Fréttatíminn - 22.05.2015, Side 90
útivist & hlaup Helgin 22.-24. maí 201514
P áll Ásgeir Ásgeirsson hefur skrifað leiðsögubækur um Ísland í meira en 20 ár. Sú
fyrsta kom út hjá Máli og menn-
ingu vorið 1994 og fjallaði um fjórar
gönguleiðir á hálendi Íslands. Nán-
ar tiltekið voru það Laugavegurinn,
Kjalvegur, Öskjuvegur og Lóns-
öræfi sem fjallað var um og miðað
við að ferðamenn gengju með allt á
bakinu án utanaðkomandi aðstoðar.
Þessi bók kom svo aftur út 2013 í
nokkuð uppfærðri útgáfu þar sem
ýmislegt hafði breyst á 20 árum.
Gönguleiðinni um Fimmvörðuháls
var bætt við.
Páll Ásgeir hefur ferðast um Ís-
land í 30 ár, eða þar um bil, og gerir
enn. Hann er leiðsögumaður í ferð-
um fyrir Ferðafélag Íslands og hef-
ur undanfarin sex ár stjórnað geysi-
lega vinsælum gönguverkefnum
fyrir félagið sem mjög mikil þátt-
taka hefur verið í. Þekktast þeirra
er verkefnið Eitt fjall á viku.
Á sumrin eru það einkum lengri
ferðir á vegum Ferðafélags Íslands
sem Páll Ásgeir leiðsegir í og eru
Hornstrandir og Fjallabak meðal
þeirra slóða sem oftast eru á dag-
skránni.
Hinn forni Kjalvegur er ákaflega
áhugaverð gönguleið og sú göngu-
leið sem félagar úr Ferðafélagi Ís-
lands fóru oftast um á fyrstu árum
félagsins fyrir nærri 90 árum. Leiðin
er sögurík, þétt vörðuð leið um fagra
náttúru, vel merkt og hentar flestum
sem fást vilja við gönguferðir.
Í sumar leiðir Páll Ásgeir farþega
Ferðafélags Íslands í fyrsta áfanga
raðgöngu sem á fjórum árum á að
liggja umhverfis Langjökul. Í sumar
verður gengið frá Hveravöllum og
í Hvítárnes. Gist verður í skálum
Ferðafélagsins í Þjófadölum, Þver-
brekknamúla og Hvítárnesi meðan
húsrúm leyfir en þátttakendur geta
einnig gist í tjöldum.
Á þessari leið er gert ráð fyrir að
víkja ofurlítið frá hinni hefðbundnu
leið og kanna afskekkta staði í ná-
grenni leiðarinnar eftir því sem veð-
ur leyfir. Þar má helsta nefna staði
eins og Fögruhlíð í Jökulkrók, Fróð-
árdali og leirur Fúlukvíslar en allir
þessir staðir eru sérlega fáfarnir og
áhugaverðir.
Útivist Páll ásgeir ásgeirsson hefur skrifað leiðsögubækur í 20 ár
Fréttatíminn hitar upp fyrir útivistarsumarið. Hér tökum við púlsinn
á Páli Ásgeiri Ásgeirssyni sem skrifað hefur fjölda leiðsögubóka
um landið. Hann er fararstjóri í athyglisverðum ferðum á vegum
Ferðafélags Íslands. Páll og Rósa Sigrún Jónsdóttir hafa ferðast um
landið í þrjá áratugi og skrifað um ferðir sínar.
Páll Ásgeir Ásgeirsson og Rósa Sigrún Jónsdóttir, eiginkona hans, hafa ferðast saman um landið í áratugi og skrifað um ferðir
sínar. Ljósmynd/Hari
Á fjöllum með Páli og Rósu
Hvítárnes – Hveravellir
Um Kjalveg hinn forna
Hinn forni Kjalvegur liggur um hálendið milli Langjökuls og Hofsjökuls. Í norðri
má segja að leiðin greinist eftir því hvort menn hyggjast halda niður í Skagafjörð
eða Húnaþing og eins má segja að í suðri greinist hún eftir því hvort menn voru
á ferð niður í Hreppa eða Biskupstungur. Allt að einu þá er það einungis sá hluti
leiðarinnar sem liggur milli jöklanna sem ber nafnið Kjalvegur.
Í þessari leiðarlýsingu er miðað við að göngumaður hefji ferð sína í Hvítárnesi og
ljúki henni á Hveravöllum. Til þess að komast í Hvítárnes er annað hvort hægt að fá
einhvern til þess að aka sér inn eftir en einnig ganga langferðabifreiðar um Kjalveg
á sumrum og hægt að taka sér far með þeim og stíga af í Hvítárnesi og um borð
aftur á Hveravöllum.
Gist í Þjófadölum
Ferð okkar hefst í Hvítárnesi þar
sem við gistum fyrstu nóttina í elsta
sæluhúsi Ferðafélags Íslands. Það
var byggt 1930 og hefur reglulega
verið endurbætt síðan. Þar geta gist
tæplega 30 manns í kojum eða á
svefnlofti.
