Skessuhorn - 26.02.2014, Blaðsíða 22

22 MIÐVIKUDAGUR 26. FEBRÚAR 2014
Frost og þýður til skiptis hafa ein-
kennt tíðarfarið það sem af er ári.
Þetta hefur ekki farið framhjá
grunnskólabörnum í Borgarnesi
sem hafa nýtt kuldatíðina síðustu
vikur til bregða sér á skauta ásamt
kennurum og foreldrum á ísilögð-
um velli í bænum og nágrenni hans,
m.a. á Álatjörn í Einkunnum. Að
sögn Hilmars Más Arasonar að-
stoðarskólastjóra hefur verið gott
skautafæri á tjörninni síðustu vik-
ur. Þar er góður klaki og gott pláss
fyrir vant og óvant skautafólk til að
athafna sig. Ýmsar listir hafa verið
leiknar í þessum ferðum og þá hafi
sumir leikið íshokkí. Hilmar seg-
ir grunnskólann leggja áherslu á
að hvetja nemendur sína til útivist-
ar og eru skautaferðirnar liður í því
starfi. Þá vill skólinn benda nem-
endum og foreldrum á tækifærin
sem bjóðast til útivistar í Borgar-
nesi og nágrenni. „Vegna þessa
höfum við verið að safna skautum
undanfarin ár til að gera nemend-
um kleyft að prófa. Skautarnir hafa
verið gefnir skólanum eða keyptir á
nytjamörkuðum á vægu verði. Við
fengum til dæmis höfðinglega gjöf
frá hjónunum Önnu Dóru Ágústs-
dóttur og Jóni Karli Jónssyni sem
gáfu okkur 13 pör af skautum fyr-
ir nokkru,“ segir Hilmar sem segir
gjafir sem slíkar nýtast vel.
Fleiri svell hafa einnig verið nýtt
í Borgarnesi til að fara á skauta,
bæði af grunnskólabörnum og íbú-
um. „Sumir hafa skautað á svelli
sem hylur grasflötina í Skalla-
grímsgarði. Þá ákvað Borgarbyggð
að fylla eina byggingarlóð við bíla-
stæði Landnámssetursins af vatni
að okkar beiðni fyrir skemmstu til
að búa til skautasvell. Þar er nú
komin góður ís þar sem kjörið er að
renna sér á skautum,“ bætir Hilm-
ar við. Hann hvetur fólk eindregið
til að draga fram skautana og nýta
svellin meðan tíðin leyfir.
hlh / Ljósm. Hilmar Már Arason.
Línuveiðiskipið Rifsnes SH frá
Rifi fór frá Akureyri árla á mánu-
dagsmorgun eftir að viðgerð lauk
á því hjá Slippnum þar í bæ. Rifs-
nes skemmdist töluvert fyrr í mán-
uðinum þegar óhapp varð í Rifs-
höfn. Línuskipið Tjaldur SH var
að keyra í spring sem kallað er
þegar tógið slitnaði með þeim af-
leiðingum að Tjaldur sigldi á skut
Rifsness. Þrátt fyrir þó nokkrar
skemmdir voru starfsmenn Slipps-
ins aðeins um viku að gera við Rifs-
nesið.
Góður þorskur í
Breiðafirði
„Það þurfti að taka niður íbúðir aft-
ast í skipinu til að komast að hluta
skemmdanna. Meðal annars varð
olíutankur fyrir hnjaski án þess það
kæmi þó gat á hann. Hins vegar
kom smá gat á íbúðahlutann en það
var allt ofan sjólínu. Þetta er allt úr
áli þarna aftur á. Þeir skáru þetta út
með slípirokkum bæði á afturgafl-
inum og þilfarinu,“ sagði Bjarni
Gunnarsson skipstjóri á Rifsnesi í
samtali við Skessuhorn í gær. Rifs-
nes var þá þegar komið á veiðar
fyrir miðjum Breiðafirði, búið að
leggja línuna og dráttur hafinn.
Bjarni var búinn að draga níu
rekka af línu þegar haft var sam-
band við hann. Hann sagði að mjög
góður þorskur væri að koma upp
með línunni. „Veiðin er líka ágæt.
Við höfum ekkert orðið varir við
loðnuna á þessum slóðum. Það
virðist minna um ýsu hér núna en
var um daginn. Við höfum annars
verið á flótta undan henni. Eins og
allir aðrir höfum við oft þurft að
sigla langar leiðir til að komast hjá
því að fá ýsuafla. Það var þá ann-
að fyrir um þremur árum þegar
við leituðum að henni út um allan
sjó. Allur okkar afli fer til vinnslu í
húsinu heima í Rifi nema þá helst
stærsti þorskurinn og aukategund-
ir eins og karfinn. Það fer á mark-
að.“ Allur afli er ísaður um borð
og veiðiferðirnar stuttar. Aðeins er
legið úti að jafnaði í tvo til fjóra sól-
arhringa.
