Frjáls verslun - 01.10.2005, Side 18

FORSÍÐUGREIN • GRÁÐUSNOBB
„Líklega teljumst við Íslendingar gráðu-
snobbarar,“ segir Guðný Harðardóttir, fram-
kvæmdastjóri ráðningarstofunnar STRÁ
MRI ehf. Hún bendir á að nú sé mikið fram-
boð menntunar.
„Miðað við höfðatölu hefur orðið umtals-
verð fjölgun vel menntaðra einstaklinga,
sérstaklega hin síðari ár. Háskólum lands-
ins hefur fjölgað og aukið framboð mennta-
leiða.“
Guðný segir að menntunin sé jafnframt
ólíkt uppbyggð hjá háskólunum og því
miður megi halda því fram að offramboð
sé í menntun í sumum greinum en í aðrar
greinar vanti fólk. „Það sem gerist við
slíkar aðstæður er að störfin breytast í
takt við framboð menntunar. Nú eru ráðnir
betur menntaðir einstaklingar í þau störf
þar sem áður voru ráðnir minna menntaðir
einstaklingar.“
Guðný bendir á að Háskóli Íslands hafi
framan af verið eini háskólinn sem útskrif-
aði viðskiptafræðinga. „Í dag eru fleiri
háskólar að útskrifa viðskiptafræðinga og
námsleiðir hafa styst. Háskólarnir útskrifa
sína nemendur með BS-gráðu eftir þriggja
ára nám en áður tók viðskiptafræðinámið
fjögur ár.
Vinnuveitendur átta sig ekki allir á
að viðskiptafræðinámið er ekki eins upp-
byggt hjá þessum skólum. Til að mynda
eru nemendur frá Samvinnuháskólanum,
áður taldir rekstrarfræðingar, sem og frá
háskólanum á Akureyri, nú nefndir við-
skiptafræðingar. Það sama er að segja
um áðurnefnda markaðsfræðinga frá
Tækniháskólanum. Menntunargráðu frá
erlendum háskólum skarta margir Íslend-
ingar og rýna þarf vel í uppbyggingu þess
náms. Auk þess skiptir virðingarsess skól-
ans líka máli.“
STRÁ MRI er í samstarfi við elstu
og stærstu ráðningarstofu í heimi, MRI
WORLDWIDE. Guðný segir að erlendir
kollegar sínir verði hissa þegar þeir heyra
að hér séu átta skólar með kennslu á
háskólastigi. „Þeir eiga það jafnvel til að
efast um ágæti þessarra skóla og gæði
námsins. Við státum af ágætum háskólum
í okkar litla landi, gerum kröfur til okkar
sjálfra og skilum þeim ágætlega út í
atvinnulífið. Það vantar hins vegar fleiri iðn-
menntaða einstaklimga.“
Guðný segir að gráður geti verið góðar
þegar þær eru nýttar sem skyldi. „Gráða
frá einum skóla þarf ekki að vera jafngóð
og frá öðrum skóla. Þekkt er að erlendir
háskólar veiti gráður sem eru ekki endi-
lega hátt skrifaðar, gæðaeftirlitið vill fara
forgörðum. Hægt er að fá alls konar
gráður í gegnum Internet-skóla, jafnvel að
kaupa ýmsar gráður og diplómur.“
Hún bendir á grein sem birtist í tímarit-
inu Tölvuheimi á sínum tíma. Þar segir að
saksóknari nokkur í Bandaríkjunum hafi
kært Internetháskóla fyrir að selja falsaðar
háskólagráður. Við rannsókn málsins gátu
yfirvöld meðal annars orðið sér úti um
MBA-viðskiptagráðu fyrir kött. Í greininni
segir: „Þeir sem rannsökuðu málið greiddu
299 dollara (um 20.000 krónur) fyrir MBA
gráðu handa Colby nokkrum Nolan - sem
er sex ára gamall köttur yfirmanns dóms-
mála í Pennsylvaníu. Í umsókninni sögðu
þeir köttinn hafa reynslu í barnaumönnun
og verslunarstjórnun.“
Guðný bendir enn fremur á að Íslend-
ingar séu ekki alltaf að skoða hvaða nám
sé í raun og veru að baki prófgráðanna.
„Við hjá STRÁ MRI förum alltaf fram á að
útskriftargögn fylgi umsóknum nýútskrif-
aðra og jafnvel þó viðkomandi hafi faglega
reynslu. Oft bregður umsækjendum við
ósk þeirri og sumir viðurkenna að þeir eigi
lokaritgerðina eftir. Meira að segja ,,stúd-
entinn“ á kannski eftir að taka nokkur
próf. Þetta hefur því miður gerst allt of oft
í áranna rás.“
Að mati Guðnýjar eru það ekki bara
gráðurnar sem fleyta manni í gegnum lífið.
Guðný Harðardóttir, ráðningarstof-
unni STRÁ MRI, segir að háskólarnir
útskrifi nemendur sína með BS-gráðu
eftir þriggja ára nám, en áður hafi við-
skiptafræðinámið tekið fjögur ár.
Guðný Harðardóttir, ráðningarstofunni STRÁ MRI ehf.:,,Það má halda
því fram að við Íslendingar séum bæði gráðu- og titlasnobbarar.“
Líklegast
teljumst við
gráðusnobbarar
18 F R J Á L S V E R S L U N • 1 0 . T B L . 2 0 0 5
TEXTI: SVAVA JÓNSDÓTTIR