Úr Hvítárnesi liggur leiðin að Þver-
brekknamúla þar sem Ferðafélag
Íslands á góðan skála. Þar er gott
að gista. Fallegt er í nágrenni Þver-
brekknamúla. Fram undan skálanum
er votlendi sem fjöldi uppsprettna
tryggir ríkulegan gróður og Hrútfell,
1396 metra hátt, gnæfir í norðri.
Eldra nafn á þessu fjalli úr munni
norðanmanna mun vera Regnbúða-
jökull. Þetta er tígulegt fjall, krýnt
jökulhveli og teygja sig fimm mis-
stórar jökultungur niður af kollinum.
Frá Þverbrekknamúla liggur leiðin
áfram norður Kjalhraun austan við
Fúlukvísl. Fyrst göngum við yfir
brúna á kvíslinni og beygjum svo til
norðurs þar sem kvíslin beygir.
Síðan liggur leiðin um slétt hraun og graslendi í Þjófadali undir Þjófadalafjöllum. Sá
sem ferðast með bakpoka getur ráðið sínum næturstað en ágætt er að gista í Þjófa-
dölum. Vel mætti hugsa sér að skipta leiðinni þannig milli daga að ganga úr Hvítár-
nesi í Þverbrekknamúla, gista þar í tvær nætur og nota lausan dag til þess að ganga
á Hrútfellið. Þaðan mætti ganga í Þjófadali, gista þar og enda svo á Hveravöllum.
Þessari leið má auðveldlega snúa við og byrja á Hveravöllum og enda í Hvítárnesi.
Hveravellir
Hveravellir hafa verið áfangastaður ferðamanna á leið um hálendið frá landnámi en
staðurinn varð ekki áningarstaður ferðamanna í hefðbundnum skilningi orðsins fyrr
en 1938 þegar Ferðafélag Íslands reisti eldri skálann af tveimur sem hér standa.
Í lok tuttugustu aldar varð Kjalvegur fólksbílafær milli byggða þegar brú var sett á
Seyðisá og við það mun umferð á Hveravöllum hafa aukist.
Um svipað leyti lauk ráðsmennsku Ferðafélags Íslands á Hveravöllum en þar hafði
félagið átt skála frá 1938. Rekstraraðilar á vegum Svínavatnshrepps tóku við og
hafa annast staðinn síðan.
Hveravellir eru heillandi og söguríkur staður þar sem Fjalla-Eyvindur og Magnús
sálarháski eiga sinn skerf hvor en leiðir manna hafa legið um þessar slóðir allt frá
landnámi.
25. maí:
Hvítasunnuhlaup Hauka. 14 og 17,5 km.
Utanvegahlaup um uppland Hafnar-
fjarðar. Ræst klukkan 10 frá Ásvöllum
í Hafnarfirði.
30. maí:
Heilsuhlaup Krabbameinsfélagsins. 3
og 10 km. Hefst kl. 19 við hús Krabba-
meinsfélagsins að Skógarhlíð 8 í
Reykjavík.
6. júní:
Mývatnsmaraþon. 3, 10, 21 og 42 km.
Hlaupið hefst og endar í Jarðböðunum
við Mývatn og hlaupið verður eftir
þjóðveginum í kringum Mývatn.
20. júní:
Mt. Esja Ultra fjallahlaup verður haldið
í fjórða skiptið. Þrjár vegalengdir eru í
boði með mismunandi hækkunum.
4. júlí:
Þorvaldsdalsskokkið, elsta skipulagða
óbyggðahlaup á Íslandi. Hlaupið hefst
við Fornhaga í Hörgárdal og lýkur
við Stærri-Árskóg á Árskógsströnd.
Hlaupið hefst kl. 12 en kl. 11 fer rúta frá
Árskógsskóla fyrir þá sem vilja geyma
bílinn við rásmarkið.
5. júlí:
Vestmannaeyjahlaupið. 5, 10 og 21,1
km. Hlaupið hefst við Íþróttamið-
stöðina kl. 12 og eru öll hlaupin ræst á
sama tíma.
22. ágúst:
Reykjavíkurmaraþon Íslandsbanka.
Stærsta hlaup sumarsins. Þátttak-
endur geta valið á milli sex vegalengda
sem henta fyrir alla aldurshópa og
fjölbreytt getustig.
Hlaup sumarsins
o ft getur verið hvetjandi að stefna að þátttöku í hlaupi og æfa sérstak-
lega með það í huga. Fjöldamörg
hlaup af ýmsum gerðum verða
haldin víða um land í sumar.
Því er um að gera að skoða dag-
skrána og finna hlaup við hæfi. Á
vefnum hlaup.is má nálgast upp-
lýsingar um hlaupin, auk þess
sem skráning fer einnig fram á
vefnum. Hér má líta á nokkur
hlaup sem fara fram í sumar: