Læknablaðið - 15.11.2002, Síða 69

FRÁ HEILBRIGÐIS- OG TRYGGINGAMÁLARÁÐUNEYTI OG LANDLÆKNI
Lyfjamál 109
Hormónameðferð kvenna
í tilefni af umræðu um kosti og galla hormóna-
meðferðar um miðjan júlí og aftur nú síðastliðnar
vikur þykir rétt að benda á að síðustu tíu árin hefur
orðið tvöföldun á notkun lyfja í þessum flokki. Niður-
stöður úr stórri tvíblindaðri slembaðri rannsókn lágu
fyrir í júlí 2002 og benda til þess að ákveðin hormóna-
samsetning (samfelld samsett meðferð) geti verið vara-
samari en áður var talið. Þetta leiddi til þess að 10.
október síðastliðinn var sent dreifibréf með tilmælum
frá landlækni til allra lækna (sjá nánar á www.
landlaeknir.is)
Þeim sem vilja lesa meira um efnið er einnig bent
á frétt á vef landlæknis frá 15. júlí 2002.
í línuritinu er gerð tilraun til að nálgast eitthvað
hugmynd um hversu víðtæk hormónameðferð af
þessu tagi er með því að umreikna dagskammtatölur
yfir á konur eldri en 40 ára. Útkoman er sú að yfir
30% þeirra eru nú í hormónameðferð að staðaldri.
Hugsanlega hefði verið réttara að rniða við 45 eða 50
ára aldur og verður hlutfallið þá enn hærra. Rauða
línan táknar G03C östrógen, en þar eru á ferð 12 mis-
munandi sérlyf sem innihalda estradíól með mark-
aðsleyfi og eitt sem inniheldur estríól. Mest notuðu
formin eru forðaplástrar og töflur. Brúna línan,
G03D prógestógen, eru lyfin medroxýprógesterón,
noretísterón og tíbólón. Aukningin þar síðustu árin
er aðallega í lyfinu tíbólón. Bláa línan, G03F pró-
gestógen og östrógen, eru samsetningarnar noretí-
sterón/östrógen og kaflaskipt lyf með levónorgestrel/
östrógen og noretítsterón/östrógen.
Eggert Sigfússon
Höfundur er deildarstjóri
í Heilbrigðis- og
tryggingamálaráðuneyti.
Ráölagðir dagskammtar Notkun hormónalyfja
á 1000 konur 40 ára og eldri
Læknablaðið 2002/88 861