Skessuhorn - 26.02.2014, Blaðsíða 4
4 MIÐVIKUDAGUR 26. FEBRÚAR 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á
þriðjudögum. Auglýsendum er bent á að panta auglýsingapláss tímanlega.
Skilafrestur smáauglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar
greiða kr. 2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Heiðar Lind Hansson, blaðamaður hlh@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Okkur er
ekki treyst
Leiðari
Mál málanna í vikunni sem leið var án alls efa boðun ríkisstjórnarflokk-
anna um að leggja fram tillögu þess efnis að aðildarumsókn Íslands að ESB
verði afturkölluð. Verði þetta niðurstaðan mun aldrei reyna á raunveru-
legan vilja þjóðarinnar í einu stærsta máli heillar kynslóðar. Ergó; okkur
er ekki treystandi til að taka sjálfstæða ákvörðun. Þrátt fyrir að líklega sé
ég meira mótfallinn aðild Íslands að ESB en fylgjandi, hef ég þá eindregnu
skoðun að þjóðin eigi að fá að kjósa um málið. Það er af þeirri stærðargráðu
að allt annað má kalla yfirgang og jafnvel valdníðslu af hálfu ríkisstjórnar.
Óvissan myndi leiða til þess að við yrðum klofin í herðar niður í þessu máli
um ókomin ár. Ekki nóg með það; við verðum sett í skammarkrók þjóða
sem ekki er á treystandi í samningum né viðskiptum almennt.
Fyrir rúmlega tveimur áratugum bjó ég um nokkurra ára skeið í Dan-
mörku, einu af aðildarríkjum ESB. Á þeim tíma var Evrópusambandið
stofnað í núverandi mynd með undirritun Maastrichtsamningsins en Dan-
ir höfðu þá verið þátttakendur í Evrópusamstarfinu í nítján ár. Ytra starf-
aði ég við matvælavinnslu og reyndi eftir því sem málakunnáttan leyfði að
fylgjast með þjóðmálaumræðunni sem auðvitað snérist að stórum hluta um
þetta nýja og endurbætta Evrópusamband. Þarna náði ég að prófa ýmsa þá
hluti sem reynast Íslendingum hvað þyngstir í dag: Bjó um tíma í leiguhús-
næði en síðar í eigin íbúð. Þarna kynntist ég kjörum venjulegs launþega,
þurfti að leita á náðir bankakerfis til að fjármagna íbúðarkaup og vissi hvað
var eftir af laununum þegar búið var að greiða skatta og skyldur. Í stuttu
máli get ég fullyrt að kjör mín þarna ytra voru ekkert lakari en þau hefðu
verið við sambærilegar aðstæður hér heima; með svipaða vinnu, við kaup á
svipað stórri íbúð og svo framvegis. Þarna bjó ég semsagt í einu af Evrópu-
sambands ríkjunum og ég upplifði mig eiginlega jafn frjálsan og ég geri hér
heima. Því hef ég aldrei skilið þá Grýlu sem dregin er upp af þátttöku landa
í slíku samstarfi. Slíkt er ekki bara svart eða hvítt.
Engu að síður vil ég ekki gera lítið úr þeirri staðreynd að Íslending-
ar hafa sérstöðu þegar kemur að umráðarétti yfir auðlindum okkar. Við
erum jú eyþjóð með talsvert mikla sérstöðu í útvegi sem er hlutfallslega
stærri atvinnugrein en þekkist meðal annarra þjóða. Við síðustu ákvörð-
un ríkisstjórnarinnar mun hins vegar aldrei reyna á hvort við með alla okk-
ar sérstöðu hefðum fengið sérstaka meðhöndlun á forsendum hennar. Það
finnst mér súrt. Líklega munum við heldur ekki fá val um annan gjaldmið-
il, annars konar efnahagsstjórn en við þekkjum, jafnvel án verðtryggingar!
Allir þessir valkostir eru með einu pennastriki slegnir út af borðinu eða í
það minnsta dregið úr líkum að verði nokkru sinni. Hér munu peningaöfl
áfram ráða, gengisfellt þegar hentar og svo framvegis.
