Fréttatíminn - 05.06.2015, Síða 12

D Dauðaslys í umferðinni á liðnu ári voru fjögur og höfðu ekki verið færri frá árinu 1966 þegar kerfisbundin skráning hófst. Árið 2015 byrjar verr og athygli vekur að í tveimur nýlegum dauðaslysum á þjóðveg-
unum áttu útlendingar í hlut. Það vekur upp
spurningar um fræðslu erlendra ökumanna
á íslenskum vegum þegar ferðamönnum
fjölgar hratt og æ fleiri kjósa að aka sjálfir
um landið.
Í öðru tilvikinu varð vél-
hjólaslys í Hvítársíðu þar sem
ökumaður missti stjórn á hjól-
inu. Á myndum frá slysstað
sést að það varð á malarvegi
með þvottabretti sem skapar
hættu. Í hinu missti ökumað-
ur stjórn á jeppa á vegi með
bundnu slitlagi með þeim af-
leiðingum að bíllinn valt. Ráða
má af myndum af vettvangi að
vegurinn er mjór, eins og víðast
á íslenskum þjóðvegum. Orsakir slysanna
verða rannsakaðar en það þarf ekki að hafa
mörg orð um það að aðstæður til aksturs í
dreifbýli hérlendis eru aðrar en margir gesta
okkar þekkja.
Fyrir það fyrsta eru íslenskir þjóðvegir
mjóir og enn eru malarvegir hluti vegakerf-
isins, einkum á Vestfjörðum, þótt átak hafi
verið gert í að byggja hringveginn upp og
binda slitlag hans. Einbreiðar brýr eru víða,
blindhæðir og krappar beygjur. Þá mega öku-
menn vænta þess, ekki síst snemmsumars,
að lömb hlaupi þvert yfir veg. Þessar aðstæð-
ur eru framandi þeim sem koma frá löndum
með þróaðra vegakerfi en hér er og hætt við
að þeir sem óvanir eru geti fipast eða vari
sig ekki á þeirri hættu sem kann að leynast
á vegunum. Við þetta bætist að vegaviðhaldi
er víða ábótavant.
Erlendum ferðamönnum fjölgar hratt hér-
lendis, ekki bara á annatíma sumarsins. Þeim
fjölgar líka á öðrum árstímum og aka þá í
hálku og snjó, enda hefur verið lögð áhersla á
að lengja ferðamannatímabilið. Í rannsókn á
öryggi erlendra ferðamanna á vinsælli ferða-
mannaleið, milli Reykjavíkur og Gullfoss og
Geysis á tímabilinu 2011-2013, var kannað í
hve mörgum slysatilfellum útlendingar áttu
hlut að máli.
Rannsóknin sýndi að á þessu tímabili
urðu 86 slys á þessari tilgreindu leið. Þar
af voru skráð 35 tilvik þar sem útlending-
ar komu við sögu og jókst hlutfall þeirra
slysa eftir því sem leið á tímabilið, væntan-
lega vegna fjölgunar erlendra ökumanna á
vegunum. Sé miðað við þessa rannsókn er
hætt við að hlutfall útlendinga í umferðar-
slysum á þjóðvegum landsins muni aukast
enn. Fram hefur komið hjá lögreglunni að
hegðun erlendra ökumanna á þjóðvegunum
sé oft óútreiknanleg og nefnd hafa verið
dæmi þar sem þeir hafi beint eða óbeint
valdið óhöppum með aksturslagi eða hegð-
un. Tengjast þessi óhöpp meðal annars
skyndilegum ákvörðunum um myndatöku
og er þá, samkvæmt lýsingum lögreglu,
„neglt niður á staðnum og jafnvel beygt í
veg fyrir umferð sem á eftir kemur og er á
leiðinni framúr, eða umferð sem kemur úr
gagnstæðri átt,“ eins og Theodór Þórðar-
son, yfirlögregluþjónn í Borgarnesi, lýsti
ástandinu í fréttaviðtali. Hann sagði jafn-
framt að verkefni lögreglu og björgunar-
sveita hefðu aukist með fjölgun erlendra
ferðamanna. Þeir ækju út af á holóttum
malarvegum og misstu stjórn á ökutækjum
í lausamöl á bundnu slitlagi. Ökumennirnir
væru langflestir óvanir íslensku vegakerfi
og jafnvel þeim ökutækum sem þeir tækju
á leigu.
Það er því mikið í húfi fyrir alla að til fyr-
irbyggjandi aðgerða verði gripið. Það er á
ábyrgð samgönguyfirvalda, lögreglu, ferða-
þjónustaðila eins og bílaleiga og fleiri, auk
ábendinga til þeirra sem koma á eigin bíl
með ferjunni Norrænu. Ýmislegt hefur ver-
ið gert og er það vel, t.d. stýrisspjöld í bíla-
leigubílum með leiðbeiningum um akstur
á malarvegum, hraðareglum, ljósanotkun,
notkun bílbelta, ábendingum um bann við
utanvegaakstri, auk þess sem bent er á merki
sem tákna óbrúaðar ár, blindhæðir, einbreið-
ar brýr og sauðfé á vegi.
En betur má ef duga skal.
Nauðsyn upplýsinga til erlendra ökumanna á íslenskum þjóðvegum
Aukið hlutfall útlendinga í umferðarslysum
Jónas Haraldsson
jonas@frettatiminn.is
LóABORATORíUM LóA hjáLMTýsDóTTiR
Skeifunni 17, 108 Reykjavík. Sími: 531 3300. ritstjórn@frettatiminn.is Ritstjóri: Jónas Haraldsson jonas@frettatiminn.is Fréttastjóri: Hösk-
uldur Daði Magnússon hdm@frettatiminn.is. Auglýsingastjóri og stjórnarformaður: Valdimar Birgisson valdimar@frettatiminn.is. Framkvæmdastjóri: Teitur Jónasson
teitur@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti. VÍKURHVARF 6 • 203 KÓPAVOGUR • SÍMI 557 7720 • WWW.VIKURVERK.IS
O-Grill 3500 kr. 32.950
O-Grill 1000 kr. 27.950
Borðstandur kr. 9.595
Taska kr. 2.995
O-GRILL
12 viðhorf Helgin 5.-7. júní 2015
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Í ferðinni verður farið um eitt undursamlegasta svæði
Frakklands, Loire dalinn. Við heimsækjum bæinn Blois, stoppum
í Amboise þar sem Leonardo da Vinci dvaldi sín síðustu ár og
stöldrum við í Versölum á leið okkar til Parísar. Þar njótum við
lystisemda lífsins og skoðum helstu merkisstaði borgarinnar.
Verð: 199.600 kr. á mann í tvíbýli.
Mjög mikið innifalið!
Sp
ör
e
hf
.
Fararstjóri: Laufey Helgadóttir
13. - 20. september
Loire dalurinn & París
Sumar 26