Skessuhorn - 03.12.2014, Blaðsíða 16

16 MIÐVIKUDAGUR 3. DESEMBER 2014
Lokahóf útskriftarnema í Fjöl-
brautaskóla Vesturlands á Akranesi
var haldið síðastliðinn miðviku-
dag. Nemendurnir mættu í skólann
klæddir sem persónur úr Disney
myndinni Hinir ótrúlegu (e. The
incredibles). Útskriftarnemarnir
hófu daginn á að bjóða starfsfólki
skólans til morgunverðar klukk-
an átta. Í síðasta tíma fyrir hádegi
höfðu þeir svo skemmtun á sal skól-
ans fyrir skólafélaga og starfsmenn
og eftir hádegið fóru þeir í óvissu-
ferð. Gleðskap dagsins lauk með
dansleik nemendafélagsins í Gamla
Kaupfélaginu.
Meðfylgjandi myndir tók Linda
Dröfn Jóhannesdóttir, kennari við
FVA á lokahófinu.
grþ
Væntanlegir útskriftarnemar í Fjöl-
brautaskóla Snæfellinga í Grundar-
firði brugðu á leik í skólanum síð-
asta föstudagsmorgun. Þá fór fram
dimmitering þegar ellefu köku-
skrímsli eða „Cookie Monsters“
mættu á sal skólans, dreifðu kex-
kökum og öðrum sætindum og
héldu smá tölu þegar þau köstuðu
kveðju á samnemendur sína, kenn-
ara og aðra starfsmenn skólans. Vel
var tekið undir með þeim í söng og
lófaklappi og allt fór þetta afskap-
lega vel fram. Að lokum var hópn-
um svo boðið í vöfflur á kennara-
stofunni eins og hefð er fyrir. tfk
Á mánudagskvöld var ég á gangi um
Reykholt í leit að myndefni. Út í
kyrrðina barst ljúfur ómur frá kirkj-
unni og gekk ég á hljóðið. Þar var
söngfólk að æfa fyrir aðventutón-
leika, sem verða miðvikudaginn 10.
desember næstkomandi og gam-
an var að sjá að þar hafa sameinast
Reykholtskórinn og Kór Stafholts-
kirkju. Stjórnendur og meðleikarar
eru Viðar Guðmundsson og Jónína
Erna Arnardóttir.
Mikið þótti mér gaman að heyra
fólkið syngja jólalögin og var ekki
laust við að jólin bönkuðu uppá í
huga mér. Ég minntist þess hvað
það var yndislegt að fara til að-
ventutónleika með börnin mín.
Það varð í raun órjúfanlegur þátt-
ur í undirbúningi jólanna.
Er ég gekk upp götuna heim fór
ég að hugsa um það hvernig best
væri að hvetja alla foreldra til að
láta ekki samkomu eins og aðventu-
tónleika fram hjá sér fara. Hvernig
væri unnt að tryggja það að öll börn
upplifðu það og ættu síðan í huga
sér sem einn af mikilvægustu at-
burðum aðventunnar, að hafa notið
fallegrar kvöldstundar í faðmi kirkj-
unnar sinnar og við söng um fögn-
uð jólanna. Sú minning er ég viss
um að endist börnunum alla daga
upp frá því.
Mig langar því að hvetja alla for-
eldra til að koma í Reykholtskirkju
með börnum sínum miðvikudag-
inn 10. desember kl. 20:30 og njóta
kyrrðar og fagurs söngs og hug-
leiða fögnuð þann sem er á næstu
grösum. Þangað eiga að sjálfsögðu
allir erindi.
Megi kirkjan óma öll og öll-
um og þökk sé því fólki er leggur
á sig ómælda vinnu til að færa okk-
ur þann óm.
Reykholti, 2. desember 2014,
Guðlaugur Óskarsson.
Bæjarstjórnarfundur unga
fólksins á Akranesi var
haldinn í bæjarþings-
al Akraneskaupstaðar 18.
nóvember sl. Fimm full-
trúar ungs fólks á Akranesi
tóku til máls og var kom-
ið inn á ýmis mál, svo sem
dagskrá Írskra daga, upp-
setningu hreystibrautar og
þrengsli í skólunum, svo
fátt eitt sé nefnt.
Fyrst tók til máls Bryn-
dís Rún Þórólfsdótt-
ir fulltrúi Hvíta húss-
ins. Hún lagði fram til-
lögur að ýmsu sem bet-
ur mætti fara og nefndi til dæmis
að setja mætti upp fallegt skilti við
innkeyrslu við bæinn og að fjölga
mætti ruslatunnum í bænum. Þá
fjallaði hún um að sníða mætti dag-
skrá Írskra daga betur að þörfum
ungmenna á aldrinum 14 - 18 ára.
Einnig stakk hún upp á að betur
væri hugsað um leikvelli og að íbú-
ar í tilteknum hverfum gætu komið
að endurgerð þeirra.
Hreystibraut gæti haft
góð áhrif
Annar á mælendaskrá var Arnór Sig-
urðsson, fulltrúi Arnardals. Hann
benti á ýmislegt sem vel hefur verið
gert og lýsti yfir ánægju með Akra-
neshöllina og starfsemina í Þorpinu
og Arnardal. Hans meginmál sner-
ist hins vegar um hreystibraut. Hann
nefndi að slík braut myndi bjóða
upp á aukna og fjölbreyttari hreyf-
ingu, hægt væri að nota hana við
íþróttakennslu og tengja íþróttirn-
ar meira við útikennslu. Sagði hann
að möguleikar nemenda í frímínút-
um í Grundaskóla væru ekki miklir.
