Fréttatíminn - 22.05.2015, Síða 24

H elga Möller er glæsileg kona sem geislar af alls staðar sem hún fer. Alltaf
er hún brosandi og tekur á móti mér
á hlýlegu heimili sínu í Laugardaln-
um. „Ertu í Eurovisionstuði?“ spyr
hún. „Já eru ekki allir í stuði?“ segi
ég. „Hún var góð þessi rússneska,“
segir hún. „Hún er friðarboði, þó
Rússar séu það ekki,“ segir hún og
brosir að venju.
„Það eru 30 ára á næsta ári síðan
ég fór,“ segir Helga og hlær. Þar
minnist hún fyrstu þátttöku Ís-
lendinga í Eurovison-keppninni, í
Bergen árið 1986 með Pálma Gunn-
arssyni og Eiríki Haukssyni í ICY
flokknum. Helga var 28 ára þegar
hún fór og var búin að vera mjög
stórt nafn í íslensku tónlistarlífi
síðan hún sló í gegn með Þú og Ég
árið 1979.
„Ég hafði ekki verið að syngja
mikið þegar Eurovision skall á,“
segir Helga. „Þú og Ég starfaði
í fjögur eða fimm ár og eftir það
hafði ég verið að hugsa um dóttur
mína og fljúga og slíkt,“ segir hún,
en Helga hefur starfað sem flug-
freyja hjá Icelandair um áratuga
skeið. „Pálmi átti upprunalega að
flytja þetta bara einn, en svo var
ákveðið að bæta við einum karli
og einni konu. Ég fór bara í prufu
eins og fyrir hlutverk,“ segir Helga.
„Það voru prufur í gamla Hljóðrita
í Hafnarfirði með myndavélum og
öllu tilheyrandi, og maður söng lag-
ið. Þetta var allt undir stjórn Egils
Eðvarðssonar hjá RÚV og svo var
Gunnar Þórðarson þarna líka, því
hann sá um útsetningu lagsins,“
segir Helga. „Ég var svo valin ásamt
Eika til að vera með Pálma í þessu
og ICY flokkurinn varð til.“
Ísland var að fara að vinna
Helga segir að ástandið í þjóðfélag-
inu á þessum tíma hafi mikið snúist
um Eurovision. „Við vorum búin að
vinna þetta, og mörg ár í röð,“ segir
hún. „Ekki það að lagið var gott og
þetta var ágætlega flott hjá okkur.
Það var lagt alveg gífurlega mikið
í þetta. Búningar sem eru frægir í
dag,“ segir Helga. „Svo fékk RÚV
myndtæki til þess að gera mynd-
band og þegar ég hugsa til baka
þá vorum við með eitt besta mynd-
bandið í þessari keppni þetta árið.
Við ætluðum
að vinna
Eurovision
Það var farið alla leið með þetta,“
segir Helga. „Við ætluðum að sýna
fólki hvernig átti að vinna þessi
keppni. Við erum bara þannig þjóð.“
Helga, ásamt Pálma og Eiríki,
voru stórstjörnur á Íslandi og tekið
var eftir þeim hvert sem þau fóru.
Í Bergen voru þau ekki jafn þekkt
en Helga segir þessa viku sem þau
dvöldu í Noregi, hafi þeim liðið eins
og stórstjörnum. „Á þessum tíma
var þetta öðruvísi. Það var ekkert
net og umræðan um aðra kepp-
endur var engin hér heima,“ segir
Helga. „Þarna var ekki komin þessa
gríðarlega gagnrýni sem er í dag,
og er komin á netið um leið og eitt-
hvað gerist. Það þarf sterkt bein
til þess að þola það,“ segir hún. „Á
þessum tíma var þetta eitt stórt leik-
rit, sem stýrt var af Agli Eðvarðs.
Ég fór ekki úr húsi án þess að Ragna
Fossberg förðunarmeistari væri
búin að líta framan í mig,“ segir
Helga. „Ég labbaði alltaf í miðjunni,
á milli strákana, það er bara partur
af þessu. Við vöktum mikla athygli
af því að við vorum ný og Norður-
landaþjóð. Fólki þótti atriðið flott og
þar var okkur auðvitað spáð mjög
góðu gengi eins og venjulega,“ seg-
ir Helga og hlær. „Við vorum með
væntingar, ég viðurkenni það.“
Var þá sextánda sætið sjokk?
„Þú getur ímyndað þér það, segir
hún. Hjá öllum. Ég gleymi þessu
aldrei.“
Hefðir þú verið til í að fara aftur?
