Fréttatíminn - 22.05.2015, Side 60

60 matur & vín Helgin 22.-24. maí 2015
Kryddin frá okkur
eru ómissandi
í eldhúsið hjá ykkur
Krydd fyrir framandi matargerð
Arabískar nætur
Ljúfeng líbönsk blanda
til að kryddleggja, kjöt,
fisk, fugl og grænmeti.
Eþíópía
Gott til að kryddleggja
allt kjöt, fisk og
grænmeti.
Best á allt
Alhliða kryddblanda
fyrir allan mat, til
steikingar, í pottrétti
og margt fleira.
Búrsnittan
Frábær réttur fyrir þá sem hafa lítinn tíma.
Gott súrdeigsbrauð (til dæmis frá Sandholt eða
Coocoo’s Nest) sneitt í fleyga og raðað þétt saman á
ofnskúffu
150 g rjómaostur
2 msk rjómi
1 msk rósapipar og slatti af nýmöluðum svörtum pipar
2 þunnt sneiddar þroskaðar perur
20 döðlur – sneiddar (meira eftir smekk)
Lúka af valhnetum
150 g mulinn gráðostur (Gott að nota íslenskan eða
annan þéttan eins og Bleu D’Auvergne)
80-100 g rifinn gouda

Mér finnst best að skera brauðið í þunna fleyga svo að
hver biti hafi aðeins breiðari skorpu sem virkar eins og
gott handfang. Raðið brauðinu þétt saman á ofnskúffu.
Hræra saman rjómaost, rósarpipar og svartan pipar
og dreifið þessu jafnt yfir sneiðarnar. Stráið svo peru-
sneiðum, valhnetum og döðlum yfir sneiðarnar í jöfnum
hlutföllum. Síðast en ekki síst er mulinn gráðostur,
rifinn gouda og aðeins meira af rósarpipar sett yfir.
Inn í 210 °C ofn í 7-10 mínútur þar til það er gullið og
gómsætt.
Ostavision um helgina
Lokakvöld
Eurovision er
á laugardags-
kvöld og þá er
viðbúið að fólk
safnist saman
í heimahúsum
og geri vel
við sig í mat
og drykk. Við
fengum Eirnýju
Sigurðardóttur,
sem rekur
sælkeraversl-
unina Búrið úti
á Granda, til
að setja saman
girnilega rétti
sem frábært er
að gæða sér á
yfir keppninni.
Allt önnur eðla
Nóg fyrir 8-10 manns
Ég vildi búa til mína eigin útfærslu af eðlu
og þar sem sumarið er rétt handan við
hornið þá fannst mér berjabomba með
camembert og góðu hvítvíni vera málið..

300 g rjómaostur
1 msk rjómi
2 msk saxað ferskt basil
Nýmalaður svartur pipar eftir smekk
2 Camembert ostar – þroskaðir
400 g jarðarber og hindber
½ fræ úr ½ granat epli ( má sleppa)
Hrærið rjómaost, rjóma, basil og vel af
nýmöluðum svörtum pipar saman og
smyrjið í eldfast mót.
Toppið rjómaostblöndu með 2/3 af
berjunum og sneiddum camenbert. 2 msk
af Búrið epla- og rósmarín hlaupi dreift yfir
ostinn og berin.
Inn í 210 °C ofn í 8-10 mínútur eða þar til
osturinn er gullinn og bráðnaður.
Skreytið með rest af berjum, granatfræjum,
basil og pipar eftir smekk.
Ofnbökuð bleikja með kartöflustöppu og
sinnepsvinaigrette
Fyrir 4
Ofnbökuð bleikja
frá þeim besta
Atli Þór Erlendsson sigraði í keppninni um Matreiðslumann
ársins í mars og er nú á fullu að undirbúa sig fyrir Norðurlanda-
keppnina í matreiðslu sem haldin verður 6. júní næstkomandi.
Atli Þór starfar sem aðstoðaryfirmatreiðslumaður á Grillinu
á Hótel Sögu og tók vel í það að deila með okkur laufléttri og
sumarlegri uppskrift fyrir helgina.
Bleikja
1 kg bleikjuflök
Safi úr 1 sítrónu
Salt
100g smjör
Snyrtið bleikjuna og
fjarlægið öll bein. Leggið
flökin á smurðan bakka
og stráið salti yfir. Látið
standa í 5 mínútur. Kreistið
safann úr sítrónunni yfir
og dreifið smjörinu jafnt
á bleikjuflökin. Bakið í
ofni við 160°C í u.þ.b. 10
mín eða þar til fiskurinn er
eldaður í gegn.
Kartöflumauk
3 stk. bökunarkartöflur
(um 400g)
100 g rjómi
50 g smjör
u.þ.b. 20 graslauksstrá
Skrælið kartöflurnar og
skerið í teninga. Sjóðið
í saltvatni þar til soðnar
í gegn. Hellið vatninu af
kartöflunum. Sjóðið upp á
rjóma og smjöri og bætið
kartöflunum saman við.
Vinnið saman með sleikju
og bætið smátt skornum
graslauk saman við.
Spergilkál
1 stk. spergilkálhaus
1 l vatn
100 g salt
Skerið toppana af spergil-
kálinu og snyrtið. Alls ekki
henda stilknum! Sjóðið
upp á vatni og salti. Það
á að vera svo salt að þið
fáið illt í tunguna við að
smakka það. Spergilkálið
er soðið í saltvatninu í ca.
30 sekúndur eða þar til
það er fallega dökk grænt.
Sjáið hvernig það breytir
um lit við suðu. Berið strax
fram.
Sinneps-vinaigrette
50 g gott sinnep
30 g vandað edik
100 g hlutlaus olía
Hrærið saman sinnep og
edik. Hægt er að nota það
sem er hendi næst. Gott
er að eiga alltaf vandað
hvítvíns- og eplaedik. Svo
er olíunni bætt við í mjórri
bunu og hrært stöðugt í á
meðan. Þetta er prýðisgott
með fiski og sem salat
dressing.