„Það segir sig sjálft að hreystibraut
á skólalóðina gæti klárlega leitt til
meiri hreyfingar og aukinnar þátt-
töku nemenda í frímínútum,“ sagði
Arnór. Sínu máli til rökstuðnings
nefndi hann meðal annars að hreyf-
ing geti haft góð áhrif á námsárang-
ur, að hún auki úthald og einbeitingu
nemenda.
Húsnæðisvandi
skólanna
Anna Mínerva Kristinsdóttir fulltrúi
nemendaráðs Brekkubæjarskóla
tók næst til máls. Hún gerði stöðu
tónlistarkennara að umtalsefni og
fjallaði um mikilvægi tónlistar. Auk
þess hvatti hún bæjarstjórn til að
hafa samráð við unga fólkið í bænum
þegar ákvarðanir verða teknar um
framtíð skólahúsnæðis á Akranesi.
Fulltrúi nemendafélags Grunda-
skóla var Katarína Stefánsdóttir.
Hún gerði aðstæður nemenda í ung-
lingadeild Grundaskóla að umtals-
efni. Sagði hún að nemendur í ung-
lingadeildinni hefðu engan samastað
í frítíma sínum í skólanum og kom
með hugmynd að lausn á aðstöðu-
leysinu. „Það væri hægt
að gera kennarastofu þar
sem brauðsalan og geymsla
nemendaráðs er. Í stað-
inn fengjum við rýmið sem
kennararnir eru með í dag.
Með því að opna það rými
væri hægt að gera nota-
lega setustofu fyrir okk-
ur þar sem við gætum haft
það notalegt saman sem
hópur,“ sagði hún. Að lok-
um skoraði hún á bæjar-
stjórnina að finna lausn
á húsnæðisvandanum og
þrengslum í skólunum.
Ungmenni í öll ráð
bæjarstjórnar
Síðastur á mælendaskrá var Sindri
Snær Alfreðsson sem talaði fyr-
ir hönd Nemendafélags Fjölbrauta-
skóla Vesturlands. Fjallaði hann um
aðstæður til að stunda líkamsrækt og
benti á að tækjabúnaður í æfingaað-
stöðu að Jaðarsbökkum væri úr sér
genginn. Þá fjallaði hann einnig um
æfingaraðstöðuleysi fyrir hljómsveit-
ir á Akranesi. Að lokum lagði Sindri
fram tillögu um að fá eitt ungmenni
í öll ráð bæjarstjórnar Akraneskaup-
staðar. „Mér þykir það afar mikil-
vægt þar sem ungmenni ættu nú
að hafa einhverja rödd í ákvarðana-
tökum bæjarstjórnar. Nú veit ég að
á Seltjarnarnesi var þetta gert fyrir
nokkrum árum og eru bæjarbúar þar
mjög ánægðir með þá ákvörðun,“
sagði Sindri. Bæjarfulltrúar tóku vel
í tillögur og hugmyndir frummæl-
enda á fundinum. Þeir sem ávörp-
uðu unglingana hrósuðu þeim fyrir
framkomu og jákvæðni og tóku und-
ir margar hugmyndanna.
grþ/ Ljósm. Akranes.is
Óformlegt Íslandsmót í rúllu-
pylsugerð varð haldið í húsakynn-
um ferðaþjónustunnar á Þurranesi
í Saurbæ laugardaginn 22. nóvem-
ber sl. Að sögn Valdísar Einars-
dóttur, eins aðstandenda keppninn-
ar, var að þessu sinni mætt með tíu
voldugar pylsur til keppninnar. Að
mati dómnefndar hrepptu tvö efstu
verðlaunin í keppninni rúllupyls-
ur frá hjónunum á Húsavík í Stein-
grímsfirði, Matthíasi Lýðssyni og
Hafdísi Sturlaugsdóttur. Í þriðja
sæti varð rúllupylsa frá Ragnheiði
Pálsdóttur frá Hvítadal í Saurbæ.
Þetta er þriðja árið sem rúllu-
pylsukeppnin er haldin. Hún var
í Sauðfjársetrinu á Sævangi í fyrra
og í Króksfjarðarnesi fyrsta árið.
Valdís segir að núna í sé í athugun
með að finna nýjan mótsstað fyrir
keppnina á næsta ári.
þá/ Ljósm. Dominique Plade.
Pennagrein
Kirkjan ómar öll – kirkjukórar sameinast
Frá æfingu Reykholtskórsins og Kórs Stafholtskirkju sl. mánudagskvöld.
Dimmiterað í FSN
Að vanda var mikið fjör á dimission.
Dimmiterað í fjöl-
braut á Akranesi
Útskriftarnemarnir voru klæddir sem persónur úr Disney myndinni Hinir ótrúlegu.
Fulltrúar unga fólksins á bæjarstjórnarfundinum: Arnór
Sigurðsson frá Arnardal, Sindri Snær Alfreðsson frá FVA,
Anna Mínerva Kristinsdóttir frá Brekkubæjarskóla, Bryndís
Rún Þórólfsdóttir frá Hvíta húsinu og Katarína Stefánsdóttir
Grundaskóla.
Róttækar hugmyndir komu fram á
bæjarstjórnarfundi unga fólksins
Rúllupylsurnar í keppninni voru fallegar og girnilegar.
Voldugar rúllupylsur kepptu á Þurranesi
Hafdís og Matthías frá Húsavík á Ströndum urðu í fyrsta
og öðru sæti í rúllupylsukeppninni. Með þeim á myndinni
er Halla Sigríður Steinólfsdóttir frá Ytri-Fagradal einn
aðstandandi keppninnar.