Skessuhorn - 20.06.2013, Side 6

6 FIMMTUDAGUR 20. JÚNÍ 2013
Sextán óku of
hratt og sex
óhöpp
LBD: Sextán voru kærðir
fyrir hraðakstur í umferðar-
eftirliti lögreglunnar í Borg-
arfirði og Dölum og sá sem
hraðast ók var á 123 km/
klst þar sem hámarkshraði
var 90. Sex umferðaróhöpp
urðu í umdæminu í vik-
unni sem leið og minnihátt-
ar meiðsli í tveimur af þeim.
Í þremur tilfellum voru bif-
reiðar það mikið skemmd-
ar að skráningarmerkin voru
fjarlægð. Fjögur óhöpp urðu
þar sem ekið var á lömb og
þau drápust. Tveir ökumenn
voru staðnir að því að aka
undir áhrifum fíkniefna og
var annar þeirra með fíkni-
efni í fórum sínum. Þá voru
tveir teknir fyrir að aka und-
ir áhrifum áfengis. Einn til
viðbótar var svo handsam-
aður með tvo lítra af landa í
fórum sínum.
–þá
UMFÍ vill end-
urskoða lög
DALIR: Stjórn UMFÍ legg-
ur til að lög Ungmenna- og
tómstundabúða að Laugum í
Sælingsdal verði endurskoð-
uð til samræmis við ábyrgð
á rekstri og að Dalabyggð
verði ekki tilgreindur eign-
araðili að búðunum. Sveit-
arfélagið Dalabyggð kom
að stofnun Ungmenna- og
tómstundabúða með UMFÍ
árið 2004. Frá upphafi hefur
framkvæmd og rekstur verið
í ábyrgð og umsjón UMFÍ.
Byggðarráð Dalabyggðar tók
tillöguna fyrir á fundi sínum
sl. þriðjudag og leggur til
að tillaga UMFÍ verði sam-
þykkt, þannig að Dalabyggð
hafi ekki beina aðkomu að
Ungmenna- og tómstunda-
búðum, en fulltrúar Dala-
byggðar verði áfram til sam-
ráðs sé þess óskað. Sveit-
arstjórn á eftir að fjalla um
málið.
-þá
Klettaborg
fékk styrk
BORGARNES: Stjórn
Lýðheilsusjóðs hefur úthlut-
að styrkjum úr Lýðheilsu-
sjóði fyrir árið 2013. Leik-
skólinn Klettaborg í Borg-
arnesi fékk 800.000 krónur í
styrk til verkefnisins „Heilsu-
eflandi leikskóli.“ Kletta-
borg er tilraunaleikskóli fyr-
ir verkefnið Heilsueflandi
leikskóli sem nú er unnið
að hjá embætti landlæknis,
byrjað var að vinna að verk-
efninu í Klettaborg haust-
ið 2011 um leið og innleið-
ing hófst í Grunnskólanum í
Borgarnesi. Innan leikskól-
ans hefur starfað stýrihópur
frá þeim tíma sem í eru þrír
leikskólakennarar auk leik-
skólastjóra. Markmiðið með
verkefninu er að leikskólinn
vinni markvisst heilsueflandi
skólastarf og setji sér heild-
ræna stefnu með góðu sam-
starfi allra starfsmanna leik-
skólans, foreldra, barna og
nærsamfélags.
–mm
Undirbúningur
Hvalfjarðardags
hafinn
HVALFJ.SV: Fyrirhugað er
að halda hinn árlega Hval-
fjarðardag laugardaginn 31.
ágúst nk. Í tilkynningu frá
menningar- og atvinnuþró-
unarnefnd Hvalfjarðarsveit-
ar segir að markmið dags-
ins sé að hvetja til sam-
veru íbúa Hvalfjarðarsveit-
ar, stuðla að menningarlegri
dagskrá sem endurspeglar
líf og starf svæðisins, bjóða
gesti velkomna í sveitarfé-
lagið og kynna það sem þar
er í boði. Nefndin óskar eftir
áhugasömum einstaklingum,
fyrirtækjum, félagasamtök-
um og öðrum þeim sem vilja
og geta tekið þátt í þessum
degi og undirbúningi hans.
Áhugasamir tilkynni þátt-
töku til skrifstofu Hvalfjarð-
arsveitar í síðasta lagi mánu-
daginn 24. júní.
–hlh
Starfsleyfi mjöl-
verksmiðju
AKRANES: Umhverfis-
stofnun auglýsti í Skessu-
horni í síðustu viku tillögu
að starfsleyfi HB Granda hf.
fyrir fiskimjölsverksmiðju á
Akranesi. HB Grandi áform-
ar að framleiða fiskimjöl og
lýsi úr allt að eitt þúsund
tonnum hráefnis á sólar-
hring. Um er að ræða end-
urnýjun leyfis fyrir starfsemi
sem staðsett er á Hafnar-
braut 2-4. Starfsleyfistillag-
an hefur legið frammi ásamt
fylgigögnum á skrifstofu
Akraneskaupstaðar og verð-
ur til 16. júlí nk. Einnig má
sjá starfsleyfistillögu ásamt
fylgigögnum á vef Umhverf-
isstofnunar.
