Skessuhorn - 26.06.2013, Blaðsíða 24

24 MIÐVIKUDAGUR 26. JÚNÍ 2013
Hvað er skemmtilegast á
Norðurálsmóti?
Róbert Ingi Bjarnason,
Álftanesi:
Að spila og skora mörk.
Ari Valur Atlason, KA:
Að spila fótbolta og gista í skól-
anum.
Marel Máni Bjarkason,
Keflavík:
Að keppa og hvíla sig á milli
leikjanna.
Hilmar Örn Pétursson, Þrótti:
Að skemmta sér, keppa, skora
mörk og gista.
Ólafur Matti Matthíasson,
Leikni:
Keppa, vera með strákunum og
gista í skólanum.
Spurning
vikunnar
(Gestir á mótinu á Akranesi
um síðustu helgi spurðir)
Vart verður annað sagt en mikil
hamingja hafi ríkt á íþróttasvæð-
inu á Jaðarsbökkum um helgina
þar sem fram fór Norðurálsmótið í
knattspyrnu, pollamót fyrir 6-8 ára
stráka. Mótið hófst um hádegisbil
á föstudaginn að lokinni skrúð-
göngu og mótssetningu. Leik-
ið var síðan á átján völlum fram
undir kvöldmat og síðan áfram
á laugardag. Á laugardagsmorg-
un var búið að skipta þátttökulið-
um upp í deildir eftir styrkleika og
hétu deildirnar eftir öllum helstu
atvinnumannadeildum í Evrópu,
auk þeirrar íslensku. Lokaleikirn-
ir fóru síðan fram á sunnudags-
morgni, en mótinu lauk með grill-
veislu og verðlaunaafhendingu um
hádegisbil á sunnudaginn. Mik-
ið fjör var í Akraneshöllinni þar
sem verðlaunin voru afhent. Á
Norðurálsmóti eru allir sigurveg-
arar, en flestir sigrar í deildunum
komu að þessu sinni í hlut Eyja-
manna og félaganna á höfuðborg-
arsvæðinu. Verðlaun fyrir prúðasta
liðið fékk Reynir í Sandgerði og
Víðir úr Garði sem áttu sameigin-
legt lið. Aðalverðlaunin á mótinu
eru hins vegar til liðs mótsins, en
að því vali kemur 15 manna dóm-
nefnd. Í þeirri viðurkenningu er
metin framkoma innan vallar og
utan bæði liðsmanna og stuðn-
ingsmanna og einnig umgegni
og snyrtimennska á öllum stöð-
um sem tengjast mótinu, svo sem
í matsalnum og á gististað. Þórður
Guðjónsson mótsstjóri sagði við
mótsslit að fjögur félög hefðu bar-
ist hart um þessi verðlaun, sem að
þessu sinni komu í hlut Gróttu á
Seltjarnarnesi.
Veðurguðirnir létu ekki sitt eft-
ir liggja að bæta góðu veðri alla
helgina við gott skipulag og fram-
kvæmd á Norðurálsmóti sem
heppnaðist einstaklega vel. Án
efa hafa allir farið ánægðir heim
að móti loknu, en nú sóttu Norð-
urálsmót lið frá fleiri félögum en
nokkru sinni, eða 28 félög. Keppt
var á 18 völlum samtímis og leiknir
vel á sjötta hundrað leikir. Knatt-
spyrnumennirnir voru um 1.240
skráðir til leiks og er áætlað að
íbúafjöldi Akraness hafi tvöfald-
ast yfir helgina. Það var almanna-
rómur gesta á Norðurálsmótinu
að skipulagning mótsins og fram-
kvæmd hafi verið gestgjöfum á
Akranesi til sóma.
þá
Veðurguðirnir hjálpuðu til
við gott Norðurálsmót
Þau voru mörg þrumuskotin á Norðurálsmótinu. Ljósm. þá. Heimamenn skunda hér af stað í skrúðgönguna klukkan 11 á föstudaginn.
Ljósm. hlh.
Mótið vekur athygli íþróttafréttamanna. Hér er Guðjón Guðmundsson, Gaupi, í
broddi fylkingar og fangar stemninguna á mótinu. Ljósm. hlh.
Sameiginlegt lið Reynis í Sandgerði og Víðis úr Garði var valið prúðasta lið
mótsins. Ljósm. hb.
Þúsundir gesta við mótsslitin í Akraneshöllinni sl. sunnudag. Ljósm. hb. Skagamenn og Keflvíkingar eigast við. Ljósm. þá.
Mark í aðsigi. Ljósm. þá. KR og Grótta eigast við. Ljósm. þá.