Frjáls verslun - 01.01.2005, Qupperneq 21

FORSÍÐUGREIN
F R J Á L S V E R S L U N • 1 . T B L . 2 0 0 5 21
Björgólfur er sömuleiðis á heimavelli sem kunnur fjárfestir og
fjármálamaður. Fjármálafyrirtækin koma mjög við sögu í heimsvið-
skiptum og fjárfestingum hvarvetna í heiminum. Nýjar fjárfestingar
skapa nýja framleiðslu og hagvöxt sem útrýmir fátækt í heiminum.
Hagfræðingar hafa síðustu 150 árin rætt um skiptingu auðsins.
Þeir hafa sagt sem svo að vissulega útrými hagvöxtur og stækkun
kökunnar fátæktinni en réttlát skipting hennar skipti líka máli við
að útrýma fátækt. Aukin heimsviðskipti, sem til verða vegna þess
að múrar í viðskiptum eru brotnir niður, auka á hagsæld. Íslendingar
þekkja það manna best. Jón Sigurðsson,
frelsishetja okkar Íslendinga, mælti fyrir
frjálsri verslun og frelsi í utanríkisvið-
skiptum Íslendinga og sagði að það væri
leiðin til aukinnar hagsældar þjóðarinnar,
leiðin út úr fátæktinni.
Út til Noregs eftir stúdentspróf frá MR
Annars er gaman að skoða feril þeirra
Jóns S. von Tetzchner og Björgólfs Thors
eftir nám í MR og Verslunarskólanum.
Jón hélt út til Noregs eftir stúdentspróf
frá Menntaskólanum í Reykjavík og hóf
nám í upplýsingatækni, bjó hjá föður
sínum og vann hjá norska símafyrirtækinu Telenor. Það var þar sem
samstarfið við forritarann Geir Ivarsoy hófst og þar byrjaði ævin-
týrið með vafra á árunum 1992 og 1993. Síðan stofnuðu þeir Geir
fyrirtækið Opera Software. Þeir settu upp fyrsta miðlarann í Noregi
og voru í hópi 400 fyrstu til að gera það í öllum heiminum. Jón er
löngu orðinn einn af þekktustu mönnum í norsku viðskipta lífi.
Framtíð í farsímum Opera hefur á rúmum tíu árum vaxið úr því að
vera föndur tveggja skólafélaga, með fátæklegt sparifé að bakhjarli,
í 200 manna fyrirtæki með starfsemi í Evrópu, Ameríku og Asíu.
Opera Software ASA er skráð í Kauphöllinni í Ósló og er í samstarfi
um Internetlausnir við fyrirtæki eins og Nokia, Sony-Ericsson, Mot-
orola og Samsung.
Opera er nú talið fremst meðal fyrirtækja í heiminum í gerð net-
lesara fyrir farsíma og sjónvörp. Framíðin er í farsímanum að mati
Jóns sem telur að sjónvörp og farsímar verði notaðir eins og tölvur
í framtíðinni. Nýjustu farsímar eru álíka öflug tæki og borðtölvur
voru fyrir nokkr um árum. Sjónvörp má líka nýta fyrir Internetið. Jón
spáir því að textavarpið hverfi innan fárra
ára enda sé það sambærilegt Internetinu
- en með mjög fáum síðum.
Það er athyglisvert að öll forrit, sem frá
Óperu koma, má nota jafnt fyrir tíu ára
gamlar tölvur sem alveg nýjar. Óperu vafr-
inn er til dæmis það lítill að tíu ára gamlar
tölvur ráða vel við hann. Enda heldur Jón
heimspeki gamla dótsins á lofti og segir að
gamlar tölvur séu alveg nógu góðar!
Jón er ekki aðdáandi gamalla tölva
vegna þess að honum finnist það sóun að
kasta gömlu dóti - og alls ekki vegna þess
að honum finnist gamlar tölvur fallegar.
,,Núna hafa um 700 milljónir manna aðgang að tölvum og Internet-
inu í heiminum. Ef allar gamlar og vel nothæfar tölvur væru í notkun
þá væri þessi hópur mun stærri.“
Jón segir að fyrirtæki sitt njóti góðs af að nytjastefnu þess fellur
mörgum í geð. Ópera á sér aðdáendahóp eins og stóru fótboltaliðin
í Evrópu. Þarna er ef til vill um 130 þúsund manna hóp að ræða.
,,Hugsjónin er að allir hafi aðgang að Netinu og geti nálgast upp-
lýsingar þar hvar sem er.“
Björgólfur Thor er á heimavelli sem
kunnur alþjóðlegur fjárfestir og
fjármálamaður. Spurningin er hins
vegar þessi: Hvað geta allir hinir
ríku, sem mynda hópinn, sagt af
viti um fátækt? Aukin viðskipti milli
landa sem og fjárfestingar fjárfesta
eru undirstaða hagvaxtar og ein leið
út úr fátækt.
Hámarkaðu nýtingu
rýmisins með skápum
frá RÝMI ehf.
Rými ehf. • Háteigsvegi 7 • 105 Reykjavík • Sími: 511 1100