Fréttatíminn - 22.12.2014, Blaðsíða 38

H lutfall endurnýtingar á höfuðborgarsvæðinu hefur aukist jafnt og þétt á síðustu
tveimur áratugum og hófst flokkun
pappírsefna, málma, timburs og
spilliefna þegar á fyrsta starfsári
SORPU 1991. Síðan þá hafa bæst
við fjölmargir flokkunarmöguleikar
og er nú tekið við yfir 36 flokkum
úrgangs á endurvinnslustöðvum
SORPU, sem eru endurnýttir með
einum eða öðrum hætti. Á árunum
2012 og 2013 hófst svo blátunnuvæð-
ing í sveitarfélögum höfuðborgar-
svæðisins, þar sem íbúar svæðisins
höfðu möguleika á að fá tunnu undir
allar gerðir pappírsefna við heimili
sín. Í neyslukönnun Capacent árið
2013 kom í ljós að á heimilum 86%
íbúa höfuðborgarsvæðisins er úr-
gangur flokkaður. Blátunnuvæð-
ingin virðist hafa leitt til aukinnar
vitundar íbúanna um endurvinnslu
annarra úrgangsflokka en pappírs-
ins því hlutfall þeirra sem flokka alla
úrgangsflokka sem spurt var um
hækkar milli áranna 2012 og 2013.
Fjölmargar leiðir til að endur-
vinna
Fjölmargir möguleikar eru í boði
fyrir íbúa svæðisins til að skila hrá-
efni til endurvinnslu. Grenndargám-
ar og endurvinnslustöðvar eru víðs-
vegar um höfuðborgarsvæðið og er
sú þjónusta innifalin í sorphirðu-
gjöldum sveitarfélaganna. Fyrir þá
sem ekki vilja nýta sér grenndar-
gáma eða endurvinnslustöðvar er
mögulegt að panta sérþjónustu hjá
einkaaðilum.
Hægt að flokka og
endurvinna flestar
gerðir úrgangs
Þeir íbúar höfuðborgar-
svæðisins, sem nýta alla
endurvinnslufarvegi SORPU,
sitja nánast eingöngu uppi
með svokallaðan eld-
húsúrgang, þ.e. matarleifar
og bréfþurrkur. Bleiur, gælu-
dýraúrgangur og þess háttar
sem ekki er endurvinnslu-
farvegur fyrir, situr einnig
eftir. Slíkur lífrænn úrgangur
er því nánast það eina sem
fer í almennu sorptunnuna
(orkutunnuna) hjá þeim
sem mest flokka. Innihald
tunnunnar er urðað í Álfs-
nesi en nýtist engu að síður,
þar sem orkan sem verður
til við niðurbrot lífrænu
efnanna er virkjuð og nýtt
sem eldsneyti á bíla. Slíkt
hefur í för með sér mikinn
umhverfislegan ávinning
því metanið sem myndast
við niðurbrotið er áhrifarík
gróðurhúsalofttegund, sem
stuðlar að hlýnun jarðar.
 Endurvinnsla
SORPA stuðlar að aukinni flokkun
72% úrgangs frá sorphirðu
sveitarfélaga og endurvinnslu-
stöðvum er endurnýttur
Íbúar svæðisins hafa verið til fyrir-
myndar í að skila flokkuðum úr-
gangi eins og sjá má á myndinni, en
þar sést hlutfall úrgangs frá heim-
ilum sem er endurnýttur í gegnum
mismunandi ferla SORPU. Að jafn-
aði eru yfir 1 milljón heimsóknir
með flokkaðan úrgang á endur-
vinnslustöðvar og í grenndargáma
á ári hverju. Þá sýnir það vel vilja
íbúanna til að endurvinna að meira
magn úrgangs kemur til SORPU í
gegnum endurvinnslustöðvar en
í gegnum sorphirðu sveitarfélag-
anna.
Einfalt og skilvirkt kerfi er til
staðar á höfuðborgarsvæðinu sem
hefur skilað góðum árangri í end-
urvinnslu. Stefnt er að því að gera
enn betur og hætta alfarið urðun
úrgangs frá heimilum án þess að
fjölga ferðum sorphirðubíla um göt-
urnar með tilheyrandi umhverfis-
og samfélagsáhrifum. Við treystum
á áframhaldandi gott samstarf við
íbúa höfuðborgarsvæðisins, eigend-
ur okkar, því það er virkri þátttöku
íbúanna að þakka að góður árangur
hefur náðst.
Úrgangur flokkaður á
86 prósent heimila
höfuðborgarsvæðisins
Hlutfall úrgangs frá HEimilum sEm Er Endurnýttur í gEgnum mismunandi fErla sOrPu.
38 grænn lífsstíll Helgin 22.-28. desember 2014