„Já, ég hefði alveg verið til í það,“
segir Helga. „Ég varð tvisvar sinn-
um í öðru sæti hér heima, og svo
reyndi ég mikið á sínum tíma að
komast í bakraddir. Mig langaði það
mikið til þess að komast með. Ég
veit samt í dag að ég var ekki valin
í bakraddir því röddin mín sker sig
svo úr að það er ekkert hægt að hafa
mig í bakröddum,“ segir Helga. „Ég
var mjög svekkt á sínum tíma að fá
aldrei að vera í bakröddum, en ég
átta mig á því í dag af hverju það
var,“ segir Helga og hlær. „Röddin
mín er bara ekki bakrödd.“
Jólaleg rödd
Eftir Eurovision fór Helga með ICY
flokknum um landið og söng mik-
ið í nokkur ár en svo tók hún sér
aftur pásu. „Ég átti strákinn minn
stuttu síðar og ég er bara þannig
að ég helga mig öllum verkefnum
sem ég er í, og gerði það með öll
börnin mín,“ segir Helga, en hún
á þrjú börn. „Ég dró mig bara úr
tónlistinni í smá tíma. Ég söng þó
alltaf reglulega með Geirmundi Val-
týssyni og Magnúsi Kjartanssyni.
Ég tók samt pásu mjög meðvitað.
Ég var samt alltaf með jólin,“ segir
Helga. „Jólin hafa alltaf verið minn
tími í tónlistinni. Það kom einu sinni
maður til mín sem fannst hann vera
að tala við jólin þegar hann talaði við
mig. Maggi Kjartans spurði hann
hvort hann vildi ekki bara pakka
mér niður með skrautinu, og ég hef
verið eins og jólaskraut í mörg ár,“
segir Helga. „Það fór í taugarnar á
mér á tímabili að það var eins og
fólk héldi að ég gæti ekki sungið
neitt annað en jólalög,“ segir hún.
„Ég tók meira að segja einu sinni
upp lag sem var um vorið og ástina
og fór með á útvarpsstöðvar um vor,
en ég fékk þau svör að þeim þætti
það of jólalegt. Röddin er of jólaleg.
Lagið fékk ekki spilun og ég hugs-
aði bara, ok, skítt með það.
Mér finnst þetta samt vera að
breytast, það er eitthvað í loftinu
sem segir mér að þetta muni breyt-
ast,“ segir Helga. „Maður ræður ekk-
ert ferðinni. Ég ákvað að vera bara
stolt af þessu. Kannski var maður
bara ekki nógu duglegur að pota sér
áfram. Ég vildi óska þess að ég hefði
haft einhvern umboðsmann sem pot-
aði mér áfram. Ég og Jói komum þó
alltaf reglulega fram sem Þú og ég,“
segir Helga. „Sérstaklega eftir 30
ára afmælið sem var fyrir sex árum
síðan, og svo kem ég alltaf reglulega
fram við hin og þessi tækifæri, svo
þetta eru nú ekki bara jólin,“ segir
Helga og brosir.
Stjarna á einni nóttu
Þú og Ég dúettinn varð vinsæll á
einni nóttu undir lok áttunda ára-
tugarins og segir Helga að það hafi
verið gríðarlega skemmtilegur tími.
„Platan varð gríðarlega vinsæl og
var kjörin plata ársins, árið eftir, og
ég söngkona ársins árið þar á eftir,“
segir Helga. „Þetta voru fjórar plöt-
ur í það heila. Ég var bara rúmlega
tvítug og allt í einu var ég orðin stór-
stjarna, bara eins og hún María litla
í dag,“ segir hún og talar um Euro-
visionfarann Maríu Ólafsdóttur.
Helga segir það hafa verið erf-
itt á þeim tím að vera kominn inn í
karlaheiminn sem tónlistarbransinn
var á þeim tíma og það hafi oft ein-
kennt söngkonur sinnar kynslóðar
að trana sér fram. „Alltaf var maður
eina konan í bandinu, og þau voru
Ég tók meira að
segja einu sinni
upp lag sem
var um vorið og
ástina og fór með
á útvarpsstöðvar
um vor, en ég
fékk þau svör að
þeim þætti það
of jólalegt. Rödd-
in er of jólaleg.
Árið 1986 tóku Íslendingar
þátt í Eurovision í fyrsta sinn
og þjóðin var á þeim bux-
unum að það væri formsat-
riði hverjir færu fyrir okkar
hönd til Bergen í Noregi. Við
myndum vinna þetta örugg-
lega. Eiríkur Hauksson, Pálmi
Gunnarsson og Helga Möller
voru stjörnurnar okkar og
traust þjóðarinnar var á þeirra
herðum. Helga Möller segir
þetta hafa verið ógleymanlegt
ferðalag og bæði flytjendur
og þjóðin öll var í sjokki þegar
niðurstaðan var aðeins 16.
sæti. Helga ræðir um Euro-
vision, jólin, flugfreyjustarfið
og endalausa baráttu söng-
konunnar að meta sig að
verðleikum.
Framhald á næstu opnu
24 viðtal Helgin 22.-24. maí 2015