Ef nú verður samþykkt að afturkalla aðildarumsókn Íslands mun það
hafa ýmsar afleiðingar. Það mun m.a. leiða til þess að útilokað verður að
annað umsóknarferli hefjist í bráð og líklega ekki í okkar tíð. Hugsanlega
þó helst ef yfir okkur myndi dynja annað þjóðargjaldþrot eða aðrar þær
hörmungar sem kallað gætu á hreina og klára vorkunn annarra þjóða. Þrátt
fyrir það myndi Evrópusambandið alltaf taka Íslendingum með varúð og
tortryggni. Því er nær öruggt að kólna mun í samskiptum Íslands við aðr-
ar þjóðir. Þróun og framtíð EES samningsins verður líklega í óvissu og um
leið er Norðmönnum ögrað. Þeir eiga þar mikilla hagsmuna að gæta líkt og
við og Liechtenstein. Án þeirra eigum við harla fáa vini eftir.
Til að sátt náist um ákvörðun af þessari stærðargráðu verður einfaldlega
að senda málið í þjóðaratkvæðagreiðslu. Annað eins og af minna tilefni hef-
ur verið gert áður. Hvað liggur svona á? Einhliða uppsögn viðræðna eins
og ríkisstjórnarflokkarnir boða nú er versta mögulega niðurstaða sem hægt
er að fá, hvar í flokki sem menn standa. Þessi niðurstaða er ekki einvörð-
ungu slæm fyrir alþjóðasamstarfið heldur festir í sessi sundrungu meðal
þjóðarinnar, og er þó ekki á bætandi.
Magnús Magnússon.
Laust fyrir klukkan eitt á sunnu-
daginn var Björgunarsveitin Lífs-
björg kölluð út vegna slasaðs manns
við Rauðfeldargjá á sunnanverðu
Snæfellsnesi. Aðdragandi slyss-
ins mun hafa verið sá að maðurinn
var ásamt öðrum á göngu í fjalls-
hlíðinni við gjánna og mun hann
hafa runnið niður hlíðina, fram
af hengju og ofan í á. Björgunar-
sveitarmenn ásamt sjúkraflutninga-
mönnum og lækni fóru á staðinn.
Aðstæður voru erfiðar á slysstað en
hægt var að koma björgunarsveitar-
bíl langleiðina upp að gilinu og létti
það björgunarstörf til muna. Sam-
kvæmt tilkynningu frá Landsbjörgu
var maðurinn með meðvitund all-
an tímann. Sjúkrabíllinn ók með
manninn til móts við þyrlu Land-
helgisgæslunnar sem flutti hann
á sjúkrahús í Reykjavík. Hann var
talsvert slasaður.
mm
Endurskoðunar- og þekkingarfyrir-
tækið KPMG mun opna skrifstofu í
Stykkishólmi í næsta mánuði. Skrif-
stofa fyrirtækisins verður til húsa
að Aðalgötu 5, í sama húsi og Marz
sjávarafurðir eru með starfsemi í
dag. Það er Gyða Steinsdóttir frá-
farandi bæjarstjóri Stykkishólms-
bæjar sem mun veita skrifstofunni
forstöðu og hefur hún störf hjá
fyrirtækinu 1. mars næstkomandi.
Nánar er greint frá starfslokum
hennar í annarri frétt hér í blaðinu.
Gyða verður eini starfsmaður skrif-
stofunnar fyrst um sinn en hún
kemur til með að starfa í nánu sam-
starfi við skrifstofu KPMG í Borg-
arnesi. Starfssvæði nýju skrifstof-
unnar verður Snæfellsnes og næsta
nágrenni, meðal annars sunnan-
verðir Vestfirðir. Að sögn Haraldar
Arnar Reynissonar verkefnastjóra
hjá KPMG í Borgarnesi vill fyrir-
tækið með þessu færa þjónusta sína
nær heimafólki, enda sé það mark-
mið fyrirtækisins.
Gyða sem er viðskiptafræðing-
ur að mennt hefur verið bæjarstjóri
í Stykkishólmi frá sumri 2010. Þar
áður var hún í samstarfi með Sig-
urði Kristinssyni á bókahaldsstofu
í bænum. Stefnt er að því að skrif-
stofa KPMG í Stykkishólmi opni
formlega í mars. Haldin verður sér-
stök kynning samhliða opnuninni.
