Skessuhorn - 26.02.2014, Blaðsíða 27

27MIÐVIKUDAGUR 26. FEBRÚAR 2014
Leikdeild Umf. Skallagríms sit-
ur ekki auðum höndum þessa dag-
ana. Félagar í deildinni æfa af kappi
söng- og gleðileikinn Stöngin inn
eftir Guðmund Ólafsson. Stefnt
er að frumsýningu föstudaginn
14. mars í Lyngbrekku. „Leikrit-
ið byggir á 2500 ára gömlum gam-
anleik, Lýsiströtu eftir Aristofa-
nes. Þar fóru konurnar í kynlífs-
verkfall til að karlarnir semdu um
frið og hættu styrjaldarátökum,
en um leið er varpað ljósi á átök
kynjanna. Í Stöngin inn fara kon-
urnar í kynlífsverkfall til að karl-
mennirnir hætti að horfa á fótbolta
í sjónvarpinu. Leikritið er mjög líf-
legt og skemmtilegt. Mikil tónlist
er í verkinu og byggir hún á ABBA
lögum við íslenska texta. Leikhóp-
urinn var við stífar söngæfingar hjá
Theodóru Þorsteinsdóttur í Tón-
listarskóla Borgarfjarðar nú í janú-
ar,“ segir Olgeir Helgi Ragnarsson
formaður Leikdeildar Umf. Skalla-
gríms í samtali við Skessuhorn.
Stöngin inn var frumsýnd í fyrsta
sinn fyrir ári hjá sameiginlegu leik-
félagi Siglufjarðar og Ólafsfjarðar.
Það hlaut verðlaun sem athyglis-
verðasta leiksýning áhugaleikfélag-
anna og var í kjölfarið sýnt í Þjóð-
leikhúsinu, eins og jafnan fylgir
þeirri viðurkenningu. „Samlestur
hófst í desember, söng- og tónlist-
aræfingar í janúar og nú eru svið-
sæfingar hafnar í Lyngbrekku undir
leikstjórn Rúnars Guðbrandssonar,
sem hlotið hefur frábæra dóma fyr-
ir þær leiksýningar sem hann hef-
ur stýrt á undanförnum árum. Þá
stýrir Birna Hafstein dansatrið-
um,“ bætir Olgeir við. Sextán leik-
arar fara með hlutverk í Stöngin
inn, auk þriggja manna hljómsveit-
ar. Alls taka yfir þrjátíu manns þátt
í uppfærslunni en hún er númer 78
í röðinni af verkefnum Leikdeild-
ar Umf. Skallagríms frá upphafi, í
98 ára sögu Leikdeildarinnar sem
setti upp sitt fyrsta verk árið 1916.
Áhugasamir geta haft samband við
miðasölu Leikdeildarinnar í síma
846-2293. grþ
Aðalfundur Knattspyrnufélags ÍA
var haldinn sl. fimmtudagskvöld í
hátíðarsalnum á Jaðarsbökkum á
Akranesi. Fjölmenni var á fundin-
um og voru umræður fjörugar, að
því er fram kemur í tilkynningu
frá félaginu. Rekstrartap félagsins á
síðasta ári var 15,5 milljónir króna
en vegna tapaðra krafna upp á 2,5
milljónir var heildartap félagsins 18
milljónir. Fram kom að varasjóður
félagsins væri uppurinn en jákvætt
væri á móti að félagið er skuldlaust.
Rekstrartekjur voru 173 milljónir en
rekstrargjöld 191 milljón. Í tilkynn-
ingu frá fundinum segir að rekstr-
artap félagsins megi rekja til nokk-
urra þátta. Miklar sviptingar voru í
þjálfaramálum, skipt var um þjálfara
tvívegis hjá mfl. karla og einnig var
skipt um þjálfara hjá mfl. kvenna
fyrir tímabilið. Kostnaður við er-
lenda leikmenn fór verulega fram
úr áætlunum og plön um að bjarga
málunum í félagaskiptaglugganum
í júlí gengu ekki eftir. Þó að tekju-
áætlun hafi nokkurn veginn staðist
minnkuðu t.d. tekjur af aðgangseyri
um sex milljónir milli ára. Meistara-
flokkur kvenna stóð sig mjög vel á
árinu en þar var líka kostað til meiru
en áður hefur verið gert. „Stelpurn-
ar hafa mjög flotta umgjörð og er
stefnan að halda þeirri umgjörð
og gott betur á þessu ári og fjár-
magna það með sértækum aðgerð-
um,“ segir í tilkynningunni. Har-
aldur Ingólfsson framkvæmdastjóri
KFÍA lagði fram áætlun fyrir ný-
byrjað starfsár þar sem gert er ráð
fyrir að félagið sníði sér stakk eftir
vexti og lækki útgjöld um 40 millj-
ónir króna milli ára. Áætlunin gerir
því ráð fyrir að velta félagsins verði
um 151 milljón króna á árinu.
Ný stjórn
Miklar breytingar urðu á stjórnum
félagsins. Ingi Fannar Eiríksson
steig til hliðar sem formaður og í
stað hans var kosinn Magnús Guð-
mundsson forstjóri Landmæl-
inga Íslands. Með honum í stjórn
voru kosin Sævar Freyr Þráins-
son, Kolbrún Hreinsdóttir, Bjarn-
heiður Hallsdóttir og Örn Gunn-
arsson. Til vara Vigdís Elva Jóns-
dóttir og Ólafur Ingi Guðmunds-
son. Formaður afrekssviðs var kos-
inn Viktor Elvar Viktorsson og var
Berglind Þráinsdóttir endurkjör-
in sem formaður uppeldissviðs. Í
kjörnefnd voru kosin Gísli Gísla-
son, Jóhanna Hallsdóttir og Stein-
ar Adolfsson. Fram kom á fundin-
um mikil ánægja með það fólk sem
valist hefur í stjórnir félagsins og
var fólk sammála um að bretta upp
ermar og líta fram á veginn.
Uppbygging
til framtíðar
Fjölmargir kváðu sér hljóðs á fund-
inum og málefnaleg gagnrýni kom
fram á það sem vel var gert, hvað
betur má fara og hvert félagið stefn-
ir. Fram kom á fundinum að mikil
ánægja er með ráðningu Gunnlaugs
Jónssonar og Jóns Þór Hauksson-
ar sem þjálfara mfl. karla og einn-
ig að Magnea Guðlaugsdóttir leiði
áfram mfl. kvenna. Gunnlaugur
fór yfir þróunina þessa fyrstu mán-
uði í starfi. Leikmannahópurinn er
nokkurn veginn klár fyrir sumar-
ið, mest byggt á uppöldum heima-
mönnum en fimm leikmenn hafa
verið fengnir til liðs við félagið til
að styrkja hópinn. Gunnlaugur
nefndi að þeir hafi mikið verið að
vinna í sálfræðiþættinum og hafa
ásamt mfl. kvenna og fleiri iðkend-
um úr öðrum íþróttagreinum verið
að tileinka sér Key-Habits mark-
miðaþjálfun sem fer vel af stað.
Yngri flokka starfið var einnig til
umfjöllunar og var almenn ánægja
með hvernig staðið er að málum í
yngri flokkunum, aðstaðan góð og
vel menntaðir og reyndir þjálfar-
ar við störf. Ingi Fannar fráfarandi
formaður þakkaði fundargestum
góðan fund og sagði að bjart væri
framundan með nýju öflugu fólki
í störfum fyrir félagið. Magnús
Guðmundsson nýkjörinn formað-
ur bað fyrir kveðju og er tilbúinn
til góðra verka, en hann var staddur
erlendis þegar fundurinn fór fram.
þá
Á aðalfundi Knattspyrnufélags ÍA í
síðustu viku var kosin ný stjórn í fé-
laginu þar sem flest sæti eru skip-
uð nýjum fulltrúum. Nýr formaður
er Magnús Guðmundsson forstjóri
Landmælinga Íslands. Í samtali við
Skessuhorn sagðist Magnús hafa
haft mikinn áhuga á boltanum alveg
frá því hann ólst upp og átti heima í
Mosfellsbænum. „Reyndar er stutt
síðan að það var fært í tal við mig
að taka að mér formennsku í fé-
laginu. Spennandi tímar eru fram-
undan í fótboltanum á Akranesi og
ég er ánægður með að í stjórnir í
knattspyrnufélaginu hefur valist
mjög reynslumikið og gott fólk sem
ég hlakka til að starfa með. Á upp-
eldissviðinu hefur til dæmis ver-
ið unnið mjög öflugt starf undan-
farin ár og Norðurálsmótið í yngri
flokkunum er góður vitnisburður
um það,“ sagði Magnús. Aðspurður
hvers vegna hafi verið leitað til hans
að taka að sér formennskuna, sagði
Magnús að væntanlega hafi það ver-
ið vegna reynslu sinnar í stjórnum
fyrirtækja og félaga hér á landi og
erlendis. „Ekki síst er ég ánægður
að hafa með mér í stjórninni Sæv-
ar Frey Þráinsson fyrrverandi for-
stjóra Símans. Það var eftir okkar
samtal sem ég var ákveðinn í að slá
til. Báðir erum við markmiðsdrifnir
í okkar störfum og vitum hvað þarf
til að ná árangri í rekstri og ég held
að það komi sér vel. Ljóst er að for-
gangsverkefni hjá nýrri stjórn verð-
ur vinnuáætlun í að styrkja fjárhag
félagsins. Það hefur hallað undan
fæti hvað fjármálin varðar hjá KFÍA
síðustu misserin, sérstaklega síðasta
árið,“ segir Magnús.
Keppti í handbolta gegn
Skagamönnum
Magnús er sjálfur talsvert í íþrótt-
um og einkum eru langhlaup sem
hann hefur stundað síðustu árin.
Meðal annars hefur hann hlaup-
ið nokkur maraþonhlaup bæði hér
heima og erlendis. „Það er alltaf
hægt að finna sér tíma í hluti sem
eru skemmtilegir og það er ekkert
betra eftir vinnudaginn en fara út og
hreyfa sig til að losa um spennuna
og hlaða batteríin bæði líkamlega
og andlega. Ég held ég finni næg-
an tíma fyrir starfið í fótboltanum,
sérstaklega þegar líður að vorinu og
ég verð laus úr öðrum félagsstörf-
um sem ég er í núna.“
Magnús segir að það komi sér
líka vel við að taka við formennsk-
unni í KFÍA að hann hafi bakgrunn
í keppnisíþróttum. „Ég ólst upp
í fótboltanum í Aftureldingu al-
veg frá sjö ára aldri á Tungubökk-
um í Mosfellsbæ. Það var reyndar í
handboltanum í sama félagi sem ég
var mun lengur, eða í tíu ár eftir að
ég kom upp í meistaraflokk 17 ára
gamall. Á þessum tíma spiluðum
við m.a í deild með Skagamönn-
um í handboltanum og ég man eftir
troðfullu húsi og mikilli stemningu
í íþróttahúsinu við Vesturgötu.“
Gulir og glaðir áfram
Magnús segir að þó það verði eitt
fyrsta verkefnið að vinna með fram-
kvæmdastjóra félagsins að áætlun
til að styrkja fjárhagsstöðu félags-
ins. Þá verður einnig haldið áfram
með afreksstefnu félagsins. „Það
verður að sjálfsögðu áfram þann-
ig að við munum setja stefnuna á
Íslandsmeistaratitla. Kvennalið-
ið okkar er nú komið í efstu deild
og það er mjög mikilvægt að hlúa
vel að því liði og þjálfaranum henni
Magneu. Mér líst mjög vel á starf
Gunnlaugs Jónssonar þjálfara með
karlaliðið og hef fulla trú á því að
það eigi eftir að skila sér aftur upp í
efstu deild fljótlega þar sem Skaga-
menn eiga heima. Við í stjórn-
inni munum að sjálfsögðu standa
þétt við bakið á þjálfarateimum
allra flokka og framkvæmdastjóra.
Á endanum snýst starfið um að ná
sem bestum árangri í fótbolta og
um leið að stuðla að betra mannlífi
á Akranesi með þátttöku í uppeldi
barna og unglinga.
Magnús segist þakklátur fyr-
ir það traust sem honum hafi verið
sýnt með því að gera hann að for-
manni í félaginu og hann ætli að
gera mitt besta í því verkefni. „Það
er mjög mikilvægt að við eflum
samstöðu bæjarbúa fyrir fótboltan-
um á Akranesi og að við getum öll
verið stolt yfir því mikilvæga starfi
sem fram fer í kringum fótboltann.
Það fylgja því líka ýmis tækifæri að
Akranes verði áfram sá fótboltabær
sem hann hefur verið í gegnum tíð-
ina, þar eigum við glæsilega sögu
sem vert er að halda á lofti. Verum
áfram gul og glöð, mætum á völlinn
og styðjum liðin okkar, þau þurfa á
því að halda,“ sagði Magnús Guð-
mundsson nýr formaður Knatt-
spyrnufélags ÍA að endingu.
þá
Magnús Guðmundsson verður væntanlega oft á Akranesvellinum í sumar.
„Spennandi tímar framundan í fótboltanum á Akranesi“
-segir Magnús Guðmundsson nýr formaður Knattspyrnufélags ÍA
Svipmynd frá uppskeruhátíð ÍA.
Ný stjórn KFÍA þarf að takast á
við fjárhagsvanda félagsins
Leikhópurinn bregður á leik á síðustu söngæfingunni í Tónlistarskóla Borgar-
fjarðar í Borgarnesi í janúar. Ljósm. Gunnlaug S. Gunnlaugsdóttir.
Kynlífsverkfall út af
knattspyrnuáhuga
karlanna