Frjáls verslun - 01.01.2005, Side 69

F R J Á L S V E R S L U N • 1 . T B L . 2 0 0 5 69
H
elgi Bernódusson tók nýlega við starfi skrifstofustjóra Alþingis
af Friðriki Ólafssyni. Skrifstofustjóri Alþingis er eins konar
framkvæmdastjóri stofnunarinnar og starfar í umboði forseta
þingsins. Helgi hefur starfað hjá Alþingi samfleytt 22 ár í fullu starfi
en hafði áður unnið þar með námi í 5 ár. Hann ætti því að vera
orðinn nokkuð vel hnútum kunnugur á vinnustaðnum.
Starf skrifstofustjóra Alþingis má rekja allt aftur til ársins 1593,“
segir Helgi og vísar til þess að þá var embætti „alþingisritara“ fyrst
stofnað. „Við endurreisn þingsins árið 1845 voru ráðnir sérstakir
„skrifarar“ fyrir forseta og árið 1875, þegar þingið fékk löggjafarvald
að nýju, var titlinum breytt í „skrifstofustjóra“ og hann ráðinn tíma-
bundið meðan þing stóð. Árið 1915 var embættið gert að fullu starfi
og síðan hafa aðeins fimm menn gegnt því.
Fyrstur þeirra var Einar Þorkelsson sem var skrifstofustjóri
til ársins 1921 þegar Jón Sigurðsson frá Kaldaðarnesi tók við. Hann
gegndi starfinu allt til ársins 1956 en þá var Friðjón Sigurðsson ráðinn.
Friðrik Ólafsson tók síðan við af Friðjóni árið 1984 og lét af því fyrir
aldurs sakir nú í ár. Þessir menn gegndu starfinu lengi, sem að mörgu
leyti er kostur því með því skapast nauðsynleg samfella í starfseminni.
Veturinn 1993-94 var Ólafur Ólafsson skrifstofustjóri í forföllum Frið-
riks en Ólafur starfaði á skrifstofunni í um 40 ár,“ segir Helgi.
Miklar breytingar undanfarin ár Helgi Bernódusson er fæddur í Vest-
mannaeyjum árið 1949 og ólst þar upp í stórum systkinahópi. Foreldrar
hans voru þau Aðalbjörg Bergmundsdóttir verkakona og Bernódus
Þorkelsson skipstjóri. Að loknu gagnfræðaprófi fór Helgi einn vetur
á lýðháskóla í Danmörku en settist síðan í Kennaraskólann og lauk
þaðan kennara- og stúdentsprófi. Að loknu BA-prófi og kandídatsnámi
í íslensku og málvísindum, og vetrardvöl við nám í Bandaríkjunum, var
Helgi um skeið bókavörður í Vestmannaeyjum. Meðfram háskólanámi
starfaði hann við prófarkalestur og fleiri störf hjá Alþingi og 1983 sótti
hann um starf deildarstjóra á skrifstofu þingsins og fékk það. Síðast-
liðinn rúman áratug hefur Helgi verið aðstoðarskrifstofustjóri, eða þar
til hann tók við embætti skrifstofustjóra 20. janúar sl.
HELGI ER TEKINN VIÐ