Afar gott skip
Útgerð Rifsness, Hraðfrystistöð
Hellissands í Rifi, keypti skip-
ið notað frá Noregi í lok síðasta
árs. Það kom fyrsta sinni til sinn-
ar nýju heimahafnar þann 20.
nóvember. Rifsnes leysti af hólmi
eldra skip með sama nafni sem
hafði þjónað útgerðinni farsæl-
lega um margra ára skeið. Nýja
Rifsnesið var smíðað árið 1999,
var áður gert út frá Måløy í Vest-
ur Noregi og hét þá Polarbris.
„Þetta er feikna mikið skip. Því
var greinilega vel við haldið hjá
Norðmönnunum. Öll aðstaða um
borð er til fyrirmyndar, bæði vist-
arverur og vinnuaðstaða. Þetta er
mjög gott sjóskip og fer vel með
mannskapinn. Það er kannski
mesta byltingin, sagði Bjarni og
hélt áfram að draga línuna.
mþh/ Ljósm. Þorgeir Baldursson.
Í sumar gefst ungum Íslendingum á
aldrinum 18-28 ára tækifæri á fjög-
urra vikna menningar- og ævintýra-
ferð um slóðir íslensku landnem-
anna í Vesturheimi. Snorri West
verkefnið hefur verið starfandi í
Manitobafylki í Kanada frá árinu
2001 en nú gefst þátttendum m.a.
tækifæri á að ferðast um Íslend-
ingaslóðir í Washington í Banda-
ríkjunum. Verkefnið er skipulagt af
Þjóðræknisfélagi Íslendinga í Vest-
urheimi (INL of NA), Íslendinga-
deginum í Gimli, Snorrasjóði og
Íslendingafélögunum í fyrrnefnd-
um ríkjum.
Flogið verður til Washington
13.júní þar sem fulltrúar Íslend-
ingafélagsins þar í borg taka á móti
ungmennunum. Þar verður Hvíta
Húsið heimsótt og þann 17.júní
verður farið í mótttöku til sendi-
herra Íslands. Að nokkrum dög-
um liðnum verður farið til Kinmo-
unt, Ontario, ferðast um Íslend-
ingabyggðir þar og kynnst sögu
og menningu afkomenda land-
nemanna. Niagra fossarnir verða
heimsóttir ásamt Toronto Island.
Síðari hluti ferðarinnar fer fram á
Nýfundnalandi en þar er að finna
minjar fyrsta afkomanda Vestur Ís-
lendinga, Snorra Þorfinnssonar.
Undir lok ferðarinnar verður far-
ið til Halifax og m.a. heimsótt safn
sem hefur að geyma minjar Titanic
skipsins. Á meðan á ferðinni stend-
ur munu þátttakendur búa hjá fjöl-
skyldum af íslenskum ættum. Kom-
ið er heim að morgni 13. júlí.
Það er samdóma álit þeirra ung-
menna sem tekið hafa þátt í Snorra
West að upplifunin sé ógleymanleg
og að sterk vináttubönd hafi mynd-
ast við þær fjölskyldur sem þátttak-
endur hafa dvalist hjá. Þátttöku-
kostnaður er 2.200 kanadadollar-
ar (um 230.000 ISK) og er þá allt
innifalið, þ.e. flug, ferðir, gisting
og matur víðast hvar. Verkefnið er
styrkt af Icelandic Festival of Mani-
toba, Canada Iceland Foundation
og Guttormsson Family Founda-
tion.
Umsóknarfrestur er til 7. mars
n.k. og er hægt að nálgast umsókn-
areyðublöð á vefnum www.snorri.
is þar sem einnig finna má frekari
upplýsingar.
-fréttatilkynning
Tveir vaskir skipverjar á Rifsnesi taka við kössum með frosinni beitu sem tekin var
um borð á Akureyri.
Rifsnes SH komið úr Slipp og farið á veiðar
Línuveiðiskipið Rifsnes SH gert klárt til veiða frá Akureyrarhöfn. Þaðan var haldið
beint í Breiðafjörðinn.
Bjarni Gunnarsson skipstjóri á Rifsnesi
SH. Hann segist gamall sveitamaður,
upphaflega frá Böðvarsholti í Staðar-
sveit en nú búsettur á Rifi.
Snorri West
ævintýri fyrir
unga Íslendinga
Nemendur 4. bekkjar á skautum á svellinu við Landnámssetrið í síðustu viku sem
Borgarbyggð lét gera að beiðni grunnskólans. Þar hafa bæði nemendur og íbúar
rennt sér síðustu daga.
Grunnskólabörn í Borgarnesi
nýta gott skautafæri
Nemendur grunnskólans ásamt vinaliðum á skautum á ísilagðri Álatjörn í
Einkunnum.
Eftir að hafa rennt sér á skautum brugðu vinaliðarnir á það ráð að grilla pylsur
ásamt nemendum í fræðslurjóðrinu í Einkunnum.