Frjáls verslun - 01.01.2005, Page 38

38 F R J Á L S V E R S L U N • 1 . T B L . 2 0 0 5
fengið af þorskkvóta fyrirtækisins sem hluta
af söluverðinu. Hann vildi hins vegar ekki
gefa upp hve mikinn kvóta hann hefði farið
með út úr fyrirtækinu, það væri trúnaðarmál
á þessari stundu eins og kaupverðið.
Framtíðin björt Eskja á og gerir nú út þrjú
fiskiskip; Hólmaborg og Jón Kjartansson,
sem eru aðallega á loðnu og kolmunna, og
togarann Hólmatind. Fyrirtækið rekur mjöl-
og lýsisvinnslu og frystihús. Hjá fyrirtækinu
starfa nú um 140 manns. „Við erum bjart-
sýn á gott gengi fyrirtækisins í framtíðinni.
Loðnukvótinn hefur nú verið aukinn og
mun það koma okkur væntanlega til góða.
Vinnslugetan í landi er mikil, verksmiðjan
afkastar þúsund tonnum af loðnu til bræðslu
á sólarhring. Þá eigum við afkastamikil skip
til að sækja fiskinn. Framtíðin er því björt.“
Fyrirtækið á nú 8,9% hlut í loðnu-
kvótanum, sem nemur um 65 þúsund
tonnum á þessu fiskveiðiári. Þá á Eskja 20%
af kolmunnakvótanum og auk þess þorsk-
kvóta, sem Kristinn vissi ekki alveg hver
staðan væri á eftir að Elfar gekk út úr fyrir-
tækinu með hluta af honum. „Það er alltaf
sárt að sjá á eftir þorskkvóta, en þegar sala
fer fram á stórum hlut í fyrirtækinu þá verða
menn að gefa eitthvað eftir og finna mála-
miðlun. Við eigum von á því að geta bætt við
þorskkvótann í framtíðinni, þessi ráðstöfun
er aðeins hugsuð til bráðabirgða.“
Óttast ekki samkeppnina frá Alcoa um
vinnuafl Eskja hefur um árabil verið lang-
stærsti vinnustaðurinn á Eskifirði, en nú
er von á öðrum stórum vinnustað í næsta
nágrenni þar sem Alcoa er að reisa álverk-
smiðju í Reyðarfirði.
Kristinn segist ekki óttast að starfsfólk
Eskju hópist til vinnu í álverksmiðjunni.
„Ég er ekki hræddur við samkeppnina frá
Alcoa um vinnuaflið hér á svæðinu. Ég
held að þessi fyrirtæki eigi bæði eftir að
njóta góðs hvort af annars veru. Þau koma
til með að styrkja búset-
una hér enn frekar og
fólki á eftir að fjölga hér
í Fjarðabyggð með til-
komu álverksmiðjunnar.
Hér verða einnig til ýmis
ný þjónustufyrirtæki sem ella hefðu ekki
verið sett á fót. Búsetuskilyrðin breytast til
hins betra með tilkomu álverksmiðjunnar í
Reyðarfirði, að mínu mati,“ segir Kristinn.
Hraðfrystihús Eskifjarðar var stofnað
1944 og var tilgangurinn með stofnun þess
að skjóta stoðum undir fábreytt atvinnulíf
Eskifjarðar. Fyrsti framkvæmdastjóri félags-
ins var Leifur Björnsson. Seinni hluta sjötta
áratugarins hafði reksturinn gengið erfiðlega,
og leiddi það til þess að tveir
aðilar komu með nýtt hlutafé
inn í félagið árið 1960, þeir
bræður Aðalsteinn og Krist-
inn Jónssynir, og eignuðust
2/3 hlutafjár í félaginu, og
tóku við stjórn þess. Aðalste-
inn Jónsson (oft nefndur Alli
ríki) tók þá við starfi forstjóra
og Kristinn varð stjórnarformaður. Það er
ekki ofsögum sagt að forstjóratíð Aðalsteins
hafi verið tími mikillar uppbyggingar hjá fyrir-
tækinu þar sem kjarkur og áræði eldhugans
breytti nánast gjaldþrota félagi í eitt stærsta
og öflugasta sjávarútvegsfyrirtæki landsins.
Aðalsteinn gegndi forstjórastarfinu í 40 ár,
sem eru án vafa ein mestu uppgangsár í sögu
Eskifjarðar.
Fylgist með aflabrögðum Aðalsteinn er nú
orðinn 83 ára og fylgist enn vel með, að sögn
Kristins. Hann hefur símasamband við skip
fyrirtækisins nær daglega og fær fréttir
af aflabrögðum. „Við sem stjórnum
fyrirtækinu fáum oftast fiskifréttirnar
frá honum. Það má segja að hann sé
enn með puttana í þessu hvað þetta
varðar, annars kemur hann ekkert
nálægt rekstrinum, enda búinn að skila
sínu hlutverki vel. Enn eru sömu lög-
málin og voru áður hjá fyrirtækinu, að
fiska og vinna fiskinn.“
Á aðalfundi 2003 var samþykkt að
breyta nafni félagsins, úr Hraðfrysti-
húsi Eskifjarðar hf. í Eskja hf. Var
þetta gert til að svara kröfum um þjálla
nafn til að nota í samskiptum við erlenda
viðskiptaaðila og til að auka möguleika fél-
agsins til að selja framleiðslu sína undir
vörumerki. Tildrög nafnsins má rekja til
öskjulaga lautar er fyrirfinnst í hlíðum Esk-
ifjarðarheiðar og þá hét Eskifjörður í árdaga
Eskjufjörður.
Þetta var í annað sinn á átta mánaða
tímabili sem félagið fer í gegnum
breytingar á eignarhaldi. Í byrjun ársins
2004 keypti Eskja upp hlutafé 237
hluthafa.
Aðalsteinn er nú orðinn 83 ára
og fylgist enn vel með, að sögn
Kristins. Hann hefur símasamband
við skip fyrirtækisins nær daglega
og fær fréttir af aflabrögðum.
E L F A R S E L D I Ó V Æ N T S I N N H L U T