–ákj
Síðastliðinn fimmtudag var fyr-
irtaka í skuldamáli í Héraðsdómi
Reykjavíkur. Stefnandi málsins er
fyrirtækið Drómi og er það til kom-
ið vegna innheimtu skuldar vegna
jarðakaupa fimm einstaklinga sem
allir eru fyrrverandi stjórnendur í
Kaupþingi. Það eru þeir Hreiðar
Már Sigurðsson, Ingólfur Helga-
son, Sigurður Einarsson, Stein-
grímur P. Kárason og Magnús
Guðmundsson. Einnig er félögun-
um Hvítstaðir ehf. og Langárfossi
ehf. stefnt. Forsaga dómsmálsins
er sú að árið 2003 stofnuðu fimm-
menningarnir félagið Hvítstaði til
kaupa á samnefndri jörð og fleiri
jörðum við Langá á Mýrum, en
jarðirnar voru ætlaðar undir sum-
arhús en þeim fylgir einnig mikil
laxveiðihlunnindi. Síðar keypti fé-
lagið Langárfoss fyrir 300 milljón-
ir króna, en eina eign Langárfoss
var samnefnd jörð sem hafði verið
keypt á 85 milljónir tveimur árum
áður en henni fylgja mikil laxveiði-
hlunnindi. Árið 2005 bauð Spari-
sjóður Mýrasýslu upp helming
jarðarinnar Grenja sem sparisjóð-
urinn hafði fengið frá Borgarbyggð
í makaskiptum fyrir aðra eign. Eig-
endur hins helmings Grenja buðu
að staðgreiða 55 milljónir króna
fyrir jörðina, sem var matsverð
hennar þá. Ellefu boð voru lögð
fram af félaginu Hvítstöðum í jörð-
ina, bæði undir og yfir matsverði.
SM tók tilboði Hvítstaða upp á
tæpar 70 milljónir og lánaði spari-
sjóðurinn sjálfur félaginu til kaup-
anna með fimm ára kúluláni.
Skuldin sem innheimta á með
dómsmálinu, er til komin vegna
kúlulána frá Sparisjóði Mýrasýslu
og SPRON, sem Drómi á nú.
Sparisjóður Mýrasýslu lánaði fé-
laginu samtals tæpar 100 milljónir
króna og SPRON rúmar 300 millj-
ónir. SPRON lánið átti að greiðast
árið 2010 en var endurfjármagnað í
desember 2008 og átti þá að greið-
ast árið 2013. Það lán gekk svo inn
til Dróma og ekki hefur verið stað-
ið við vaxtagreiðslur af því. Sök-
um þess hefur Drómi höfðað inn-
heimtumálið á hendur Kaupþings-
stjórnendunum fimm til að inn-
heimta lánið sem nú er um millj-
arður króna samkvæmt heimildum
Skessuhorn. sko
Það stefnir í metþátttöku
á Norðurálsmóti í knatt-
spyrnu sem fram fer á
Akranesi um næstu helgi.
Mótið er fyrir unga knatt-
spyrnumenn í 7. flokki,
6-8 ára, og er líklega það
stærsta fyrir þennan ald-
urshóp sem haldið er í
landinu. Að sögn Þórð-
ar Guðjónssonar fram-
kvæmdastjóra Knatt-
spyrnufélags ÍA er ljóst að
metfjöldi félaga mun taka
þátt að þessu sinni, þau
verða nú 28 í stað 27 áður. Þrjú ný
félög senda nú lið til mótsins, það
eru Grindavík, Ægir í Þorlákshöfn
og nágrenni og Sindri á Horna-
firði. Keppnisliðin verða 144 og er
það hámarksfjöldi þriðja árið í röð.
Keppt verður á 18 völlum sam-
tímis og leiknir alls 576 leikir á
mótinu. Knattspyrnumennirnir eru
1240 skráðir sem eru til leiks. Gert
er ráð fyrir að 7-8000 manns leggi
leið sína á Jaðarsbakkasvæðið móts-
helgina.
Að venju hefst Norðurálsmót-
ið á ellefta tímanum á föstudags-
morgni með því að þátttökulið-
in safnast saman á Ráðhúsplaninu
við Stillholt og þaðan gengið fylktu
liði í Akraneshöllina þar sem mót-
ið verður sett. Keppni hefst síð-
an strax um hádegisbil. Að lokinni
keppni á föstudag er liðunum skipt
í deildir sem bera nöfn allra helstu
keppnisdeilda í Evrópu.
Úrslitaleikir fara fram á
sunnudagsmorgni og lýk-
ur mótinu að þeim lokn-
um með grillveislu og af-
hendingu viðurkenninga
og verðlauna. Þórður
Guðjónsson segir Norð-
urálsmótið skemmtileg-
asta verkefnið sem knatt-
spyrnuforystan á Akra-
nesi vinni að af mörgum
skemmtilegum. Að und-
irbúningi koma 30-40
manns og fjöldi sjálfboða-
liða við framkvæmd mótsins er var-
lega áætlaður 600-700. Aðstaða til
mótshalds er mjög góð á Skagan-
um. Leikjaland er á mótsvæðinu á
Jaðarsbökkum og tengir við Langa-
sandinn sem alltaf er vinsæll hjá
börnunum. Síðan er líka tenging
Garðalundar við tjaldsvæði móts-
gesta á Safnasvæðinu, með leik-
svæði og afþreyingu í skógræktinni.
þá
Dómsmál vegna innheimtu gjaldfallinna
lána vegna jarða á Mýrum
Útlit fyrir metþátttöku á
Norðurálsmóti
Frá keppni á Norðurálsmóti.