hlh
Bjarkey Gunnarsdóttir þingkona
Vinstri grænna gagnrýndi á Al-
þingi í gær forgangsröðun ríkis-
stjórnarinnar sem birtist í frum-
varpi fjármála- og efnahagsráð-
herra um gjaldskrárlækkanir. Hún
benti á að lækkanirnar snúi fyrst og
fremst að lækkun gjalda á áfengi,
tóbak og eldsneyti á sama tíma og
gjöld vegna heilbrigðisþjónustu
sem hækkuðu verulega um áramót
stæðu óhögguð. „Nú hefur verið
lagt fram frumvarp um gjaldskrár-
lækkanir þar sem m.a. er lagt til
að álögur á áfengi, tóbak og bens-
ín lækki og umhverfis- og auð-
lindaskattur verði lækkaður,“ sagði
Bjarkey og bætti við að að um 190
milljóna króna lækkun sé að ræða á
gjöldum af áfengi og tóbaki.
„Að ríkisstjórnin lækki áfeng-
isgjaldið um 0,97% en hrófli ekki
við 20% hækkun á heilbrigðisþjón-
ustu, sem bitnar jú eins og við vit-
um mest á þeim sem minnst hafa,
verður til þess að maður spyr sig
fyrir hvern þessi ríkisstjórn sé eig-
inlega,“ sagði Bjarkey og bætti við:
„Þetta er eitthvað sem við þurfum
að laga. Hafi okkur fundist rang-
indi vera í kerfinu eigum við að laga
og leiðrétta rangindin en ekki með
því að setja á eða hækka sjúklinga-
gjöld og lækka á sama tíma álögur á
brennivín og tóbak.“
mm
Guðmundi Arasyni íbúa í Borgar-
nesi finnst harla mikil mismunun
fólgin í álagningu
raforku og neyslu-
vatns eftir því hvar
fólk býr. Í stuttu
bréfi til Skessuhorn
segir hann að dreif-
ing raforku sé 57%
dýrari í dreifbýli en
í þéttbýli og telur
hann þetta óeðlileg-
an verðmun. Þá seg-
ir Guðmundur að
gjald fyrir neyslu-
vatn sé 27% hærra
í Borgarbyggð en
í 101 Reykjavík.
Sama verðskrá gildir
reyndar í Borgarnesi, Stykkishólmi
og Grundarfirði þar sem OR rek-
ur vatnsveiturnar á öllum þessum
stöðum. „Hjá mér er fastagjald fyr-
ir vatn 6.265 krónur og fermetra-
gjald vatns 275,76 kr. Ég bý í 164,2
m2 húsi og er upphæðin sem ég á
að greiða kr. 51.545,“ segir Guð-
mundur. Í Reykjavík og á Akranesi
er fastagjald vatns 5.491 kr. og fer-
metragjald vatns 213,05 kr. Fyrir
sambærilegt hús á þessum stöðum
er vatnsgjald því 40.474 krónur, eða
27% ódýrara en í Borgarnesi. Guð-
mundur óskaði eftir skýringum á
þessum óeðlilega verðmun.
Eiríkur Hjálmarsson upplýs-
ingafulltrúi Orkuveitu Reykja-
víkur staðfestir í svari til Skessu-
horns það verð sem Guðmund-
ur Arason nefnir.
Hann segir að þeg-
ar OR yfirtók vatns-
veitumál í Borgar-
nesi þá hafi það ver-
ið áskilið í samningi
við Borgarbyggð
að ráðist yrði í tals-
verðar fjárfesting-
ar enda vatnsbólið á
Seleyri ekki til fram-
búðar. „Það varð að
samkomulagi milli
Orkuveitunnar og
Borgarbyggðar að
ráðist yrði í nokkr-
ar fjárfestingar, þ.e.
vatnsöflun í Grábrókarhrauni og
lögð þaðan lögn sem þjónaði Borg-
arnesi og bæjum á leiðinni. Hluti
þess samkomulags var að tekna fyr-
ir fjárfestinguna yrði aflað með því
að vatnsverð yrði hærra í Borgar-
byggð,“ segir Eiríkur Hjálmarsson.
mm
Göngumaður hrapaði í Rauðfeldargjá
Rauðfeldargjá. Ljósm. úr safni.
Sjúklingurinn færður úr bílnum og í þyrluna. Ljósm. Lífs-
björg á Facebook.
KPMG opnar skrifstofu í Stykkishólmi
Gyða Steinsdóttir.
Neysluvatn misjafnlega dýrt
eftir þéttbýlisstöðum
Lækka álögur á áfengi og tóbak en
heilbrigðisþjónustu ekki