Frjáls verslun - 01.01.2005, Page 17

FORSÍÐUGREIN
F R J Á L S V E R S L U N • 1 . T B L . 2 0 0 5 17
TEXTI: JÓN G. HAUKSSON
OG GÍSLI KRISTJÁNSSON Í ÓSLÓ.
MYNDIR: GEIR ÓLAFSSON
BJÖRGÓLFUR THOR OG JÓN TETZCHNER
Íslendingar eiga tvo leiðtoga í 237
manna hópi „Ungra leiðtoga“ sem taka
þátt í verkefninu Forum of Young Global
Leaders. Þetta eru þeir Björgólfur Thor
Björgólfsson og Jón S. von Tetzchner.
T
veir Íslendingar, jafnaldrar
sem ólust upp í Vesturbæ
Reykjavíkur, hafa fengið
viðurkenningu á heims-
vísu. Þeir hafa verið valdir
í 237 manna hóp „Ungra
leiðtoga“ sem taka þátt í verkefninu
Forum of Young Global Leaders. Þetta
eru þeir Björgólfur Thor Björgólfs-
son og Jón S. von Tetzchner. Þeir eru
fæddir árið 1967 og verða 38 ára á
þessu ári. Þetta er mikill heiður fyrir
þá. Þeir eru þarna innan um krón-
prinsa og prinsessur – sem og auðvitað
marga þekkta athafnamenn.
Jón S. von Tetzchner er sonur Elsu
Jónsdóttur og Norðmannsins Stephens
von Tetzchners, prófessors í sálfræði.
Hann ólst upp við Skólabrautina á
Seltjarnarnesi hjá afa sínum og ömmu,
Jóni Gunnlaugssyni lækni og Selmu
Kaldalóns, dóttur Sigvalda Kaldal-
óns, læknis og tónskálds. Jón gekk í
Menntaskólann í Reykjavík, MR, og
hélt eftir stúdentspróf til Noregs. Jón
býr núna í Noregi og er framkvæmda-
stjóri Opera Software ASA sem hann
stofnaði ásamt Norðmanninum Geir
Ivarsoy.