Skessuhorn - 23.04.2014, Qupperneq 15

15MIÐVIKUDAGUR 23. APRÍL 2014
Reykhólahreppur óskar íbúum
og Vestlendingum öllum
gleðilegs sumars
Sveitarstjórn Dalabyggðar óskar Dalamönnum
og Vestlendingum öllum gleðilegs sumars
Eyja- og Miklaholtshreppur óskar
sveitungum sínumog öðrum
Vestlendingum gleðilegs sumars.
Það var kalt í veðri þegar skipverjar
á Hamri SH voru að gera klárt fyr-
ir rækjuveiðar á bryggjunni á Rifi á
dögunum. Þeir létu þó veðrið ekki á
sig fá og skýldu sér við kar á meðan
þeir voru að dytta að rækjutrollinu.
Gerðu þeir að gamni sínu á með-
an Þröstur Albertsson ljósmyndari
smellti af þeim mynd. Skipverjar
héldu loks til veiða á Hamri SH á
annan í páskum. þa
Frístundaklúbburinn Gaman –
saman á Akranesi hélt páskabingó
fimmtudaginn 10. apríl sl. Bingóið
var spilað í Þorpinu við Þjóðbraut
fyrir fullu húsi en talið er að rúm-
lega 150 manns hafi mætt og um
350 spjöld selst. Ágóði bingósins
varð tæpar 130 þúsund krónur. Að
sögn Ruthar Jörgensdóttur Rauter-
berg, starfsmanns í Þorpinu, mun
teymi barna og starfsfólks taka end-
anlega ákvörðun um í hvað pening-
arnir verða nýttir. „Við viljum endi-
lega gefa bæjarbúum, sérstaklega
þeim sem eru á aldrinum 10 – 13
ára og foreldrum þeirra, tækifæri
til þess að koma með hugmyndir
um hvað má nýta peningana í. Við
munum svo gefa fólki tækifæri til
að fylgjast með hvernig peningum
verður ráðstafað. Reyndar er hug-
myndin um að hafa smíðavöll á
Akranesi í júní okkur mjög ofarlega
í huga. En hvað sem við gerum, þá
mun það verða börnunum til góða
í gegnum starf Gaman – saman,“
segir Ruth að lokum. Hægt er að
senda hugmyndir á netfangið god-
arhugmyndir@gmail.com.
grþ
Í dag eru þeir með umboð fyrir
Bílabúð Benna sem flytur inn merki
á borð við Chevrolet og Opel. Síð-
an hafa þeir opnað vísi að verslun.
Það er meðal annars vegna þess
að N1 hyggst loka verslun sinni á
Akranesi í sumar. „Í dag eigum við
bremsuklossa í flestar bílategundir
á Vesturlandi og erum með lager af
kertum, rafgeymum, þurrkublöð-
um og dekkjum. Við seljum svona
hluti hiklaust yfir borðið til fólks
sem vill gera við bílana sína sjálft.
Ef við eigum ekki hlutina sem fólk
óskar eftir þá bjóðumst við til þess
að finna þá og panta. Við vitum svo
sem ekki hvað verður úr þessu hjá
okkur en það verður að vera hægt
að kaupa svona hluti á Vestur-
landi.“
Fólk reynir að spara í
viðhaldi á bílum
Rekstur bíla er stór þáttur í heim-
ilisbókhaldi hjá flestu fólki. Þrátt
fyrir krepputal þykir þeim félögum
bílafloti landsmanna ekki vera að
eldast svo mikið samanborið við
lönd erlendis.
„Þar sér maður oft bíla sem eru
löngu horfnir af götunum hér. Hins
vegar var það svo að ágætum bílum
hér á landi var bókstaflega keyrt á
haugana fyrir hrun. Fólk fór bara
með þá akandi í endurvinnsluna,
skrúfaði af þeim númerin og skildi
þá eftir til pressunar. Þetta var al-
gert rugl og hefur sem betur fer
breyst. Fólk heldur þó bílum ekkert
sérstaklega vel við í dag. Oft er ekk-
ert verið að sinna smá bilunum eins
og til dæmis ef rúðuhalarabúnaður
bilar. Það er bara látið vera. Vara-
hlutir eru líka oft mjög dýrir. Fólk
freistast til að gera bara við það sem
er nauðsynlegt til að halda bílun-
um gangandi. Þetta er bara staðan
í dag,“ segir Ólafur Eyberg.
mþh
Óskar Rafn Þorsteinsson hætti námi á sínum tíma í kjölfar kennaraverkfalls en er
nú brátt að ljúka menntun í vélvirkjun frá Fjölbrautaskóla Vesturlands. Skólinn
býður upp á að fólk geti menntað sig í þeirri grein samhliða því að stunda vinnu
og það hefur Óskar Rafn nýtt sér.
Ólafur Eyberg Rósantsson hefur starfað við bifvélavirkjun í fjölda ára og hefur
meistararéttindi í greininni. Auk þess er hann menntaður vélvirki.
Afar góð mæting var í bingóið í Þorpinu.
Söfnuðu yfir hundrað
þúsund krónum
Létu ekki kuldann á sig fá