Fréttatíminn - 22.05.2015, Síða 88
Alexander Harrason er sérleg-
ur áhugamaður um hlaupaskó.
Hann lærði íþróttafræði í
Noregi þar sem hann sérhæfði
sig meðal annars í mótun á
innleggjum, eða „Footbalance“.
Þegar kemur að því að velja
réttu hlaupaskóna segir
Alexander að mikilvægt sé að
hlusta á eigin líkama og ekki
fara eingöngu eftir merkjum
eða tískustraumum.
Þ egar kemur að því að velja hlaupaskó er mikilvægt að fá ráðleggingar fagfólks
hvort skórnir eigi að vera með
ákveðinni styrkingu og ágætt að
vita fyrirfram hverju maður sækist
eftir, það er hvernig tilfinningu
maður vill upplifa við hlaupin.
Hlaupastíll, lögun fótarins og
þyngd hlauparans skiptir svo einn-
ig máli,“ segir Alexander, en hann
starfar hjá Eins og Fætur Toga, þar
sem er meðal annars boðið upp á
göngu- og hlaupagreiningar. „Við
megum ekki vanmeta eigin líkama
heldur verðum við að hlusta á hann
við val á hlaupaskóm. Best væri
líklega að velja skóna blindandi, því
vinsældir einstakra merkja og litir
segja ekki endilega til um hvort
þetta sé akkúrat skórinn fyrir þig.“
Alexander segir þó að því oftar
sem maður kaupir sér hlaupaskó,
því auðveldara verður valið.
Léttari skór fyrir lengra komna
Alexander mælir með því að byrj-
endur í hlaupum velji sér skó með
réttri styrkingu, dempun og stuðn-
ingi. „Margir byrjendur detta í þá
gryfju að velja of létta skó. Byrjend-
ur þurfa á ákveðinni vörn að halda
þar sem styrkurinn í stuðnings-
vöðvum þar sem álagið verður mest
er minni en hjá vönum hlaupurum.“
Góðir hlaupaskór þurfa að uppfylla
ákveðin gæði en þurfa ekki endi-
lega að vera dýrustu skórnir. „En
það er yfirleitt sagt að maður eigi
ekki að spara þegar kemur að því
að kaupa rúm og það sama á við um
hlaupaskóna að mínu mati,“ segir
Alexander.
Endurnýjun eftir hverja 1000 km
En hversu oft er ráðlagt að fjár-
festa í nýjum hlaupaskóm? „Það
fer að sjálfsögðu eftir týpu skósins,
en ágætt er að miða við að endur-
nýjun á 800-1200 kílómetra fresti.
Endingin er því ekki mæld eftir
því hversu slitinn botninn undir
skónum er,“ segir Alexander.
Hann bendir jafnframt á að nú sé
mun auðveldara að fylgjast með
kílómetrafjöldanum, með tilkomu
hinna ýmsu snjallsímaforrita.
„Einnig er gott að fylgjast með
mjúka efninu í miðsólanum, svo-
kölluðu foam-efni. Í hverju skrefi
minnkar fjöðrunin eða dempunin
sem sólinn gefur af sér, einnig
rýrnar fjöðrunin með tíma óháð
notkun. Léttari skór innihalda
minna af þessu efni og endast því
skemur,“ segir Alexander. Hann
mælir auk þess með því að þeir
sem stunda hlaup af kappi eigi par
til skiptanna. „Annað hvort af sömu
tegund eða sambærilegri. Þannig
er hægt að dreifa álaginu og auka
endingu skónna.“ Óþarfi er þó að
henda gömlu hlaupaskónum strax.
„Þegar þú ert búinn að hlaupa
þessa 800-1200 kílómetra er ekki
þar með sagt að skórinn sé ónýtur.
Hann veitir kannski ekki nógu
góða vörn við hlaup en það er vel
hægt að nota skóna áfram í léttari
verk, til dæmis í vinnu eða í styttri
gönguferðir,“ segir Alexander.
Stærðin skiptir máli
Alexander segir að það geti
verið villandi að tala um skóstærð.
„Vissara er að tala um fótastærð.
Stærðir í hlaupaskóm eru yfirleitt
öðruvísi en í hefðbundnum skóm.
Auk þess þarf að passa vel upp á
að vera með nægjanlegt rými um
tærnar og tábergið. Breidd fótarins
skiptir einnig máli og hægt er að fá
skó með mismunandi breidd.“ Að
lokum vill hann benda þeim sem
ætla að hlaupa af stað inn í sumarið
að fara ekki of geyst af stað. „Lík-
aminn þarf að aðlagast og byggja
upp styrk í stuðningsvöðvunum
sem verða fyrir miklu álagi. Til að
koma í veg fyrir meiðsli á fyrstu
metrunum er því gott að flýta sér
hægt.“
Erla María Markúsdóttir
erlamaria@frettatiminn.is
útivist & hlaup Helgin 22.-24. maí 201512
Ný kynslóð af liðvernd
www.regenovex.isFæst í apótekum
Regenovex inniheldur samsetningu
tveggja náttúrulegra efna sem draga
úr sársauka og byggja upp liði
Alexander Harrason segir að mikilvægt sé að hlusta á líkamann þegar kemur að vali á hlaupaskóm. Ljósmynd/Hari.
Skiptu um skó á 1000 kílómetra fresti