Ingibjörg Sverrisdóttir
sem leigir hjá Félagsþjónustu Reykjanesbæjar.
Ólafía stofnaði í fyrradag Facebook-hóp til að
kalla saman þá sem vilja berjast gegn reglum
sem takmarka dýrahald í félagslegum íbúðum.
Hún átti áður kött sem hún mátti ekki taka með
sér í íbúðina sína vegna reglnanna. Hún segir að
margir aðrir séu ósáttir með þær. Ólafía bendir á
að margir sem glíma við andleg veikindi hafi gott
af því að umgangast gæludýr og að margir þeirra
hafi gert það í mörg ár og því sé það óréttlátt að
þeir geti ekki haldið gæludýr lengur.
Björn Arnar Magnússon, framkvæmdastjóri
Brynju, hússjóðs Öryrkjabandalagsins, segir að
reglur um gæludýrahald séu ekki nýjar af nálinni
en samkvæmt reglum um íbúðir hjá Brynju hús-
sjóði er gæludýrahald óleyfilegt. Sömu sögu er að
segja með félagslegt húsnæði í Reykjavík, Reykja-
nesbæ og fleiri sveitarfélögum.
„Við höfum fengið margar kvartanir frá fólki
sem finnur fyrir ofnæmisviðbrögðum,“ segir
Björn. „Við höfum verið að árétta þessar reglur.
Við þurfum að gera okkur grein fyrir að aðrir
leigjendur hafa líka ákveðin réttindi,“ segir Björn.
- srs
Hópur fólks telur reglur um dýrahald í félagslegum íbúðum of strangar:
Rangt að úthýsa gæludýrunum
HUNDAR Reglur um dýrahald hefur lengi verið við lýði.
GETTY IMAGES
SJÁVARÚTVEGUR Útflutningur á
ferskum flökum og flakabitum
hefur fjórfaldast á síðustu 10 til
20 árum í tonnum talið. Frá 1997
hefur útflutningur þessara afurða
farið úr 9.000 tonnum í tæp 34.000
tonn árið 2013. Matís greinir frá
og segir að þessi þróun hafi verið
hvött áfram af áhugasömum hag-
aðilum og rannsókna- og þróunar-
vinnu, t.d. af Tækniþróunarsjóði
Rannís og AVS.
Árið 2000 voru flutt út rúm 500
tonn af ferskum flökum með skip-
um en nú er þessi tala fyrir 2013
ríflega 15.000 tonn, eða rétt tæpur
helmingur útflutningsins. - shá
Fjórföldun í útflutningi:
34.000 tonn út
af ferskum fiski
FERSKT Kælingin er lykilatriði.
FRÉTTABLAÐIÐ/GVA
EFNAHAGSMÁL Mun fleiri stjórn-
endur telja að núverandi aðstæð-
ur í atvinnulífinu séu góðar en að
þær séu slæmar, en flestir telja
þær hvorki góðar né slæmar.
Væntingar um að þær fari batn-
andi eru minni en áður. Þetta
eru niðurstöður könnunar Sam-
taka atvinnulífsins og Seðlabank-
ans á stöðu og framtíðarhorfum
stærstu fyrirtækja landsins.
Nægt framboð er af starfsfólki
en helst skortir það í flutningum
og ferðaþjónustu og bygginga-
starfsemi. Stjórnendur gera ráð
fyrir lítils háttar fjölgun starfs-
manna næstu sex mánuði. - fbj
Telja aðstæður góðar:
Bjartsýni fer
minnkandi
VEISTU SVARIÐ?
3
1
-0
3
-2
0
1
5

2
2
:2
6
F
B
0
8
0
s
_
P
0
7
5
K
.p
1
.p
d
f
F
B
0
8
0
s
_
P
0
6
6
K
.p
1
.p
d
f
F
B
0
8
0
s
_
P
0
0
6
K
.p
1
.p
d
f
F
B
0
8
0
s
_
P
0
1
5
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
4
5
9
-A
E
0
0
1
4
5
9
-A
C
C
4
1
4
5
9
-A
B
8
8
1
4
5
9
-A
A
4
C
2
8
0
X
4
0
0
5
B

F
B
0
8
0
s
C
M
Y
K